الموضوع: ألقاب x ألقاب

رأى الالقاب بين الاصحاب عادى او مع شخص ليك كلام معاه على الاقل لكن مع اى حد لا وكتر خير حضرات السواقين انهم بيقولولنا بشمهندس ودكتور دا كرم من سيادتهم
وشكرا على الموضوع يا باشا قصدى يا وحش قصدى يا كبير
ههههههههههههههههههههههههه ههههههههههههههههه

المشاركة الأصلية كتبت بواسطة mohamed ibiza

كده يا احمد باشا هههههههههههههههههه يخونك الوقفة في البرد في الربوة :D:D:D:D:D مكانز العشم هههههههههه

ابظبظ دي من الاولي من نوعها و هي من اختراع المدعو ............... ولا بلاش هههههههههه برو درايف بعد كده انطلق نايل ستورم و نهي و سموني اسامي غريبة :D:D بس علي فكرة كلهم ليهم اسامي بس مش هقولها عشان الفضايح وحشه هههههه:D:D:D

هههههههههههههه

محمد ليه القاب كتير كدة كلها تتمحور حولين الابيزا .. يعني فيه بيزا و بيظا و بظبظ و ابظبظ و بظابيظو و بوظا :D
و بعدين قول يا سيدي الالقاب بتاعتي ولا بيهمني
يا ابظبظ احنا مبيهمنااااااااااااااش

انا فى حياتى العادية فيه ناس بتندهلى باسمى وفيه ناس بتقولى يا باش مهندس ، ومبتفرقش معايا كتير، لكن ودنى بتزيق لما واحد من اللى معتادين يندهولى باسمى يقول لى ياباشمهندس او واحد من اللى معتادين يقولوا لى يا باشمهندس يندهلى باسمى، لا لشئ سوى الاعتياد لا اكثر

اما اكثر حاجة ودنى بتزيق معاها لما حد يقول لى يا استاذ، لا لشئ برضه سوى انها غريبة على اذنى لأن من ساعة ما ابتدا حد يلزق لقب قبل اسمى قبل عقدين من الزمان وهم بيلزقوا كلمة بشمهندس وبالتالى كلمة استاذ بقت غريبة جدا على سمعى ، لكن عموما بحس بالألفة اكتر لما الاقى حد بيكلمنى باسمى مجردا من الألقاب

أكتر كلمة بتعفرتني كلمة "كابتن" سمعت واحد ندهلي "لو سمحت يا كابتن" رحت لاففله وانا عينيا بتطق شرار الراجل اتبرجل في الكلام وانا فوتهاله وجاوبته عن سؤاله لأنه كان واضح ثقافته المحدودة.

ماحبش لقب مهندس أو "م/" قبل اسمي لأنه مالوش معنى دلوقتي في ظل وجود 80 مليون مهندس حسب آخر تعداد رسمي للسكان :). الاحترام له ألف مصدر عدا الألقاب.

وبمناسبة "م/" دي تلاقي دلوقتي أي حد في التليفزيون لازم له لقب، فهذا "خ/" يعني خبير، ولهم العديد من التخصصات فهذا"خبير بشئون المرمات والدهانات الجيرية" (نقاش جير يعني) وآخر "خبير أعمال فخارية" (قللي يعني) ده غير الخبراء بالشئون السياسية وخبير القرن الأفريقي وخبير الأقليات العرقية بالملايو .. لغاية ما البلد بقت مليانة خوابير :d
وعلى القنوات الرياضية تلاقي الضيف قبل اسمه "ك" أنا استنتجت إن دي ممكن تكون لقب "كابتن" اللي بيعفرتني :d الظاهار إنه بقى عيب إن الواحد يتقال اسمه حاف كدة من غير ألقاب، المهم يكون له لقب حتى لو كان "ك/"

غير كدة بانده لرؤسائي ب "ريس" وتقريبا ماحدش بيستعملها غيري في بر مصر :d

لو حد لسة اعرفه جديد في العمل باقول اسمه ووراه "بيه" لو كان أكبر مني سناً ومركزاً (ماباستعملش "باشا") أو اسمه حاف لو كان قريبا من سني كنوع من تقريب المسافات.