الموضوع: مقارنة بين Q3 Audi ,bmw x1

المشاركة الأصلية كتبت بواسطة k.ossama

انا مش فاهم......هو النقاش على إيه دلوقتى......؟
الكلام من الأول إن حضرتك بتقول إن الفتيسين كل واحد فيهم تكنولوجي مختلف. أنا تعليقى انهم تكنولوجي واحد. المبادئ والفكرة بتاعة الفتيس الdsg والs-tronic واحدة.

هى دى نقطة خلافى ان التكنولجى مش واحدة وعشان كده جبت اللينك بتاع زميلنا بيوضح ان الاتنين كل واحد فيهم مبنى على تكنولوجي مختلف

المشاركة الأصلية كتبت بواسطة farahat

أولاً أنواع ال-dsg :

1- الموديل الاول من 2003 لحد 2005 تقريباً (ويمكن راكب في بعض العربيات بعد كدة ) كان dsg ٦ سرعات

٢- الموديل التاني من أول ٢٠٠٦ ، ودة إلي احنا عارفينه في مصر وهو إلي كان ٧ سرعات


شرح الفتيسين:

الموديل الاول :

ودة كان فتيس اتوماتيك تماماً ، يعني معتمد على نظام هيدروليك في نقل الحركة ، ومتصل بالموتور عن طريق إختراع جديد يشبه محول العزم في الفتيس الاوتو العادي ، لكن هو في الحقيقة عبارة عن اتنين دبرياج (هو مش دبرياج قوي هو شبة كلاتشات الفتيس الاوتو كدة ) ودول راكبين داخل جسم شبة محول عزم الفتيس الاوتو وبيتم تعشقهم بضغط الزيت

الموديل التاني :

ودة إلي يهمنا أكتر عشان دة إلي نازل في مصر في الجيتا والباسات والجولف ،

دة عبارة عن فتيس منوال تماماً (على خلاف النوع الاول ) ، و عملينه على أساس إنه يكون وحدات منفصلة مجمعة (modular design ) ، وبصراحة تصميمه من الناحية الهندسية عبقري ، مش عشان الفكرة المبدعة إلي فيه بتاعت ال-dual clutch ، لكن عشان سهولة تصميمه والأجزاء إلي فيه ، ازاي هو متميز كدة وبسيط في نفس الوقت !!

ا

المشاركة الأصلية كتبت بواسطة M.Elwan

هى دى نقطة خلافى ان التكنولجى مش واحدة وعشان كده جبت اللينك بتاع زميلنا بيوضح ان الاتنين كل واحد فيهم مبنى على تكنولوجي مختلف

الأستاذ فرحات هو سبب اللخبطة...... ;-)
لأنه دخل فتيسين فى بعض......
فى فترة ٢٠٠٣، فولكس كان عندها فتيسين ٦ سرعات

واحد كان فتيس أوتوماتيك عادى تيبترونيك ٦ سرعات (09G) زى اللى كان نازل فى الجيتا القديمة والفانتازيا عندنا فى مصر. وزى اللى نازل دلوقتى فى الأوكتافيا A7 ال1600. وده مالوش علاقة خالص بموضوع الDSG.

فى واحد تانى فتيس DSG ٦ سرعات برضو (DQ250) وده كان نازل فى كتير من عربيات المجموعة فى أوروبا وبعض دول الخليج.

الفتيس التانى هى اللى DSG زى ال٧ سرعات بتاع دلوقتى، بنفس الفكرة ونفس التكنولوجي، وهم دول اللى زى الs-tronic