الموضوع: تقرير عن مميزات وعيوب اللوجان الشكل الجديد 2015

فيها امبوليزر ولا لا؟؟؟

المشاركة الأصلية كتبت بواسطة DESIGNER105

فيها امبوليزر ولا لا؟؟؟

فيها يا باشا

صباح الخير علي الجميع:
دي أول مشاركة ليا في المنتدي ومتهيألي مش هتبقي آخر واحدة ليا إن شاء الله، أنا بفكر أشتري النيو لوجان إن شاء الله ... ودي هتبقي أول عربية زيرو ليا، في بس سؤالين من السادة أصحاب السيارات، الأول إيه هيا الحاجات اللي أجربها وأنا بأستلم العربية، والثاني هل فعلا اللون الإسود في العربية مصغرها ولا لأ........شكراً جزيلاً

المشاركة الأصلية كتبت بواسطة ٍMohammed

صباح الخير علي الجميع:
دي أول مشاركة ليا في المنتدي ومتهيألي مش هتبقي آخر واحدة ليا إن شاء الله، أنا بفكر أشتري النيو لوجان إن شاء الله ... ودي هتبقي أول عربية زيرو ليا، في بس سؤالين من السادة أصحاب السيارات، الأول إيه هيا الحاجات اللي أجربها وأنا بأستلم العربية، والثاني هل فعلا اللون الإسود في العربية مصغرها ولا لأ........شكراً جزيلاً

دا الحجات الي تجربها
http://www.nilemotors.net/Nile/212786-a.html
اما عن اللون الاسود فانا مش عارف الصراحه

المشاركة الأصلية كتبت بواسطة مروان المصري

انا مرتاح للوجان جدا بس الي مخوفني 1 ان دي اول عربية ليا انا 19 سنه فخايف تتبهدل مني انا اعرف ان الرينو اسعار قطع الغيار غالية جدا 2 سمعت ان الصاج ورق فمعلش طمني انا حاسس اني داخل امتحان الثانويه تاني حاجه اخيرة معلش العربية دي لو هستعملها استعمال عدل تعيش معايا ولا هتفتح بقاها معلش مصدعك و شكرا علي الرد

خوفك من الصاج فى محله ... صاج اللوجان ضعيف فعلاً .... هقولك كمان على معلومة ان اللوجان القديمة كانت ماكينة درفلة شيت الصاج فيها مشكلة مخليه سمك الصاج اقل شوية فى حتة و زيادة فى حتة عشان كدة هتلاقى عربيات رينو كتير -الشكل القديم- فيها انبعاجة عند جانب الشنطة الايسر فوق الكاوتش الايسر منطقة الشنطة.. و دا بسبب سمك الصاج القليل بالاضافة لمشكلة فى الدرفلة خلت الشيت كله مش متجانس فى السمك... المهم صاج اللوجان ضعيف..

قطع الغيار مش غالية قوى بالمقارنة بباقى العربيات فى فئتها سواء صينى او كورى

لو هتشترى العربية دى هتعيش مرتاح جدا لأنها استهلاك بنزين مش عالى و مش بتحتاج غير الصيانة الدورية ... بس عيوبها الصاج الضعيف و الرعشة فى الفتيس المانوال و مش بتاعة غرز و مناورات انما هى عائلية

أولا شكرا لجميع المشاركين فى الموضوع
ثانيا أنا من العريش والواحد المدة دى محتار فى اختيار العربية بس بعد الموضوع دة دماغ الواحد راحت للوجان بس ليا اكتر من استفسار : عندنا فى العريش اكتر انتشار للفيرنا واللانوس علشان قطع الغيار والميكانيكية بيعرفوا يشتغلوا فيهم السوال لو جبت اللوجان هل ممكن مع توفير قطع الغيار اى حد يشتغل فيها ولا لازم التوكيل عندنا هنا الشركة العالمية للسيارات وكيل معتمد لرينو قالى ان هو ممكن يوفر قطع الغيار لو فى حاجة بس موضوع الصنايعى اللى يشتغل هو ميعرفش ينفع ولا لأ ممكن افادة من اصحاب العربية