هو ايه اللي حصل؟
على فكرة بقى الكلام دا يُتنسم فيه رائحة الصواب -بالنسبة لي- بخصوص البنك الاسلامي .. ودائما كان يخطر على بالي هذا السؤال كثيرا .. ازاي بنك يعمل تحت منظومة كبيرة مؤسسينها اصلا اليهود ومن قالوا انما البيع مثل الربا... هايقدر يمشي بنظام مخالف لواحده والبنك نفسه بيعترف انه يخضع لاحكام قانون البنك المركزي وصندوق النقد...
اعتقد ان اي حد من حقه يقول رأيه من غير حكاية انه ليه فيه ومالوش ..ولو الرأي غلط يترد على الرأي بس واللي عنده معلومة بيقولها لغيره ويفيده...
بدل مانسيب الموضوع الاصلي
واي بنك بالنسبة ليهم يعتبر زي فرع من فروع كنتاكي بالنسبة للشركة الام...
الكلام دا بقى للاسف مفيهوش نفس الرائحة ..يعني مش معنى ان ممكن البنوك الاسلامية فيها شبهة يبقى نتعامل مع اي بنك وخلاص وكله زي بعضه!!!
بتفكرني بواحد كان مقاطع البيبسي وبعدين في يوم جاب كوكاكولا قالوا له دي كمان مقاطعة.. قالهم كمان؟؟؟!! خلاص يبقى اشرب بيبسي بقى :)
يعني بعضنا واخد موقف انه كدا كدا هايتعامل مع البنوك .. لو وجد مصلحة مع الاسلامي هايتعامل .. لو وجد فيه شبهة يبقى يتعامل مع البنك غيره مش اسلامي اللي فايدته اقل واسهل..
ليه الناس مش مقتنعة بالتعامل بالتقسيط مع التاجر؟؟ علشان فايدته عالية؟ مانا حسبتها يا جماعة وطلعت هاتبقى حوالي 22% على باقي المبلغ بس يعني ممكن تبقى 11% على اجمالي سعر السيارة..
وبعدين لازم طبعا يبقى الفايدة مرتفعة كدا بالنسبة للتاجر...مش بيعطل فلوسه اللي لو دورها ممكن يجيب اللي التقسيط هايجبهوله في سنة يجيبه في 3 أو 4 شهور بالكتير لانه كل مايبيع هايشتري ويبيع
ولو مكسبه اقل من كدا بصراحة هايفكر يحط فلوسه في البنك وخلاص ويريح دماغه بلا شغل بلا تجارة بلا مخاطرة.... دا التاجر اللي بيقسط دا يستاهل تحية كبيرة..
انما البنك بتبقى فايدته اقل لانه بياخد فايدة على التمويل بس
المفضلات