الموضوع: بنك فيصل الأسلامى فقط الى بيقسط بطريقه اسلاميه 100%

العقد بيكون نسختين نسخه معايه بتروح المرور علشان اطلع الرخصه ونسخه بتكون فى البنك ومدام الرخصه باسمك هحتاج العقد فى ايه
انا احب بس اعرف استاذ تامر هوه ليه مش مؤمن ان العلماء الى احلوا التعامل مع بنك فيصل حلال اكيد اعلم مننا ودارسين فقه وشريعه ومش هيفتوا حسب هواهم ولو هوه عنده شيوخ بتقول ان توكيل البنك علشان يشترى العربيه حرام انا نقلتللك راى علماء اخريين بيقولوا حلال
فى نقطه كمان انا الاجرأت معايه كانت مختلفه عن حضرتك انا البنك مسمحليش اخد الشيك خالص ورفض تماما انى اكتب العقد النهائى او امضى على الشيكات بتاعت القسط غير لما راح مندوب معايه دفع فى خزنة التوكيل شيك بقيمة العربيه واشترى العربيه امامى بعقد نهائى لصالح بنك فيصل ورجعت معاه للبنك بعد كده علشان اوفى بوعدى فى شراء العربيه من البنك ويا ريت تراجع الفتوى بتاعت الدكتور حامد العطار وخصوصا بالجزء بتاع توكيل البنك لشراء العربيه عنك و انت تسدد له ثمن العربيه على اقساط ممكن تكون حضرتك اتعاملت مع بنك فيصل من فتره بعيده كانوا لسه مظبتوش الإجرأت بتاعت الشراء و البيع لكن انا اشتريت العربيه من سنه وبقول انهم ناس محترمه جدا و بيراعوا ربنا جدا وانا الحقيقه واثق فيهم و فى الشيوخ الى احلوا التعامل معاهم

وجمله اخيره اختلاف العلماء رحمه لينا مش لازم نمسك فتوى واحده ونقفلها فى وش الناس و العلماء الى احلوا ذللك هيثابوا على اجتهادهم والى حراموا حولوا يتجنبوا الشبهات بس موجدوش بدائل بس اكيد برده هيثابوا على اجتهادهم وربنا يرحمنا جميعا



فإذا أراد أي بنك أن يبيع لك سيارة عن طريق ببيع المرابحة، فلهذا البيع خطوات لا بد أن تمر من خلالها حتى تكون الصورة مشروعة، وإلا كانت مجرد تمويل ربوي.
وإليك هذه الخطوات :-

أ-طلب من العميل يقدمه للمصرف لشراء سلعة موصوفة.

ب-قبول من المصرف لشراء السلعة الموصوفة.

ج-وعد من العميل لشراء السلعة الموصوفة من المصرف بعد تملك المصرف لها.

د-وعد من المصرف ببيع السلعة الموصوفة للعميل .

هـ-شراء المصرف للسلعة الموصوفة نقداًَ.

المشاركة الأصلية كتبت بواسطة m_mohi

there is something wrong in your calculations
3500x24 = 84000
+50000
=134000
over two years
the interest rate is 20% of the remaining amount!!
24/60
!!!!!

انا اسف القسط 3120 و التامين فى السنه هوه 3500 يعنى العربيه 124000 \

العربيه زادت عن ثمنها الاصلى 14 الف يعنى 7000 فى السنه لو حسبتها هتتطلع 7%

المشاركة الأصلية كتبت بواسطة mohamed_kta

السلام عليكم
الموضوع مهم فعلاً و جميل و عندى ملاحظتين :

أولاً طالما عالم من علماء الأزهر الشريف أفتى و أنا قرأت نفس الأفتاء من هيئة علماء المسلمين فى الازهر ممكن تتصل بـ 170 و تتأكد أظن ده يكون شئ مطمئن جداً.

ثانياً ياريت ياجماعه اللى بينقض يقول الحل أيه مش بس يقفل الباب فى وش الناس مع العلم أن وجهة نظرى أن العربية أصبحت ضرورة من ضروريات الحياة مش رفاهية زى زمان و موضوع القسط ده رحمه .

أولا:
بالنسبة للفتوى: ماذا تقصد ان اتصل بيهم اقولهم التعامل مع بنك فيصل حلال ولا حرام مثلا؟؟
طب انا لو سألتهم التعامل مع بنك مصر حلال ولا حرام تفتكر يقولوا ايه؟؟
سمعت عن اللي سألهم عن العمل في احدى شركات الغاز التي تصدره لاسرائيل هل هو حلال ولا حرام؟؟
كان رد دار الافتاء كالآتي: البيع في حد ذاته حلال(وأحل الله البيع) وجاء الرد الحاسم كالآتي:
"إنها لا تملك الوسيلة العلمية ولا الخبرة الفنية ولا المشاركة السياسية ولا الاقتصادية التي تمكنها من استجلاء الصورة أو من تحصيل التأكيد الذي يجب علي القائم بالفتوى أن يعتمد عليه في مثل هذه الحالات..." !!!!!!!
http://www.islamonline.net/servlet/S...ah%2FSRALayout
هو عموما اي حد هاتسأله في الموضوع هايذكرلك الخطوات والاجراءات الصحيحة وكذلك الفتاوى التي نشرها صاحب الموضوع..
المهم تطبيق هذه الفتوى بحذافيرها على البنك..
أما لو سألته التعامل مع بنك فيصل بالتقسيط الاسلامي والمرابحة الشرعية وقالك حلال من غير مايشوف العقود ويتأكد من الخطوات العملية وليس مايقال من الموظفين.. فهذا لا تلزمك فتوته حتى لو كان مين..
فكما يقولون الرجال يعرفون بالحق ولا يعرف الحق بالرجال
ومثال على ذلك هذه الفتوى ..
http://www.islamqa.com/ar/ref/120662

ثانيا:
بالنسبة للحل البديل يوجد العديد من التجار اللي بيقسطوا بس انا كنت فاكر انهم بيقسطوا بفايدة عالية في حدود 21% ولكن الرد التالي لفت نظرنا ان برضه فايدة البنك عالية زي التاجر..

المشاركة الأصلية كتبت بواسطة m_mohi

there is something wrong in your calculations
3500x24 = 84000
+50000
=134000
over two years
the interest rate is 20% of the remaining amount!!
24/60
!!!!!

ولكن ليس عدم وجود الحل هو اللجوء إلى الحرام..ومحاربة الله بالربا..
قال الله تعالى{ ومن يتق الله يجعل له مخرجا ويرزقه من حيث لا يحتسب} بالترتيب كدا اولا التقوى ثم يأتي المخرج..

تعليق أخير:
ممكن يكون بنك فيصل فعلا اسلامي وله حق البيع والشراء بعكس البنك التجاري - وان كنت اشك بعد ان قرأت ان صفة البنك انه بنك تجاري- ..ولكن فقه المعاملات والبيوع غائب عنهم وليس واضح لديهم الفرق في تنفيذ خطوات المرابحة الشرعية..
فمثلا كما ذكر صاحب الموضع انهم اولا كتبوا عقد اتفاق او التزام او ايا كان.. واللي انا شفته وكان اول بند فيه البيع او الاتفاق على البيع..
وهذه الصورة مخالفة من جهتين
اولها ان البنك يبيع مالا يملك
ثانيا هذا يعتبر من بيع الغرر حيث ان البنك يبيع لي سيارة قبل ان اعاينها وهذه المعاينة لا تتم الا بعد معاينة السلعة بعد دخولها في حيازة البنك..

مع ملاحظة اننا مازلنا نتكلم في أول خطوة من خطوات المرابحة..

البيع بالغرر ده لو كان المندوب مرحش معايه واشترى عربيه جديده كاش امامى مش مستعمله من المعرض فين الغرر العربيه معروفه جدا و التوكيل ده مكان مضمون ليه التشكيك وبنك فيصل الفائده 7% بس وانا وضحت انى كتبت الاقسط غلط 3120 مش 3500 يعنى بزياده 14 الف عن ثمن العربيه لو حسبتها على سنتين تبقى 7% يعنى البنك مش استغلالى زى المعارض الى بتطلب 20% وده بجد الغرر والاستغلال لحلال ربنا

وفى دينا كل شيئ حلال لحد ما يذكر نص يحرم ذللك ايه النص الى مع حضرتك يحرم عملية بيع وشراء بين طرفين فقط حتى ولو انا عهدت البنك على انى هشترى العربيه منه ده وكاله وفى جمهور من العلماء حللوا الوكاله مش بتوع الازهر بس

المشاركة الأصلية كتبت بواسطة dody_nany

فى نقطه كمان انا الاجرأت معايه كانت مختلفه عن حضرتك انا البنك مسمحليش اخد الشيك خالص ورفض تماما انى اكتب العقد النهائى او امضى على الشيكات بتاعت القسط غير لما راح مندوب معايه دفع فى خزنة التوكيل شيك بقيمة العربيه واشترى العربيه امامى بعقد نهائى لصالح بنك فيصل ورجعت معاه للبنك بعد كده علشان اوفى بوعدى فى شراء العربيه من البنك.

انا زي ماقلت في اول رسالة لي ان الكلام دا حصل معايا من 3 سنوات وقلت ان يمكن الوضع اختلف دلوقتي,, لان اللي كان هايحصل معايا التوقيع على عقد البيع اولا وبعدين البنك يشتري السيارة..
اذا كان كما ذكرت يبقى ان شاء الله خير للجميع الذين يتحرون الحلال..
سؤال اخير.. يعني المعرض عمل عقد بيع للبنك وبعدين مضيت الشيكات وبعدين اخدت جواب المرور باسمك؟
وجزاك الله خيرا..

المشاركة الأصلية كتبت بواسطة dody_nany

البيع بالغرر ده لو كان المندوب مرحش معايه واشترى عربيه جديده كاش امامى مش مستعمله من المعرض فين الغرر العربيه معروفه جدا و التوكيل ده مكان مضمون ليه التشكيك وبنك فيصل الفائده 7% بس وانا وضحت انى كتبت الاقسط غلط 3120 مش 3500 يعنى بزياده 14 الف عن ثمن العربيه لو حسبتها على سنتين تبقى 7% يعنى البنك مش استغلالى زى المعارض الى بتطلب 20% وده بجد الغرر والاستغلال لحلال ربنا

تصحيح : هي الفائدة كدا تبقى 12.4 % سنويا
لان المبلغ الزائد هايتحسب كنسبة من المبلغ المتبقي وليس على كل ثمن السيارة
3120*24=74880-60000=14880
14880/60000*100=24.8 % على سنتين
يعنى في السنة 12.4 % مازال اقل من التاجر برضه

المشاركة الأصلية كتبت بواسطة tamera

انا زي ماقلت في اول رسالة لي ان الكلام دا حصل معايا من 3 سنوات وقلت ان يمكن الوضع اختلف دلوقتي,, لان اللي كان هايحصل معايا التوقيع على عقد البيع اولا وبعدين البنك يشتري السيارة..
اذا كان كما ذكرت يبقى ان شاء الله خير للجميع الذين يتحرون الحلال..
سؤال اخير.. يعني المعرض عمل عقد بيع للبنك وبعدين مضيت الشيكات وبعدين اخدت جواب المرور باسمك؟
وجزاك الله خيرا..

خرج معايه مندوب من البنك بثمن العربيه ودفع ثمن العربيه واخذ عقد البيع ورجعت مع المندوب البنك علشان امضى على الشيكات و اعمل العقد النهائى