الموضوع: ما خاب من استشار تحت امركم فى اى استشارات مالية او عقارية

المشاركة الأصلية كتبت بواسطة geologist_774

متشكر لنصيحتك وردك يا دكتور فعلا عارف انة مجال صعب وعايز دراسة بس بكل الاحوال هيكون احسن من الجورصة المصرية او ما كان يعرف بالبورصة المصرية وعشان كدة بسئل حضرتك على شركة سمعتها كويسة ومفيش فيها مشاكل فى تحويل الاموال والمخاطرة هتكون عليا لان انا ناوى اتاجر بنفسى مش عن طريق ايداع باسم حد تانى واكون شاكر لو ساعدتنى فى معرفة شركة ذات سمعة ومصداقية.

حاضر هسئلك علي شركات مضمونة علشان انا مبحبش المجال ده و عايزك تفكر كمان فى التعامل فى الاسهم و مشتقاتها فى البورصات العالمية مش العملات انا شايفها اقل مخاطرة و يمكن اكثر ربحا لو اتقنت التعامل فيها

ايه راى حضرتك فى اماكن مشروع دار مصر الى هى القرنفل والاندلس فى التجمع وايه راى حضرتك فى المشروع نفسه

للتذكير

محتاج رأى حضرتك .... عاوز اعمل مشروع صغير .. او افتح محل و ابدأ تجارة معينة ...
انا مهندس ميكانيكا ... بحب الصيانة و العمل اليدوى ....معايا اقل من 500 الف .. متفرغ للمشروع .. مش مستعجل على الربح ... و املك محل مساحته 30 متر فى منطقة جديدة فى مدينة 6 اكتوبر ... قريبة من التوسعات الشمالية

المشاركة الأصلية كتبت بواسطة geologist_774

مش قادر اشكرك فعلا يا دكتور على تعاونك وذوقك بس دا ال بيطمعنى اسالك بخصوص هل ممكن التعامل فى السوق الامريكية مثلا s&p 500 من خلال شكات وساطة هنا فى مصر ولا لازم عن طريق شركات امريكية وان كان فما هو الحد الادنى لفتح حساب ونسبة العمولة لان شوفت الموضوع دا فى بعض المنتديات بس كان بيتكلم على دول الخليج وبعض البنوك بتوفر انك ممكن تتعامل فى البورصات الامريكية .........وسعيد جدا بردك

بالنسبة للشق الأول من السؤال لا مفيش لأن البنك المركزى مانع التعامل فى البورصات الدولية للاسف
اى شركة بتشتغل هيكون بطريقة فيها تحايل على القانون
الطريقة المثلى هى ان حضرتك يكون ليك حساب بالدولار الأمريكى فى أحد البنوك فى مصر و تحول لحساب الشركة الأمريكية و تشتغل اون لاين بعد كده و الشركة تديك امكانية تخش حسابك و تسحب و تحول على حسابك فى اى وقت طبعا الشركات الموثوق فيها معروفة و كل شركة بتديلك خدماتها منها حساب تجريبى و منصة تداول محترفة و دراسات و بحوث و خدمات عملاء اون لاين انت بتختار الى يناسبك و نصيحتى شوف تقييم اى شركة الأول فى كل مجال و ادرس عمولاتها كويس و طريقة فتح الحساب و اسلوب التحويل و التحويل العكسى علشان للاسف النصب كتير فى المجال ده فى الشرق الأوسط عامة

المشاركة الأصلية كتبت بواسطة eslam.elrefaey

ايه راى حضرتك فى اماكن مشروع دار مصر الى هى القرنفل والاندلس فى التجمع وايه راى حضرتك فى المشروع نفسه

و الله راى مش هيفيد بحاجة لأن الناس قالت رأيها
انا كنت شايف ان الموقع كويس بس السعر مبالغ فيه انا عندى مشروعات فى القرنفل مثلا و كان سعر البيع للجمهور قبل دار مصر حوالى 4000 جنيه للمتر فى فيلات دورين مبينية على 45% من الأرض و الباقى جنينة
طبعا بعد نجاح طرح المشروع السعر ارتفع هناك ووصل الى 5500 جنيه لأنه وضح مدى الأقبال
المشروع بقى هيكمل فى ميعاده و لا لا او هيبقى مستواه ايه دى حاجة ربنا أعلم بيها انا اتكلمت عن السعر و الموقع و دول الى انا اعرفهم

المشاركة الأصلية كتبت بواسطة ahmed_eng2001

للتذكير

محتاج رأى حضرتك .... عاوز اعمل مشروع صغير .. او افتح محل و ابدأ تجارة معينة ...
انا مهندس ميكانيكا ... بحب الصيانة و العمل اليدوى ....معايا اقل من 500 الف .. متفرغ للمشروع .. مش مستعجل على الربح ... و املك محل مساحته 30 متر فى منطقة جديدة فى مدينة 6 اكتوبر ... قريبة من التوسعات الشمالية

بص للاسف مجال الصناعة دلوقتى مفهوش اى تشجيع لو كنا من كام سنة كنا بدأت معاك مشاريع مربحة جدا لأن ده تخصصى اصلا المشاريع الصناعية منخفضة التكلفة ذات العائد المرتفع و طبقته فى حتت كتير مش عارف مصر الصراحة مالها الدولة الوحيدة الى مقدرتش اعمل فيها حاجة
عايز تكسب من المحل بتاعك يبقى افتح محل لأمدادات البناء ( حديد أسمنت دهانات حدايد كيماويات تركيب مصاعد و صيانتها ) هتستفيد جدا من حركة البناء هناك و بعد كده ابقى شوف طبيعة المنطقة و غير النشاط