الموضوع: ما خاب من استشار تحت امركم فى اى استشارات مالية او عقارية

المشاركة الأصلية كتبت بواسطة egyptawy2010

انا سمعت انى مشروع دار مصر ملكية الارض غير متاحة

يعنى الا يشترى شقة ليس له حصة فى الارض

للاسف الناس بتفتي جامد في موضوع دار مصر ده بدون علم و هتسمع فتي كتير في الواقع النقطة دي ملهاش اي ذكر في كراسة الشروط "ان الساكن ملوش حق في الارض" بس الموضع هيبان في العقد للي هيرسي عليهم الوحدات

المشاركة الأصلية كتبت بواسطة eslam.elrefaey

مش فتى ومعاك انه مش مذكور فى الكراسة بس طلع مذكور فى حاجة تانية مش فاكر اسمها تشمل كل المشروعات الى معمولة دلوقتى زى مشروع المليون وحده كده ان كلهم ليك حق الانتفاع من الشقة يعنى لو وقعت كل سنة وانت طيب وتم التأكد من أكثر من مصدر فى اكتر من مكان

انا مقصدش ان انت اللي بتفتي اعتذر عن سوء الفهم انا اقصج اني كل شوية اسمع حاجة غلط من الناس و الاقي مذكور عكسها في كراسة الشروط
هسأل ان شاء الله في الموض ع ده في البنك و ربنا يعمل اللي فيه الخير
الصراحة السعر و التسهيلات في السداد و الموقع الرائع مشجعني جدا و نفسي الواحد يستفاد بحاجة من البلد دي بجد مطلعناش عمرنا من وش الحكومة بحاجة

انتم متاكدين من الكلام ده....الوزير ما لي الدنيا ان دي مساحات صافي!!!!!!!

الحكومه بتنصب!

حد عنده فكرة القرعة بيكون نظامها ايه ؟ يعنى لو انا عايز مساحة معينة دور متكرر ازاى هختار ده و اطلع من القرعة على اى حاجة تانية ؟ علشان فيه شرط جزائى لو رجعت بعد التخصيص بتدفع نسبة من المبلغ الكلى للشقة

المشاركة الأصلية كتبت بواسطة أحمد عبدالله

منقول من احد العاملين بقطاع العقارات بالقاهرة الجديدة

"ملاحظات سريعة حول الوحدات المطروحة من قبل الدولة بالقاهرة الجديدة
ملاحظات تخص الملكية وحق التصرف فيها
1- لا يوجد حصة بالارض لملاك الوحدات اي ان ما يملكه صاحب الوحدة هي الشقة فقط وقد اكد هذا الامر مساعد الوزير في تصريح له علي قناة صدي البلد بان الارض ملك الدولة ولا يجوز تمليكها للمواطنين
2- لن يستطيع المالك التصرف في الوحدة بالبيع للغير الا بعد سداد كامل الثمن " طبيعي " وبعد الحصول علي موافقة الجهاز كتابيا " كمين " ليه بقي كمين لانه هيتعامل مع الوحدة زي الاراضي المخصصة فهايطلبك بنسبة من اجل الموافقة علي البيع او التنازل للغير علي فكرة الورقة اللي الشهر العقاري بيطالب اي حد بيبيع شقة انه يجيبها من الجهاز الورقة دي بيبقي فيها اقرار من الجهاز بان الوحدة محل البيع بالتوكيل غير خاضعة لقانون الوحدات الاقتصادية او المدعومة ملاحظات تخص مساحات الوحدات
3- الوحدات المطروحة مساحتها ليست صافية كما زعموا من قبل فالوحدة التي مساحتها 130 متر صافيها 101 متر وبعد اضافة 12% نسبة الحوائط تصبح مساحتها 113 متر فقط فيبدوا انهم يقومون بتحميل الوحدة نصيبها من المدخل والسلم وطرق التوزيع
4- البلان الداخلي للوحدات غير متوازن فالغرف مساحتها مريحة ومتسعة والريسبشن ضيق وبالكاد سيتم فرشه بقطعة ونصف
ملاحظات تخص التسعير
5- سعر المتر 4250 جنيه وباضافة 2% تميز للادوار المتكررة و5% وديعة صيانة يصبح سعر المتر حوالي 4500 جنيه والادوار الارضية التي سيكون بها حدائق سيتم تقدير قيمة مالية لها كحق انتفاع وذلك عند التسليم
6- التسعير غير مناسب للموقع فكما نعلم ان القطاع الاكبر من المشروع يقع في المنطقة المحصورة بين منطقة القرنفل وغربا ومقابر طريق السويس شرقا وامتداد الرحاب شمالا وتسعير منطقة القرنفل فيلات لا يتجاوز ال4500 جنيه للمتر وتسعير منطقة اللوتس بجانب الجامعة الامريكية 5000 جنيه مع الاخذ في الاعتبار ان المشروع حصل علي دور زيادة استثناءا فالعمارات ارضي وخمسة ادوار ولو قمنا باعتماد اخر تسعير لاراضي طرحت فهو 3500 جنيه للمتر بمنطقة الاندلس مع فارق الدور الزيادة فكان يجب الا يزيد التسعير عن ثلاثة الاف جنيه للمتر بالتشطيب
7- مسالة ان الوحدات كاملة التشطيب سلبية وليست ايجابية لان التشطيب امر ذوقي واعتقد ان من يشتري وحدة ب500 الف جنيه فسوف يهتم بتفاصيل تشطيبها وسوف يدقق في جودة المواد المستخدمة فكانما من سيشنري الوحدة لن يستفيد من مسالة تشطيبها الكامل لانه سيقوم باجراء تعديلات علي الموجود واعتقد انها ستكون جوهرية ومما يثير الشك ايضا ان كراسة الشروط لم تتضمن اي مواصفات للتشطيب
ملاحظات تخص الموقع
8- وجود المقابر بجانب المشروع مع الاكتفاء بسور شجري فقط للمشروع طبقا لما هو مكتوب بكراسة الشروط يقلل من تميز الموقع
- في رائي ان الملاحظات ارقام 1,2,6,8 هي ملاحظات جوهرية يجب ان تاخذ مساحة من التفكير والتحليل قبل اتخاذ قرار المشاركة بالقرعة" انتهى كلامه

و الله كلام حضرتك منطقي جدا و قلقني طب هل حضرتك شايف اني ممكن اخد حاجة كويسة في النرجس او القرنفل بمقدم 300 الف او 400 الف و اقسط الباقي علي سنتين او 3 هل في حاجة كده ؟ لان ميزة الحكومة الوحيدة بالنسبالي التسهيلات في السداد عسان معيش كاش يكفي و كل اللي شفته في النرجس resale و ناس طالبة 800 الف او 900 الف و مليون كاش فا ده مش مناسب ليا