هل انا لو سعيت للطلاق كدا ابقى ظالمة

**محمد يوسف** · 15-08-2014 01:27 AM

المشاركة الأصلية كتبت بواسطة r0xer

البنت قالت انها اجبرت على الجوازة!! في اول مشاركة!

وذكرني معلش فين انا غلطت وبعدين اعترفت؟ لاني مش واخد بالي بتتكلم عن ايه!

انا لازلت على موقفي، لو البنت اجبرت على الجوازة زي ماقالت في اول الموضوع فالجوازة باطلة فاي عقد في العالم يلزمه الرضا والقبول...فإن كان فيه اجبار فالعقد باطل باطل باطل.

ولابد من معاقبة من أجبر الفتاة على الزواج فهو مشترك في الجريمة ولو كان مين فلابد يتعاقب...ابوها خالها عمها القانون مبيفرقش.

أجبرت على الموافقة....يعنى ضغطوا عليها عشان توافق...ووافقت مجبرة.... مش جت قدام المأذون قالت لأ وجوزوها

أما الغلط السابق فأعتذر لأنى خلطت بينك وبين العضو مينى كوبر

برضه أكرر نصيحتى بعدم التسرع فى الفتوى فى عقد زواج

ولو كنت تقبل على نفسك أن تسجن أباك لأى سبب فلتنصحها بسجن أبيها....ولتبوء باثمك واثمها

وربنا يهدينا جميعا

**r0xer** · 15-08-2014 01:36 AM

المشاركة الأصلية كتبت بواسطة محمد يوسف

أجبرت على الموافقة....يعنى ضغطوا عليها عشان توافق...ووافقت مجبرة.... مش جت قدام المأذون قالت لأ وجوزوها

أما الغلط السابق فأعتذر لأنى خلطت بينك وبين العضو مينى كوبر

برضه أكرر نصيحتى بعدم التسرع فى الفتوى فى عقد زواج

ولو كنت تقبل على نفسك أن تسجن أباك لأى سبب فلتنصحها بسجن أبيها....ولتبوء باثمك واثمها

وربنا يهدينا جميعا

انت اللي بتشخصن اهو يا أستاذ محمد ايه جاب سيرة ابويا لله يرحمه؟ :d عموما مقبولة منك...

وهي مقالتش انها اجبرت على الموافقة، هي قالت نصّاً الفقرتين دول :

"أنا زوجة تانية لرجل سعودي وزوجته متعرفش مفيش داعي ادخل في تفاصيل بس انا اجبرت عليه ومش عارفة اسيبه"

" على الاقل افضل من ما اكون مع انسان اجبرت عليه ومتزوج وعنده بيت وزوجة وكمان متعرفش"

" ولكن كوني اجبرت + زوجة تانية + في الخفاء عن اهله + كبر سنه + اسلوب زواجي"

اجبرت..جبر...اجبار. تلت مرات يا أستاذ محمد قالت انها اجبرت...!

تحياتي لشخصكم الكريم..

**محمد يوسف** · 15-08-2014 01:41 AM

المشاركة الأصلية كتبت بواسطة r0xer

انت اللي بتشخصن اهو يا أستاذ محمد ايه جاب سيرة ابويا لله يرحمه؟ :d عموما مقبولة منك...

وهي مقالتش انها اجبرت على الموافقة، هي قالت نصّاً الفقرتين دول :

"أنا زوجة تانية لرجل سعودي وزوجته متعرفش مفيش داعي ادخل في تفاصيل بس انا اجبرت عليه ومش عارفة اسيبه"

" على الاقل افضل من ما اكون مع انسان اجبرت عليه ومتزوج وعنده بيت وزوجة وكمان متعرفش"

" ولكن كوني اجبرت + زوجة تانية + في الخفاء عن اهله + كبر سنه + اسلوب زواجي"

اجبرت..جبر...اجبار. تلت مرات يا أستاذ محمد قالت انها اجبرت...!

تحياتي لشخصكم الكريم..

الله يرحمه رحمة واسعة ويسكنه فسيح جناته

دى مش شخصنة..لأن مكانة الوالدين مقدسة لاتخضع لاختلاف

وباكرر لك تانى...أجبرت على الزواج بمعنى أجبرت على الموافقة عليه وعلى ظروفه

هى ماقالتش أنا رفضته... قالت أجبرت عليه...يعنى وافقت بس مجبرة.....وكلاهما له حكمه

أشكرك على التحية..ولك منى مثلها

**r0xer** · 15-08-2014 01:59 AM

المشاركة الأصلية كتبت بواسطة محمد يوسف

الله يرحمه رحمة واسعة ويسكنه فسيح جناته

دى مش شخصنة..لأن مكانة الوالدين مقدسة لاتخضع لاختلاف

وباكرر لك تانى...أجبرت على الزواج بمعنى أجبرت على الموافقة عليه وعلى ظروفه

هى ماقالتش أنا رفضته... قالت أجبرت عليه...يعنى وافقت بس مجبرة.....وكلاهما له حكمه

أشكرك على التحية..ولك منى مثلها

اللهم آمين يارب ويرحم موتى المسلمين جميعاً..

الإكراه في الزواج يا أستاذ محمد يفسد العقد وراجع فتاوي "ابن باز" في هذا الشأن لانه كانت منتشرة اوي في عصره جوازات العافية في السعودية...مفيش حاجة اسمها اجبرت على الموافقة فكيف تكون موافقة اذا كانت اجبرت عليها؟

وعموما خلينا نسمع منها هي احسن :)

**محمد يوسف** · 15-08-2014 02:13 AM

المشاركة الأصلية كتبت بواسطة r0xer

اللهم آمين يارب ويرحم موتى المسلمين جميعاً..

الإكراه في الزواج يا أستاذ محمد يفسد العقد وراجع فتاوي "ابن باز" في هذا الشأن لانه كانت منتشرة اوي في عصره جوازات العافية في السعودية...مفيش حاجة اسمها اجبرت على الموافقة فكيف تكون موافقة اذا كانت اجبرت عليها؟

وعموما خلينا نسمع منها هي احسن :)

فى مذهب الامام مالك والشافعى يجوز لولى الأمر اجبار البكر وتزويجها لمن هو كفء

والاجبار غير القوة.... الاجبار اللى أقصده هو ممارسة ضغوط للاقناع أو انتزاع الموافقة...يعنى تقول موافقة وان كانت غير مقتنعة داخليا.... وليس استخدام العنف أو القوة أو تزويجها بتهديد السلاح

عموما أنا باتكلم بشكل عام ..وربنا يكتب الخير لصاحبة المشكلة.... وسعيد للمناقشة معاك.....

تصبح على خير

**a7medsh3rawi** · 15-08-2014 03:20 AM

قال تعالى (لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا) سورة الاحزاب 21

روى البخاري ومسلم عن عائشة رضي الله عنها قالت: تزوجني النبي صلى الله عليه وسلم وأنا بنت ست سنين وبنى بي وأنا بنت تسع سنين. وهي رواية الأكثرين. وأما الرواية الأخرى فقد رواها مسلم في صحيحه عن عائشة رضي الله عنها: أن النبي صلى الله عليه وسلم تزوجها وهى بنت سبع سنين وزفت إليه وهى بنت تسع سنين ولعبها معها ومات عنها وهى بنت ثمان عشرة.

تزوج الرسول (صلى الله عليه وسلم) السيدة عائشه (رضى الله عنها) وعمره 51 عاما وقد كان عمرها 6 اعوام وتوفى وعمره 63 عاما وكان عمرها 18 عاما
أى فرق السن 45 عام

كل حاجه فى الدنيا ليها مميزات وعيوب

عيوب هذا الزواج:
1- السن المبكر
2- بالاكراه على حسب الوصف
3- فى بلد غير بلدك
4- الزوج سنه كبير
5- زوجه ثانيه بدون معرفة الزوجه الاولى
6- عدم وجود خطوبه او حنه او فرح
7- الزواج على طريقه اسلاميه بمعنى عقد كتب الكتاب فقط
بدون هيصه وفستان فرح واشياء ما انزل الله بها من سلطان

مميزات هذا الزواج:
1- الزوج على خلق ودين
2- الاب ملتزم ويكفى انه ملتحى وسلفى
3- الزوج مرتاح ماديا
4- اقامه دائمه فى السعوديه
5- الزوج يلبى جميع طلباتك
6- توجد شقه تمليك باسمك فى السعوديه
7- لديك وظيفه محترمه

اتحدث من منطلق انى اعمل فى السعوديه ونادرا ما اجد اشخاص سعوديين على خلق ودين
وارى مشاكل لا حصر لها وكيف يعامل السعوديين زوجاتهم السعوديات وكذلك اولادهم
وموضوع الاقامه ولابد من تجديدها كل عام واعامل على انى اجنبى ولا يحق لى الشكوى
والسكن هنا ايجار فقط ولا يمكن ان اتملك ويمكن ان اطرد فى اى لحظه
ظروف مصر الحاليه سيئه جدا
مع العلم انى قد كتبت كتابى وتريد زوجتى الآن الطلاق منى لانى اعترضت على الحنه
والفساتين وأعلم كيف يكون حال الزوج عندما يرى حياته تتحطم امامه وزوجته تريد
الانفصال عنه لانه لم ينصاع لرغباتها واحاول بشتى الطرق ان نتصالح واخبرتها انى متمسك بها ولكن لا حياة لمن تنادى

انت فى نعمه ويجب ان تشكرى الله عز وجل
وفكرى فى الايجابيات ولا تتركى نفسك للوساوس
زوج محترم ويعاملك معامله حسنه
سكن باسمك ووظيفه واقامه دائمه وتستطيعى ان تحصلى على الجنسيه السعوديه
ولك بنت تريد ان تنعم بحياه هادئه مستقره بين ام واب
استعيذى بالله من الشيطان الرجيم
وصلى ركعتين والناس نيام وادعى لاباك بالرحمه والمغفره ولزوجك بالصحه والعافيه

اللهم أجرنا فى مصيبتنا واخلفنا خيرا منها
واهدى بناتنا ونسائنا ووفقهن لما فيه الصلاح والعفاف والغنى

**a7medsh3rawi** · 15-08-2014 07:00 AM

انا قريت كل مواضيعك وقدرت افهم ان مشكلتك هى الوحده وعدم وجود اصدقاء او حد ينصحك ويقف جنبك وانتى كان قدامك النت ومواقع المنتديات
بس ربنا كرمك بزوج وبتعتمدى عليه فى كل امور حياتك ودا سبب يخليكى تتمسكى بيه أكتر مش انك تنفصلى عنه
انسى كل المشاكل اللى عندك وركزى فى مستقبلك ودورىعلى الوظيفه اللى نفسك فيها واتعملى ازاى تتعاملى مع الناس وتختلطى بيهم
وتقدرى تفرقى بين الكويس والغير كدا ولو اتغلبتى على الموضوع دا تبقى كل مشاكلك اتحلت وهتكون ثقتك فى نفسك كبيره وهتعتمدى على نفسك كمان
انتى كل حياتك قضيتيها فى السعوديه والدوله هنا حياة عمليه ومفيهاش روح وحياه اجتماعيه زى مصر
احنا الرجاله بنعانى من موضوع الوحده وان مش ﻻقين اصحاب فما بالك بالستات اللى حركتهم محدوده وبحساب شديد
دا صفحه على الفيس لكل المصريين فى السعوديه وبفضل الله دايما بنﻻقى الحلول من اﻻعضاء المحترمين
https://www.facebook.com/EgyptianCommunity

**إنسانة** · 16-08-2014 10:19 AM

المشاركة الأصلية كتبت بواسطة r0xer

gold diggers يعني عايشة على قفا الراجل وبتقلبيه في الفلوس حتى لو مش طايقاه...وانا عارف انك مش كدا انا بس بوضحلك الناس هتشوفك ازاي!!

مفيش شيخ يعرف الله حق تقاته يقدر يقول انه ينفع تتجوزي بدون موافقتك لو ابوكي موافق...دا ولا حتى في الشريعة اليهودية!!

احنا في مصر على مذهب الإمام ابو حنيفة ودا بيحقلك انك تختاري عريسك بنفسك وتتجوزي بدون موافقة أبوكي وامك كمان ودا من حقك طالما انك مش قاصر....فتيجي انتي تقولي ابوكي يجوزك بدون موافقتك وتبقى الجوازة سليمة؟ لاطبعاً الدين مقالش كدا واللي هيقول غير كدا يبقى بيضحك على نفسه وماشي ورا سرابات..

الجواز هو عرض وقبول ولو مفيش قبول فهو جواز باطل باطل باطل...انتي حرة زمن العبودية خلص مع مجيء محمد صلى الله عليه وسلم.

ومن مشاركتك دي اقدر افهم انك مش طايقة جوزك تماماً واللي انتي فيه دا ظلم لنفسك وليه...لانه ميرضاش انه يعاشر واحدة بتكرهه وانتي كمان بكدا بتظلمي نفسك...

انفصلي عنه بالعافية عن طريق المحكمة اطلبي الطلاق او تهدديه انك هتعرفي مراته...

بالمناسبة، قبل ما تعملي كل دا...في آية في القرآن بتقول :" فإن كرهتموهن فعسى أن تكرهوا شيئا ويجعل الله فيه خيرا كثيرا"

والآية مش راكبة عالرجالة بس...

ولكن في النهاية اتمنالك انك تفكري في مصلحتك واياك ثم اياك تعيشي مع واحد بتكرهيه طالما مش قادرة تعيشي معاه لان دا هيفتح ابواب جهنم عليكي واللبيب يفهم بالإشارة.

بالمناسبة كمان، ياريت لو اتطلقتي منه ورجعتي مصر ياريت ترجعي ترفعي قضية على ابوكي لانه جوزك وانتي تحت السن، ولابد انه يتعاقب...الابهات اللي من النوع دا لابد من عقابهم وربنا هينتقم ان شاء الله

ربنا يوفقك ان شاء الله في الخيار الصح.

اه كدا فهمت , النظرة دي موجودة حقيقي , لما استلمت الشغل الجديد مكنتش عايزة حد يعرف
بس السكرتيرة اللي بتحفظ بيانات الموظفات اعتقد انها قالت للموظفات لإني روحت استلم وكانوا بييجوا يسألوني إنتي متزوجة سعودي ؟ وليه وأسئلة شخصية مملة ومش بس غلسوا عليا بالكلام لما جيت أطلع لقيت اتنين واقفين ورايا عشان يشوفوا جوزي وبيتكلموا عني صحيح كانت ودودة بصوت واطي بس والله كنت سامعة كل كلمة وعلى فكرة هما مش صغيرين دول اكبر مني بكتير يمكن أنا من سن ولادهم وبيتصرفوا بالشكل دا وتاني يوم نفس السيرة وكأنهم عايزين يدايقوني وخلاص لما بقيت أعد فصالة الرياضة وقت الفطار و أوقات الفراغ
أنا سبت الشغل اللي فات بسبب مضايقات لنفس السبب
فالظاهر الوضع دا مش هيتغير عشان كدا بعمل دراسة جدوى لمشروع تجاري وأديره بنفسي و أرحم نفسي من التصرفات دي

أنا مسامحة بابا خلاص اللي حصل حصل اللوم وكدا مشاعر مش بتفيد خلاص بدل مفكر كدا أفكر إزاي أخرج نفسي من المشاكل دي وأمنع حدوثها تاني

موضوع الإجبار موجود فعلا في السعودية وبلا رضاها مفيش حاجة اسمها اكراه على الموافقة بأسلوب مش عنيف دا كلام تجميلي
الإكراه مطلق مش محددله أي ظوابط
يعني اللي إجتهد الإجتهادات دي كمان معتبر نفسه له أجر الإجتهاد حتى لو أخطأ
وفي رقبته كم البنات اللي تم إجبارهم وسحقت كرامتهم طول حياتهم عادي
دا اللي بيشرك ويرجع ربنا بيتوب عليه لكن اللي يظلم كل الناس دي هيبقى إيه بس كمان هيفلت منها ببساطة وفاكر انه هياخد أجر كمان !
دي ناس عندها جبروت وجراءة في التعدي على حقوق الناس

**Ahmed abdkarim** · 16-08-2014 11:09 AM

اولا معاكى حق انتى فعلا اتظلمتى والجوازة من الاول كانت غلط

بس انت وافقت بشكل من الاشكال على الجواز .

بس برضه هو بيعاملك كويس و بيلبى لك طلباتك ممكن يكون هو مش مسؤل عن اللى حصل فى الاول ووالدك هو اللى وافق عليه .

انت متصوره انك لما تطلقى حترتاحى . بالعكس ساعتها حتحسى بتأنيب الضمير و حتندمى استهدى بالله جوزك شاريكى حاولى انت كمان تشتريه

**إنسانة** · 16-08-2014 11:26 AM

a7medsh3rawi بشكر حضرتك على النصيحة وكلامك بوضع الاجنبي صحيح طبعا
بس لو هتعيش مع زوجة في سن والدتك و عندها ولاد أدك بس بتعاملك كويس ومؤمن بسكن ومتوفرلك اللمميزات دي والاهم مخبية جوازها منك وانك مكره عليها
أفتكر انك مش هترضاها خالص لنفسك وهتفضل الحياة الطبيعية حتى لو فيها ما فيها
ولكن لطالما اني وقعت في المشكلة خلاص ومش عارفة الحل الصحيح فكلامك بيوصف مشكلتي الحقيقية فعلا
ومقنع بالنسبالي لانه واقعي
طيب بما انك عشت في السعودية وعارف طريقة الحياة وتفكير المجتمع وعشت في مصر وكمان عارف الحياة هناك و المجتمع
إيه رايك في موضوع الجنسية ؟ أنا استوفيت الشروط بس لما جيت اقدم قالوا فاضل ورقة التنازل عن الجنسية المصرية فكتفيت بالإقامة الدائمة وخوفت اتنازل
بس مش عارفة تصرفي دا صحيح ولا خطأ
الإقامة الدائمة بدون كفيل و الدولة بتسدد رسومها و تجددها تلقائي وعندي حق الوظيفة و العلاج وكل الحقوق للمواطنين بس التأمينات والمعاشات لسه مدخلتش ضمن الحقوق
فتنصحني بإيه ؟