الموضوع: هل انا لو سعيت للطلاق كدا ابقى ظالمة

مازلت ارى انه هذا الموضوع خطأ طرحه هنا لتحيز الاراء بغض النظر عن ان اغلب الاعضاء رجال
ده غير الاراء السياسية و الدينية اللى دخلت فى الموضوع

المشاركة الأصلية كتبت بواسطة hilal

يا سيدي أنا معترض على أسلوبك في اتهام وتسفيه من يخالفك الرأي
أنا مختلف معاك في الرأي وفي العقيدة ، ولكني أحترمك وأحترم رأيك
فلا داعي لأن يتهم كل منا الآخر
شكرا على ردك

اسلوبي لم يتهم احد ولكني اكره تصنيف الناس والتشكيك في كلامهم دون سند، انت اتهمت صاحبة الموضوع بأنها مش مسلمة واتهمتها بأنها اصلا مش ست وان كل دي اشتغالة...بأي حق وبأي سند وكيف عرفت ذلك؟

انا مش مختلف معاك لا في الرأي ولا في العقيدة، انا مسلم زي زيك ومصري زي زيك..ولو اختلفنا فحاجة فأحنا اختلفنا في الفكر ليس إلا.

تحياتي واحترامي ليك.

المشاركة الأصلية كتبت بواسطة إنسانة

محتاجة افهم تفكير المجتمع حتى لو كان متحيز و قاسي عشان اعرف اللي هيواجهني واكون متوقعاه
و يعني ايه gold digger أنا رغم انه اجبار وفيه اخلال بمعظم الشروط من الزوج ولكن زوجة مش اي توصيف تاني
وحضرتك تقصد ايه تاخدي منه كل شوية حاجة ؟
أنا مخدتش حاجة زيادة عن متطلباتي أو حق زي التعليم من حقي و شغلي من حقي واستقراري في شقة ملك لانها بلد غريبة برضو من حقي لو ليا بيت اهل في نفس البلد مكنتش طلبت الشقة
وطلبتها عشان بنتي لإنها لما تبقى بسمه ولو حصله حاجة مستقبلا ولاده واهله لما يعرفوا مش هيرحموها وهتتبهدل رسمي ودا متطلب أنا شايفة إنه طبيعي في ظروفي اللي هو حطني فيها فكانت هتتعرض لمواجهة سيئه وتدفع تمن تصرف والدها
غير كدا انا لما قلت خططت بهدوء كنت اقصد اني اتعلم و اركز عشان يكون عندي استطاعة انفصل لانه رافض الطلاق وبالفعل دا اللي عملته اتعلمت وحصنت نفسي
هو الطبيعي ان الزوج ينفذ شروط العقد مش العكس

الناس اللي بتعتبر كلمة بابا سلفي ملتحي دلالة على شيء غير شريف فالمشكلة مش عندي
دي معلومة حقيقية بابا سلفي ملتحي ودا سبب قلة سفره -ودا توصيف عادي في السعودية-
وتوضيحي لانه لما كان بييجي ينزل كان بيضطر يحلق والا بالفعل كان بيتعرض لمشاكل وعشان كدا مكنش بيسافر كتير وبناء على كدا معرفش اهلي
وكون اني بقول انه كمان الكذب على الزوجة مباح فهو بالفعل مباح و زواج الزوج بدون علمها هيخليه يقولها انا عند صديق او في اجتماع وهو عند زوجته الاخرى اللي متعرفهاش
ولما الزوج دا يتوفى ولاده وزوجته هيكتشفوا الكذب وانه عنده بيت تاني هيدخلوا معاهم في مواجهة وصراعات لن تنتهي على خير
ودا كله بالفعل واقع وانا وحدة من الناس ممكن اعيشه لو معرفتش القى حل او مخرج لي ولبنتي -رغم كل الحصون اللي بعملها-
غير إن الزوجة من حقها تعرف إن زوجها متزوج لأسباب متعلقة بصحتها الشخصية ووقاية نفسها من أي عدوى

اجباري على الزواج انا سألت فيها شيخ قالي للولي تزويج ابنته البكر لمن يراه كفء والعقد صحيح

فأنا في نظر اللي واخد الأراء دي "لم اتعرض للظلم" كون دا حاجة وحشة والمفروض متتقلش و تشويه -رغم اني مكنتش طارحة الموضوع من ناحية دينية ولكن مادام لكم رأي فلتتفضلوا-
خلاص أنا دلوقتي برأيكم وعلى حكمكم هل زواجي سليم ولا العقد باطل ؟


وقلت رأيي بوضوح في مواضيع ونقاشات سياسية عن فكر سياسي
ومش هسمح لحد ولا هدي اي حد فرصة لتصنيفي ولا هجاوب على أسألة زي "إنتي ديانتك إيه" ولا انتي مسلمة ولا كافرة مش هجاوب ولا مطلوب مني اجاوب اي سؤال متعلق بيا في نقاش سياسي
ناقش الفكر بالفكر ووضح النقاط اللي عايز تتناقش فيها وهتاخد اجابات ولكن نظام الملاحقة وتوجيه الأسئلة الشخصية دا مش اسلوب نقاش ولا حد ملزم يجاريك ولا عندك اي ميزة تخلي ليك حق زيادة على محاوريك
اللي عايز يزعل - من فضلك إزعل : )
- واللي عايز يكفر من فضلك كفر لما تحس انك ارتحت

gold diggers يعني عايشة على قفا الراجل وبتقلبيه في الفلوس حتى لو مش طايقاه...وانا عارف انك مش كدا انا بس بوضحلك الناس هتشوفك ازاي!!

مفيش شيخ يعرف الله حق تقاته يقدر يقول انه ينفع تتجوزي بدون موافقتك لو ابوكي موافق...دا ولا حتى في الشريعة اليهودية!!

احنا في مصر على مذهب الإمام ابو حنيفة ودا بيحقلك انك تختاري عريسك بنفسك وتتجوزي بدون موافقة أبوكي وامك كمان ودا من حقك طالما انك مش قاصر....فتيجي انتي تقولي ابوكي يجوزك بدون موافقتك وتبقى الجوازة سليمة؟ لاطبعاً الدين مقالش كدا واللي هيقول غير كدا يبقى بيضحك على نفسه وماشي ورا سرابات..

الجواز هو عرض وقبول ولو مفيش قبول فهو جواز باطل باطل باطل...انتي حرة زمن العبودية خلص مع مجيء محمد صلى الله عليه وسلم.

ومن مشاركتك دي اقدر افهم انك مش طايقة جوزك تماماً واللي انتي فيه دا ظلم لنفسك وليه...لانه ميرضاش انه يعاشر واحدة بتكرهه وانتي كمان بكدا بتظلمي نفسك...

انفصلي عنه بالعافية عن طريق المحكمة اطلبي الطلاق او تهدديه انك هتعرفي مراته...

بالمناسبة، قبل ما تعملي كل دا...في آية في القرآن بتقول :" فإن كرهتموهن فعسى أن تكرهوا شيئا ويجعل الله فيه خيرا كثيرا"

والآية مش راكبة عالرجالة بس...

ولكن في النهاية اتمنالك انك تفكري في مصلحتك واياك ثم اياك تعيشي مع واحد بتكرهيه طالما مش قادرة تعيشي معاه لان دا هيفتح ابواب جهنم عليكي واللبيب يفهم بالإشارة.

بالمناسبة كمان، ياريت لو اتطلقتي منه ورجعتي مصر ياريت ترجعي ترفعي قضية على ابوكي لانه جوزك وانتي تحت السن، ولابد انه يتعاقب...الابهات اللي من النوع دا لابد من عقابهم وربنا هينتقم ان شاء الله

ربنا يوفقك ان شاء الله في الخيار الصح.

المشاركة الأصلية كتبت بواسطة r0xer

احنا في مصر على مذهب الإمام ابو حنيفة ودا بيحقلك انك تختاري عريسك بنفسك وتتجوزي بدون موافقة أبوكي وامك كمان ودا من حقك طالما انك مش قاصر....فتيجي انتي تقولي ابوكي يجوزك بدون موافقتك وتبقى الجوازة سليمة؟

انفصلي عنه بالعافية عن طريق المحكمة اطلبي الطلاق او تهدديه انك هتعرفي مراته...

بالمناسبة كمان، ياريت لو اتطلقتي منه ورجعتي مصر ياريت ترجعي ترفعي قضية على ابوكي لانه جوزك وانتي تحت السن، ولابد انه يتعاقب...الابهات اللي من النوع دا لابد من عقابهم وربنا هينتقم ان شاء الله

ربنا يوفقك ان شاء الله في الخيار الصح.

اقرى الموضوع من الأول حاتلاقيها اتجوزت عندها 18 سنة ...يعنى قاصر ماينفعش تتجوز دون ولى
من حقك تنصح بالانفصال .. ده رأيك ...لكن التحريض على المحاكم والمشاكل ده مايصحش..بالذات وهى بتشهد له بالخير

أما بقى تحريضك ليها ترفع قضية على أبوها فدى بقى مصيبة مش قادرأوصفها .... الأب اللى اتحرم عليها تقول له أف عايزها تجرجره فى شيبته فى المحاكم ؟

لاحول ولاقوة الا بالله

المشاركة الأصلية كتبت بواسطة محمد يوسف

اقرى الموضوع من الأول حاتلاقيها اتجوزت عندها 18 سنة ...يعنى قاصر ماينفعش تتجوز دون ولى
من حقك تنصح بالانفصال .. ده رأيك ...لكن التحريض على المحاكم والمشاكل ده مايصحش..بالذات وهى بتشهد له بالخير

أما بقى تحريضك ليها ترفع قضية على أبوها فدى بقى مصيبة مش قادرأوصفها .... الأب اللى اتحرم عليها تقول له أف عايزها تجرجره فى شيبته فى المحاكم ؟

لاحول ولاقوة الا بالله

انا بوضحلها بس انه القانون والشرع بيقول انه مينفعش تتجوز بدون "موافقتها ورضاها"

ومن يفعل ذلك فهو آثم آثم آثم وجزائه في الدنيا الحبس ان شاء الله وفي الاخرة عقاب الاخرة.

عن محمد صلى الله عليه وسلم : (لا تنكح الأيم حتى تستأمر ولا تنكح البكر حتى تستأذن ، قالوا: يا رسول الله كيف إذنها؟ قال: أن تسكت).

فاللي عملوه ياترى دا من الشرع في حاجة او من الرجولة في حاجة؟

انت حر في رأيك وانا حر في رأي، ولو انا عمها او خالها لحبست ابوها وحبست ال2 شهود وحبستهم كلهم...اللي حصل جريمة بكل المقاييس والأعراف وعقد الزواج نفسه باطل لكونها مكانتش راضية...وان كان دا شبه مستحيل اثباته بعد كل السنين دي ولكن في رقبة ابوها ليوم القيامة.

الا صحيح هو انت ينفع تجوز بنتك بنفس الظروف دي يا أستاذ محمد؟ هتشوف انه موضوع عادي يعني؟

المشاركة الأصلية كتبت بواسطة r0xer

انا بوضحلها بس انه القانون والشرع بيقول انه مينفعش تتجوز بدون "موافقتها ورضاها"

ومن يفعل ذلك فهو آثم آثم آثم وجزائه في الدنيا الحبس ان شاء الله وفي الاخرة عقاب الاخرة.

عن محمد صلى الله عليه وسلم : (لا تنكح الأيم حتى تستأمر ولا تنكح البكر حتى تستأذن ، قالوا: يا رسول الله كيف إذنها؟ قال: أن تسكت).

فاللي عملوه ياترى دا من الشرع في حاجة او من الرجولة في حاجة؟

انت حر في رأيك وانا حر في رأي، ولو انا عمها او خالها لحبست ابوها وحبست ال2 شهود وحبستهم كلهم...اللي حصل جريمة بكل المقاييس والأعراف وعقد الزواج نفسه باطل لكونها مكانتش راضية...وان كان دا شبه مستحيل اثباته بعد كل السنين دي ولكن في رقبة ابوها ليوم القيامة.

الا صحيح هو انت ينفع تجوز بنتك بنفس الظروف دي يا أستاذ محمد؟ هتشوف انه موضوع عادي يعني؟

بص ياروكسر... أسلوب شخصنة الكلام لبنتك وأختك وكده ده مش حاينفع معايا....لأنى ماقلتش انه عادى وماباشجعش حدوثه ولكن نناقش أمر واقع....ورأيى اللى قلته لها كان عن علاقتها بجوزها زى ماهى طلبت مش علاقتها بأبوها..لأن أصل كلامها ما اشتكتش من أبوها..انت اللى ملكى أكتر من الملك وبتتزيد وبتحرضها على مالم تشكو منه

ولو قريت الكلام كويس حاتلاقى ان والدها كتب عقد وفيه شروط انها تكمل تعليمها وتشتغل..يعنى قايل لها ومفهمها وهى عارفة وموافقة ولم ترفض...فبالتالى مش فاهم سر ثقتك المطلقة وفتواك الصريحة ببطلان عقد الزواج....هى الفتوى فى الزواج والأنساب سهلة كده؟

يا أستاذ روكسر ...انصحك ماتتسرعش فى الفتوى واستغفر الله ..لاتحرم ما أحل الله ولا تدعو لقطيعة الرحم.... انت غلطت فى الأول وكنت شجاعا واعترفت بخطأك....ولكنك تعاود الخطأ وبرضه فى الدين....فرجاء لا تتسرع وكله الا الدين زى أستاذ أحمد كمال ما قال لك.....ليس احتكارا للدين ولكن حرصا عليك ألا تقع فى حرمة وذنب بسبب مشكلة لا ناقة لك فيها ولا جمل