الموضوع: هل انا لو سعيت للطلاق كدا ابقى ظالمة

ناقص حاجة واحدة
تقدمي علي الجنسية وتاخديها
يبقي كدة معاكي كل شيء
- خلصتي من ابوكي وقسوته
- عندك جنسية محدش يقدر يخرجك من البلد
- عندك شقة باسمك وفلوس
- عندك بنتك محدش يقدر ياخدها منك
- عندك وظيفة كويسة
....
يبقي كدة عندك كل اللي انتي عاوزاه
وبعدين ترمي الراجل الي حققلك كل ده ورا ظهرك وتعيشي حياتك
كدة يبقي كملتي المخطط اللي شيطانك بيغويكي بيه
..
لعلمك انتي اتظلمتي في نقطة واحدة هي جوازك وانتي صغيرة براجل اكبر منك
لكن كل الباقي في صالحك
غيرك اتجوزت عن حب .... وباقي حياتها كله اتظلمت فيه
اللي عاوز كل حاجة .... مش بيطول ولا حاجة

اتقي الله

ساعات الواحد مش بيعرف النعمة اللى هو فيها غير اما تروح منه
وساعتها بيندم تماما
لكن الندم لن يعيد ما افتقده

بعد قرأتك لمشاركتى
غمضى عينك وتخيلى لو جوزك كان غليظ القلب وطويل اليد واللسان
واسأ اليكى ولم يحسن
كنتى هتعيشى تعيسة اتعس من الان 1000 مرة
كبر سن زوجك ليس سبب تعاستك
ازواج كثير متزوجين من ناس فى نفس السن بس تعساء جداً
المهم فى سعادة البيت هو التفاهم والمودة
وهو ما توفر لديكى
كيف تضمنى انك تلاقى رجل بمثل هذه الحنية والطيبة ؟؟؟؟؟؟
من قال ان الزوج الجديد سيعاملك بطريقة مهذبة ؟؟؟؟؟؟؟؟؟؟؟؟
من قال انه لن ينشغل عنك باهله او اصحابه او يتغير عمله ويصبح كثير الاسفار ؟؟؟؟؟؟؟؟؟؟
قد ظلمتى بزواجك غصب عنك
ولكن الله عوضك خيراً بزوج صالح
لا تعاقبي نفسك على ما جناه ابيكى عليكى

think of landing before taking off
يعنى فكرى ازاى تهبطى بالطائرة قبل ما حضرتك تقلعى بيها
حياتك انتى وبنتك بعد الطلاق شكلها ايه ؟؟؟؟؟
فكرتى فى سخافات الرجال ؟؟؟؟
فكرتى لو فى شغلك مديرك سخف عليكى وبتحصل كتير ؟؟؟؟؟؟
فكرتى فى نشأة بنتك وهى مالهاش اب واحتياجها النفسى له ؟؟؟؟؟
فكرتى لو عريس اتقدم لها وعرف انكم منفصلين وانه ممكن يخاف يتزوجها بسبب كدة ؟؟؟؟؟؟؟؟؟
فكرتى فى غياب طيبة زوجك وحبه ليكى واثرهم نفسياً عليكى وانك مش هتلاقى من يهتم بيكى ؟؟؟؟؟؟

لا اشقى من عدو نفسه