الموضوع: هل انا لو سعيت للطلاق كدا ابقى ظالمة

[quote=windofchange;3875706458]مش معصية عدم استئذانة لمراته الاولي

[url=http://fatwa.islamweb.net/fatwa/index.php?page=showfatwa&option=fatwaid&id=3628]

مظبوط كلامكم يا شباب و انا مخطاء فى زكر كلمه معصيه
لان كما وصل الى علمى
ان ازا كان الزاوج فى دوله اخرى ما وجب اخبار الزوجه الاولى
لاكن ازا كان الزواج فى نفس البلده
فا اعلام الزوجى الاولى اولى تحقيقا للعدل و اعطاءها حريه القرار فى الاستكمال او الانفصال و ارتضاءها بالامر
كما جاء فى حديث الرسول عليه الصلاه و السلام
من كانت له زوجتان فمال إلى إحداهما جاء يوم القيامة وشقه مائل ج
و كيف لك العدل و انتا اصلن مش قايلها
لا مانع شرعيا من الزاوج باخرى دون اعلام الاولى و لكن
كيف لك تحقيق العدل
و بعدين هو مش انتا لما تزوج عليها تعتبر مخبى عليا
و اكيد هتضر تكذب لما تكون مثلا عنى الاخرى و تتصل بيك
دى مش دى معاصى مترتبه على انك مقولتش
تحياتى
،،،،،،،،،،،،،،،،،
اما بالنسبه لمقوله بلاش الدين بالذات للاستاذ احمد كمال
فا ليه بلاش الدين انا اخطاءت و الاخوه صلحولى مفهوم ما
ايه المشكله محنا عايشين بنتعلم و كلنا مسلمين
تحياتى يا باشا

المشاركة الأصلية كتبت بواسطة amrelsaqqa

انتى اتظلمتى في اول حياتك
نتيجة كدة بقيتى مش مستقرة نفسيا ( انا اسف ، كل تصرفاتك وافكارك المشوشة في كل المواضيع بتقول كدة )


مش عارفة بتدوري على ايه ، وكدة كدة انتى دخلتى الدوامة ومش هتطلعى منها ، نصيحتى ليكى عيشى كل لحظة في حياتك وحبيها زي ما هى .. بصى للدنيا بشكل مختلف ، طول ما عقلك الباطن بيقولك انك اتظلمتى عمرك ما هتفرحى لو اتعمللك ايه ، للاسف هتطلقى وهيبقى حالك اسوأ 100 الف مرة من دلوقتى مش عارف بتتمنى كدة ليه يعنى ! ، ما تفكريش نفسك هترجعى عروسة 25 سنة وتعيش حياتها وتحب وتتحب وتلبس الفستان ! ، برضه مش هتنسى اللى فات وهتفضلى حاسة بالظلم لو انتى اللى ما غيرتيش من نظرتك للحياة ..


انتى شيطانك مسيطر عليكى للاسف وكمان من متابعتى لمواضيعك عندك مبادئ وسواس قهري ولو استسلمتي له هتروحى في سكة منيلة بنيلة ، سكة اللى يروح ما يرجعش واخرتها وحشة دنيا واخرة .. ، لازم تقربى من ربنا وترجعى الاستقرار لحياتك من النقظة اللى انتى واقفة فيها ، مش عن طريق هد كل حاجة في حياتك .. !


صارحى جوزك بكل اللى جواكى ، حسى بحنيته عليكى ، و طالما بيعاملك حلو يبقى اكيد هيسمعك وهيحتويكى .. ومش عيب ومش وحش انه يبقى سنه كبير او تحسى انه اب مش زوج ، ومش عيب ان الحب ييجى بالعشرة والمعاملة الحسنة ، هو مين مش نفسها جوزها يبقى زي ابوها ويعاملها بحنية وعطف ؟؟؟؟!

ده حتى الست اليسا بتقولك : :d


"سيبنى اسرح فيك شوية و انسى أيام ضاعوا منى، نفسى عمرى يعدى بيا و أنت بعينيك دول حـاضنـى...
و أنا جنبك شايفه منك حاجة من ريحة ابويا، حب الدنيا دى جـواك و معــاك... شايفة حنية أخويــا"




اخيرا كلمة هقولهالك وسامحينى فيها ، لو لسة عايزة تخربى بيتك عشان ما لبستيش فستان الفرح !! ، يبقى مع كل اسفى ، انتى ما تستاهليش اصلا الانسان اللى انتى عايشة معاه

ربنا يصلح حالنا وحالك ويهديكى للصواب ويقر بيه عينك :)