الموضوع: هل انا لو سعيت للطلاق كدا ابقى ظالمة

المشاركة الأصلية كتبت بواسطة إنسانة

محتاجة افهم تفكير المجتمع حتى لو كان متحيز و قاسي عشان اعرف اللي هيواجهني واكون متوقعاه
و يعني ايه gold digger أنا رغم انه اجبار وفيه اخلال بمعظم الشروط من الزوج ولكن زوجة مش اي توصيف تاني
وحضرتك تقصد ايه تاخدي منه كل شوية حاجة ؟
أنا مخدتش حاجة زيادة عن متطلباتي أو حق زي التعليم من حقي و شغلي من حقي واستقراري في شقة ملك لانها بلد غريبة برضو من حقي لو ليا بيت اهل في نفس البلد مكنتش طلبت الشقة
وطلبتها عشان بنتي لإنها لما تبقى بسمه ولو حصله حاجة مستقبلا ولاده واهله لما يعرفوا مش هيرحموها وهتتبهدل رسمي ودا متطلب أنا شايفة إنه طبيعي في ظروفي اللي هو حطني فيها فكانت هتتعرض لمواجهة سيئه وتدفع تمن تصرف والدها
غير كدا انا لما قلت خططت بهدوء كنت اقصد اني اتعلم و اركز عشان يكون عندي استطاعة انفصل لانه رافض الطلاق وبالفعل دا اللي عملته اتعلمت وحصنت نفسي
هو الطبيعي ان الزوج ينفذ شروط العقد مش العكس

الناس اللي بتعتبر كلمة بابا سلفي ملتحي دلالة على شيء غير شريف فالمشكلة مش عندي
دي معلومة حقيقية بابا سلفي ملتحي ودا سبب قلة سفره -ودا توصيف عادي في السعودية-
وتوضيحي لانه لما كان بييجي ينزل كان بيضطر يحلق والا بالفعل كان بيتعرض لمشاكل وعشان كدا مكنش بيسافر كتير وبناء على كدا معرفش اهلي
وكون اني بقول انه كمان الكذب على الزوجة مباح فهو بالفعل مباح و زواج الزوج بدون علمها هيخليه يقولها انا عند صديق او في اجتماع وهو عند زوجته الاخرى اللي متعرفهاش
ولما الزوج دا يتوفى ولاده وزوجته هيكتشفوا الكذب وانه عنده بيت تاني هيدخلوا معاهم في مواجهة وصراعات لن تنتهي على خير
ودا كله بالفعل واقع وانا وحدة من الناس ممكن اعيشه لو معرفتش القى حل او مخرج لي ولبنتي -رغم كل الحصون اللي بعملها-
غير إن الزوجة من حقها تعرف إن زوجها متزوج لأسباب متعلقة بصحتها الشخصية ووقاية نفسها من أي عدوى

اجباري على الزواج انا سألت فيها شيخ قالي للولي تزويج ابنته البكر لمن يراه كفء والعقد صحيح

فأنا في نظر اللي واخد الأراء دي "لم اتعرض للظلم" كون دا حاجة وحشة والمفروض متتقلش و تشويه -رغم اني مكنتش طارحة الموضوع من ناحية دينية ولكن مادام لكم رأي فلتتفضلوا-
خلاص أنا دلوقتي برأيكم وعلى حكمكم هل زواجي سليم ولا العقد باطل ؟


وقلت رأيي بوضوح في مواضيع ونقاشات سياسية عن فكر سياسي
ومش هسمح لحد ولا هدي اي حد فرصة لتصنيفي ولا هجاوب على أسألة زي "إنتي ديانتك إيه" ولا انتي مسلمة ولا كافرة مش هجاوب ولا مطلوب مني اجاوب اي سؤال متعلق بيا في نقاش سياسي
ناقش الفكر بالفكر ووضح النقاط اللي عايز تتناقش فيها وهتاخد اجابات ولكن نظام الملاحقة وتوجيه الأسئلة الشخصية دا مش اسلوب نقاش ولا حد ملزم يجاريك ولا عندك اي ميزة تخلي ليك حق زيادة على محاوريك
اللي عايز يزعل - من فضلك إزعل : )
- واللي عايز يكفر من فضلك كفر لما تحس انك ارتحت

انا موش شايف انها gold digger يا جماعة معلش انا موش هاتكلم من وجهة نظر دينية هي اخدت من جوزها فعلا بس دة حقها ومحدش قال انها كانت جعانة قبل ماتتجوز
كمان جوزها خد منها حاجات ومحدش ينسي فرق السن وانو متزوج قبلها الحكاية محسوبة وفيها عدل مادي
الفكرة موش في كدة الفكرة في البنت الصغيرة البريئة
جوزها لو انسان موش كويس كان اتجوزها سنة وطلقها ودفع لها القرشين وخلاص
الراجل كويس ودي قسمتك ونصيبك وقبل ماتفكري ماتنسيش بنتك ومتظليمهاش انتي ام وكلمة ام يعني تضحية
كلامك متزن للغاية وذكرتي مميزات جوزك وعيوبة ودي موضوعية احييكي عليها انتي كان ممكن تخلي كل المشاركات في الموضوع تهاجمو
لو اتطقتي هاتظلمي البنت ولو كملتي اضمني حقوقها انها تكون مرفوعة الراس دايما موش فلوس وبس
الحاجة المهمة علي فكرة وهي نداء لكل الستات اللي فاكرين الجواز زي الافلام لاعربي كلو ضحك ومشاعر وكلام حلو (الكلام دة بيروح مع اول عيل) وكل اللي اتجوز عارف
ياريت السادة اللي بيتكلمو من وجهة نظر دينية اذا مكنتش متخصص ودارس وعالم ازهري متفتيش عشان الفتاوي دي ودت البلد في داهية (الدين كبيير وموش كل من قرا كتاب ولا سمع كلمتين يفتي يا جماعة) ان مكانش دة عملك ومحور حياتك ودراستك فياريت تكنفي باداء حقوق اللة عليك ودع العلم للعلماء

الاخت بتفضفض عن نفسها و طالبه راينا .....
يا نقولها راي ... يا ندعيلها بالهدايه ....... يا نحس بيها و بمشكلتها
انما في بعض الاراء نزلت هري و تحليل في الشخصيه و الافعال و السلوك ...الخ

مالوش لازمه طبعا بكفايه اللي هيا فيه
راتيي تاني شوفي دك نفسي محترم \ ثقه يفك المشاكل النفسيه

ربنا معاكي

بشكر كل اللي ساندني وحاول يساعدني بالدعاء والنصيحة وكمان كل الشكر اللي مر حتى لو بغرض المرور واثبات النفس
بعد فترة تفكير رجعت لنقطة البداية وكمان مش قادرة أخد أي قرار على كتر النقاشات اللي أخدتها في المنتدى هنا وفي منتديات أخرى

كانت الردود إما من الطرف النساء في الغالب مفادها "طفحيه الدم ورميله بنته يحتاس بيها وسيبيه يواجه مراته "
أو من الطرف الرجالي في الغالب "إتني بتتبطري ع النعمة ولو هتسيبيه رجعيله كل اللي صرفه"
بل أغرب تعليق قرأته "إرجعي نقطة الصفر" >> المفروض أقطع الشهادة مثلا؟
مكنش فاضل غير يقولولي إدفعي حق أكلك وشربك ولبسك طول فترة إقامتك عنده

أو الردود المتزنة من الطرفين اللي بينحوا فيهم مشاعرهم الشخصية ويشعر أن الناصح مؤتمن ويقول كلام منصف وعادل وفيه شيء من الواقعية
بشكر كل حد نصحني بأي كلمة لإني بجد إستفدت من خلال الردود بفائدة كبيرة
ولكن بناءً على الردود وحدها مش قادرة أكون قرار نهائي أو حتى أخطط لحل على مدى الكم شهر القادمين

بس أنا رغم كل حاجة إتقالت مش قادرة أكمل بجد ومش بس لإني شايفة شخص في نهاية الأربعينات أمامي بكل مساوء السن
المشكلة كمان إني حاسة كمان بالإشمئزاز من الوضع كله
أنا كرهه إني أعيش معاه أكتر من كدا ومش معنى كدا إني بكرهه لشخصه بل العكس ليه عندي كل الإحترام والتقدير بس مش قادرة أستمر

أنا كلمته في الموضوع وحكيتله بصراحة وقلتله إنتا إنسان كويس جدا بس بجد فيه أمور مش قادرة أستمر بسببها
قالي الأمور دي كلها أنا عارفها
وكل كلامه بخوفني من وضع المطلقة في المجتمع والبنت هتتربى إزاي وهيحاول يسفرنا سياحة كل سنة وعايز نحاول يكون عندنا طفل أو طفلة تاني وهنسى لو بقي عندي أكتر من طفل
ومعظم كلامه وعود وحلول تسكينية لا تقترب من حل أي مشكلة
ودا إداني شعور إني عمري ماهقدر أوصله شعوري أفتكر هوا فاهم بس مش بيحاول يواجه المشكلة دايما بيتهرب من إني أتكلم معاه بجدية
مش عايز يحس إنه كبير وعنده بيت ومش عايز يتناقش ولا يقترب من الموضوع وكل كلامه عن تعويضات و ماديات
كان نفسي اقوله بكل صراحة معدش ينفع " keep your money, take it all away " بس مقدرتش أحرجه و أحسسه إن كل اللي قاله غير مجدي

بعد النقاش دا رغم إنه أول نقاش ينجح للآخر بهدوء وياخده بجدية إلا إنه طلب مني اسيب الشغل
وطلب مني أروح معاه نعمل ورقة التنازل عن الجنسية ونقدم ورق الجنسية السعودية
ومش فاهمة إيه الرابط بس قلتله إديني سبب مقنع لطلبك قالي هشوفلك شغل معايا , معاك فين مفيش إجابة !

هو الكلام اللي قلته ماله ومال الشغل وأسمع كلامه ولا لا
لإني بجد مش لاقيه أي سبب لطلبه ومش قادرة افهمه

المشاركة الأصلية كتبت بواسطة إنسانة

بشكر كل اللي ساندني وحاول يساعدني بالدعاء والنصيحة وكمان كل الشكر اللي مر حتى لو بغرض المرور واثبات النفس
بعد فترة تفكير رجعت لنقطة البداية وكمان مش قادرة أخد أي قرار على كتر النقاشات اللي أخدتها في المنتدى هنا وفي منتديات أخرى

كانت الردود إما من الطرف النساء في الغالب مفادها "طفحيه الدم ورميله بنته يحتاس بيها وسيبيه يواجه مراته "
أو من الطرف الرجالي في الغالب "إتني بتتبطري ع النعمة ولو هتسيبيه رجعيله كل اللي صرفه"
بل أغرب تعليق قرأته "إرجعي نقطة الصفر" >> المفروض أقطع الشهادة مثلا؟
مكنش فاضل غير يقولولي إدفعي حق أكلك وشربك ولبسك طول فترة إقامتك عنده

أو الردود المتزنة من الطرفين اللي بينحوا فيهم مشاعرهم الشخصية ويشعر أن الناصح مؤتمن ويقول كلام منصف وعادل وفيه شيء من الواقعية
بشكر كل حد نصحني بأي كلمة لإني بجد إستفدت من خلال الردود بفائدة كبيرة
ولكن بناءً على الردود وحدها مش قادرة أكون قرار نهائي أو حتى أخطط لحل على مدى الكم شهر القادمين

بس أنا رغم كل حاجة إتقالت مش قادرة أكمل بجد ومش بس لإني شايفة شخص في نهاية الأربعينات أمامي بكل مساوء السن
المشكلة كمان إني حاسة كمان بالإشمئزاز من الوضع كله
أنا كرهه إني أعيش معاه أكتر من كدا ومش معنى كدا إني بكرهه لشخصه بل العكس ليه عندي كل الإحترام والتقدير بس مش قادرة أستمر

أنا كلمته في الموضوع وحكيتله بصراحة وقلتله إنتا إنسان كويس جدا بس بجد فيه أمور مش قادرة أستمر بسببها
قالي الأمور دي كلها أنا عارفها
وكل كلامه بخوفني من وضع المطلقة في المجتمع والبنت هتتربى إزاي وهيحاول يسفرنا سياحة كل سنة وعايز نحاول يكون عندنا طفل أو طفلة تاني وهنسى لو بقي عندي أكتر من طفل
ومعظم كلامه وعود وحلول تسكينية لا تقترب من حل أي مشكلة
ودا إداني شعور إني عمري ماهقدر أوصله شعوري أفتكر هوا فاهم بس مش بيحاول يواجه المشكلة دايما بيتهرب من إني أتكلم معاه بجدية
مش عايز يحس إنه كبير وعنده بيت ومش عايز يتناقش ولا يقترب من الموضوع وكل كلامه عن تعويضات و ماديات
كان نفسي اقوله بكل صراحة معدش ينفع " keep your money, take it all away " بس مقدرتش أحرجه و أحسسه إن كل اللي قاله غير مجدي

بعد النقاش دا رغم إنه أول نقاش ينجح للآخر بهدوء وياخده بجدية إلا إنه طلب مني اسيب الشغل
وطلب مني أروح معاه نعمل ورقة التنازل عن الجنسية ونقدم ورق الجنسية السعودية
ومش فاهمة إيه الرابط بس قلتله إديني سبب مقنع لطلبك قالي هشوفلك شغل معايا , معاك فين مفيش إجابة !

هو الكلام اللي قلته ماله ومال الشغل وأسمع كلامه ولا لا
لإني بجد مش لاقيه أي سبب لطلبه ومش قادرة افهمه

انا ماقرأتش كل الردود بس اللى فهمتوا كده ان جوزك متمسك بيكى بدليل موضوع الجنسية ده اللى اقل حاجة ميخلكيش تلجأى لسفارة بلدك اذا حصل ايه حاجة لانك وقتها هتكونى مش مصرية و غير انك مش هتقدرى تقعدى فى مصر اكتر من المدة بتاعة فيزا السياحة زيك زى اى سائح ..... وللاسف كلامك معاه هو اللى خلى دماغه تشتغل فى ازاى يقدر يسيطر على افكارك ....... وللاسف تانى هو حط فى دماغه انك عايزة تسبيه ومهما عملتى بعد كده مش هتقدرى تغيرى الفكرة دى ..... وفى الاخر احب اقولك انتى مش فى النقطة صفر ولا مربع البداية ولا حاجة زى ما انتى فاهمة انتى دلوقتى فى مرحلة مفصلية ما قبل النهاية :(

المشاركة الأصلية كتبت بواسطة sameh samy

1- واضح من كلامك علي زوجك انو شخص محترم اذا كان مالوش دور في اجبارك علي الزواج
2- هتعاني بعد الطلاق كتير من نظرات الناس وجوازك هايكون صعب تاني
3- هاتظلمي بنتك كتير واوعي تفتكري ان كل النس سعداء بس الانسان اللي بيتحمل المسئولية لازم يتحمل علشان اولادو
4- من حقك تضمني حقوقك المالية وخصوصا ان معندكيش ولد وان مراتو الاولي متعرفش ودة اكيد بينعكس علي حقوقك المادية والمعنوية
5- متزعليش من الكلمة دي وماترديش عليها لو حد تعرفية او بتكلمية عن طريق النت او اي طريقة وهو اللي اقنعك بالكلام دة او ضحك عليكي بشوية كلام حلو سيبك منو دة شيطان وموش هتلاقية ساعة الجد دة مجرد حيوان بيتسلي
5-جوزك حاسس انو ظالمك علشان كدة بيوافق علي طلباتك كلها متحمليهوش اكتر من طاقتو وحاولي تقنعية انو يعلن الجواز لبيتو الاولاني علشان بنتك تكبر في النور
6- متظلميش بنتك وفكري في اليوم اللي هايجلها فية ابن الحلال وقد اية ممكن تضريها

طبعا كل كلام حضرتك أنا بقدره جدا
وكان عندي تعقيب على النقطة اللي طلبت إني مردش عليها
حاولت أنفذ طلبك ومردش عليها بس مقدرتش أتجاهلها
لإنها تكررت في كل مرة بحاول أتناقش في الموضوع دا فأي مكان

عايزة أوضح حاجة مهمة أنا صحيح قلت إن سبب من أسباب رغبتي في الإنفصال كبر السن
ولكن دا لا يعني إني هتعرف على شاب وأعوض كبر السن بالخيانة
وكمان لا يعني إن سبب رغبتي في الإنفصال هي الإقتران بشاب صغير في السن

أنا أكتر سبب مش قادرة أصبر نفسي عليه هي كوني زوجة تانية
كل اللي غير دا ممكن أتعايش معاه وأعديه عشان بنتي

ومش معنى كلامي إني بتمنى ينفصل ويخرب بيته عشان اتقبله !
بتمنى إن حياته تستمر بإستقرار ولو حد يمشي يبقى أنا ودا لوجود أسباب كتير تخلي الحياة بينا أساسا مش متناسبة خالص في نقاط كتير

وكمان أنا بجدية مش شايفة إن المطلقة بتعاني في المجتمع زي مابيتم تصويرها
أنا شايفة نماذج مطلقات كتير في الشغل واللي بتقرر تتزوج بتقدر تتزوج عادي جدا وكمان اللي مش عايزة بتقدر تستمر بلا زوج عادي برضو
ودا منتشر في السعودية معرفش بصراحة مصر ظروفها ايه
ولكن من خلال بحثي في النت لقيت إن معظم قضايا الطلاق رفعاها المرأة و70% من القضايا امام محكمة الأسرة قضايا خلع في مصر
كمان في السعودية في أوساط الموظفات هتلاقي الخلع منتشر
وكمان المسلسلات بتتكلم عن القضية دي كتير ودا إنعكاس لواقع المجتمع
فدا بيوحيلك إن الموضوع اجتماعيا منتشر و النساء مقبلة عليه بشكل كبير والمسألة عادية
فمش فاهمة مين الناس اللي واخده نظرة وحشة عن المطلقة وإيه هيا النظرة دي أساسا ؟

أممممم ..
لبس فستان الفرح و الكلام ده شكليات بداية الحياه الزوجيه ..
و ليست أساسها ..
هل يجوز عقلاً .. التخلص من حلوى ما و رميها بعيداً ..
لأن غلافها الخارجي لم يعجبني ..
بالرغم من كونها ممتازه شكلاَ و طعماً ؟؟
الغلاف للحلوى أو الفستان للعروسه لم يكن يوماً غايه ..
كم من فتاه سعدت يوم زفافها .. عاشت "معيشة ضنكا" بعدهاً ..
أكان العبره بفستان زفافها ؟؟