هل انا لو سعيت للطلاق كدا ابقى ظالمة

**ibrahim sallam** · 14-08-2014 06:39 AM

كان لي صديق سعودي وزوجته مصريه من المنصوره اختلفت مع زوجته وشدينا مع بعض في الكلام على ( الانسبيك).

لقيت جوزها بيتصل عليا فشرحتله الموقف .

الشاهد يعني ان غالبا الازواج السعوديين لما بيتجوزو مصريات بتبقا الحنيه طافحه عليهم تجاه المصريات.

في الحقيقه استاذه انسانه في اثناء طرحها للموضوع كانت تتمتع بالإيثار بمعنى انها ذكرت محاسن الزوج ثم بعد ذلك لمحت للأشياء التي تغضب منها ثم مع الردود من الاعضاء بدأت تفصح قليلا عما بداخلها.

ومشكلتها تتمحور في فرق العمر بينهما وبالتالي اختلاف التفكير وتباين العقول.

وكذلك عدم الوفاء بالوعد من الزوج بالافصاح لاهله ومعارفه وامراته( الاولى) من زواجه من المصريه.

وايضا عدم رغبتها في هذا الزواج وانها اجبرت عليه من قبل الوالد.

بالنسبه لطلب الطلاق واذا رفض يتم عن طريق الخلع .

فانا اقدم لك نصيحه مع الاخذ بالاعتبار أن لا احد سوف يقدر موقفك سوى انتي ولا احد سوف يقيم التقييم الصحيح والموضوعي سواكي.

فالقرار قرارك ومن ثم تحمل تبعاته.

طلب الطلاق ليس جريمه والخلع ليس عدم وفاء او تمرد كما يصور البعض..

اتذكر حديثا ( موقف) لرسول الله صلى الله عليه وسلم: جائته إمراه تثني خيرا على زوجها وتعدد مناقبه وبعد ذلك قالت لكن لا اريده( تقريبا يعني او حاجه بهذا المعنى) فقال لها رسول الله صلى الله عليه وسلم ردي عليه حديقته واخلعيه ( او كما قال لها رسول الله صلى الله عليه وسلم) ولم يعنفها ولم يوبخها او يصفها بالظالمه.

إذن نصيحتي لكي هي الاستخاره بصفاء نيه وتجرد لله سبحانه وتعالى ثم استشارة الثقات ..

ومن ثم خذي القرار واعلمي كما قلت لكي مهما تشرحين لن يتفهم ويقدر موقفك سوى انتي فقط.

**shiko85** · 14-08-2014 07:01 AM

للأسف البدايه نفسها غلط -حضرتك مغصوبه على جوازه مش عايزاها - حتى لو العريس احسن واحد فالدنيا لكن احساس الظلم و القهر هيفضل معاكى طول عمرك
الطلاق حل و الأستمرار و محاوله التعايش و نسيان الماضى حل تانى و الـ 2 فيهم ظلم الأول لبنتك و التانى لحضرتك و اعتقد انك مش هترضى ان بنتك تتظلم زى ما انتى اتظلمتى زمان خصوصا ان الظلم ده بأختيارك

**ibrahim sallam** · 14-08-2014 07:31 AM

ااااااه ( انسانه). مروجة العالمانيه

كنت طالبت حضرتك بمعرفة ديانتك ورفضتي.

ودلوقتي بابا ظلمك وهو شيخ سلفي

تمام اوي وصلت

**amr011111** · 14-08-2014 07:46 AM

المشاركة الأصلية كتبت بواسطة حسام فتحي

الواحد لما بطلع الدور التاني بينسي انه كان في الأرضي و كذا لما يستقر به الحال بينسي لان حاله الآن مختلف. المشكلة اننا بنتعود علي الوضع الحالي و نبدأ نري و نحس بما نفتقده. اكيد الوضع مش لطيف و خاصة لسنك ده.
الاختبار الحقيقي نرجع الي وضعنا السابق (هكذا سيكون الحال بعد الانفصال) و نشوف حنقبل ولا الوضع الحالي نعمة مع قبول بعض الامور.
لو مش متحمله الوضع لازم تِحليه لان تراكم الإحباط والإحساس بالظلم والقهر نتائجه سيئة ولازم حل محترم .

ما حدش بياخد كل حاجة.

رد وافى جداً لان الواحد مش بيحس بقيمة الحاجه الا لما يفقدها

**skoda1996** · 14-08-2014 08:36 AM

حضرتك كنتي صغيرة و اتجوزتي و كتبلك شقه و بقي معاكي قرشين
هتطلقي و شوية و تتجوزي واحد تاني
ياخد منك الشقه و الفلوس ... و ساعتها هتبقي مطلقه مرتين
سيادتك ظالمه طبعا... و لو عندك بنت تبقي ظالمة مع مرتبة الشرف

**محمود السيد** · 14-08-2014 08:48 AM

فكرى فى بنتك الاهم واتركى وساوس الشيطان حتى لا تعكرى صفو حياتك اكثر من ذالك واللهى الذى لا الله الا هوا وجود طفل فى بيت متماسك افضل من وجوده فى بيت مفكك وتذكرى ان لكل انسان رسالة فى الحياة ورسالتك هى اموماتك ويارب يصلح حالك وحال جميع المؤمنين

**amrelsaqqa** · 14-08-2014 09:02 AM

انتى اتظلمتى في اول حياتك
نتيجة كدة بقيتى مش مستقرة نفسيا ( انا اسف ، كل تصرفاتك وافكارك المشوشة في كل المواضيع بتقول كدة )

مش عارفة بتدوري على ايه ، وكدة كدة انتى دخلتى الدوامة ومش هتطلعى منها ، نصيحتى ليكى عيشى كل لحظة في حياتك وحبيها زي ما هى .. بصى للدنيا بشكل مختلف ، طول ما عقلك الباطن بيقولك انك اتظلمتى عمرك ما هتفرحى لو اتعمللك ايه ، للاسف هتطلقى وهيبقى حالك اسوأ 100 الف مرة من دلوقتى مش عارف بتتمنى كدة ليه يعنى ! ، ما تفكريش نفسك هترجعى عروسة 25 سنة وتعيش حياتها وتحب وتتحب وتلبس الفستان ! ، برضه مش هتنسى اللى فات وهتفضلى حاسة بالظلم لو انتى اللى ما غيرتيش من نظرتك للحياة ..

انتى شيطانك مسيطر عليكى للاسف وكمان من متابعتى لمواضيعك عندك مبادئ وسواس قهري ولو استسلمتي له هتروحى في سكة منيلة بنيلة ، سكة اللى يروح ما يرجعش واخرتها وحشة دنيا واخرة .. ، لازم تقربى من ربنا وترجعى الاستقرار لحياتك من النقظة اللى انتى واقفة فيها ، مش عن طريق هد كل حاجة في حياتك .. !

صارحى جوزك بكل اللى جواكى ، حسى بحنيته عليكى ، و طالما بيعاملك حلو يبقى اكيد هيسمعك وهيحتويكى .. ومش عيب ومش وحش انه يبقى سنه كبير او تحسى انه اب مش زوج ، ومش عيب ان الحب ييجى بالعشرة والمعاملة الحسنة ، هو مين مش نفسها جوزها يبقى زي ابوها ويعاملها بحنية وعطف ؟؟؟؟!

ده حتى الست اليسا بتقولك : :d

"سيبنى اسرح فيك شوية و انسى أيام ضاعوا منى، نفسى عمرى يعدى بيا و أنت بعينيك دول حـاضنـى...
و أنا جنبك شايفه منك حاجة من ريحة ابويا، حب الدنيا دى جـواك و معــاك... شايفة حنية أخويــا"

اخيرا كلمة هقولهالك وسامحينى فيها ، لو لسة عايزة تخربى بيتك عشان ما لبستيش فستان الفرح !! ، يبقى مع كل اسفى ، انتى ما تستاهليش اصلا الانسان اللى انتى عايشة معاه

ربنا يصلح حالنا وحالك ويهديكى للصواب ويقر بيه عينك :)

**KemozTanta** · 14-08-2014 09:45 AM

انتي عايزة كل حاجة ! بعد ماأمنتي نفسك بشقة وبشهادة وعمل خلاص مفاضلش غير الزوج الشاب !
بس هل انتي فاكره الحياة هتمشي سهله كدا ، الدنيا زي مابتدي بتاخد.. حاولي تسعدي نفسك في الوضع اللي انتي فيه وبلاش تفكري بسلبية وانه كبير وانتي زوجه تانية والكلام دا
ياما عرسان شباب ومش طايقين بعض وحياتهم جحيم بعد قصص حب كبيرة

**محمد يوسف** · 14-08-2014 10:01 AM

المشاركة الأصلية كتبت بواسطة ibrahim sallam

ااااااه ( انسانه). مروجة العالمانيه

كنت طالبت حضرتك بمعرفة ديانتك ورفضتي.

ودلوقتي بابا ظلمك وهو شيخ سلفي

تمام اوي وصلت

معلش يا أستاذ ابراهيم لتدخلى ...بس متهيألى المشاركة دى مش وقتها ولا مكانها

**محمد يوسف** · 14-08-2014 10:03 AM

[quote=minicooper20;3875706228
اولا انو مش قايل لمراتو انو مجوزك دى معصيه و بما انك عارفه ده فانتى مشاركه معاه فى المعصيه
لان من حقها تعرف و توافق فا دى اول نقطه
[/quote]

الكلام ده غلط دينيا ... ولا هو ارتكب معصية ولا مراته الأولى يشترط لها المعرفة المسبقة والموافقة

اللى حضرتك بتقوله ده قانون سوزان مبارك

الموضوع: هل انا لو سعيت للطلاق كدا ابقى ظالمة

LinkBack

أدوات الموضوع

عرض

-

-

-

-

-

-

المواضيع المتشابهه

إضافة ظالمة علي تجديد وثيقة مصر للتأمين

إضافة ظالمة علي تجديد وثيقة مصر للتأمين

العدالة الانتقالية العرجاء ظالمة ومضرة بفرص العدل في مصر الثورة

شرطة الإزالة في الإسكندرية. . . . ظالمة سواءا عاملة أو خاملة

أفانزا .. ظالمة أم مظلومة؟

الكلمات الدلالية لهذا الموضوع

المفضلات

المفضلات

ضوابط المشاركة