الموضوع: هل انا لو سعيت للطلاق كدا ابقى ظالمة

لو لوحدك وبطولك هقولك ماشي اعملي اللي انت عاوزاه
بس معني وجود طفلة بينكم دا هيفرق في الحسابات خالص
لو اتطلقتي بنتك هي اللي هتتظلم
ومش هتسامحك خالص طول حياتها
وجود الطفل بين امه وابوه حتي لو فيه مشاكل بينهم افضل من انه يعيش بين اتنين منفصلين
دي حاجة
الحاجة التانية لما بنتك تكبر وتسالك ليه اتطلقتي الاعذار اللي انتي بتقوليها دلوقتي مش هتفرق معاها خالص
هتقوليلها ابوكي كان معيشني عيشة كويسة وانا اللي اتبطرت علي النعمة اللي انا فيها
لازم الواحد يعيد حساباته طالما فيه اولاد

اختي الفاضلة
ربنا اعطاكي من نعمه وانتي ناقمة الان عليها
1- اعطاكي المال وهذا واضح من كلامك
2- اعطاكي البنات
3- اعطاكي الحرية في التصرفات او القرارات وغير مقيدة
4- اعطاكي منزل

ان كان من قبل لم يكون لكي حرية الاختيار فاري ان الله اخلف عليكي بكثير من النعم احمدي ربك عليها غير متوفرة عن الكثرين جدا وكان اختيارهم بايديهم

ان لم يكن مشكلتك مع زوجكك في حقوقك الشرعية فاري انك ناقمة علي نعمة الله

نقطة البداية معدتش موجودة واللي حصلي زمان مش ممكن يتعاد
مش هسمح لحد يكسرني تاني تحت اي سبب وباسم اي حاجة
مشكلتي بعيدة جدا عن الامور المادية
ممكن ادفع اقساط القرض اللي خده عشان الشقة بداله وانزله في حسابه -لو اجرت نصفها هيدفع -
كمان ممكن ادفعله اللي صرفه على تعليمي بالتقسيط لحد مارده كله وزيادة
- رغم ان التعليم و الوظيفة بابا حطهم شرط في العقد بس لو دا هيريحني ويرضيه هعمله
ومش محتاجة لا نفقة ولا شيء حتى مصريف بنتي انا هتكفل بيها طول عمري
والمهر ممكن ارده مكنش كبير اساسا رغم اني اشتريت بجزء كبير منه دهب وهو باعه لما كان محتاجه بس مفيش مشكله ارده كامل
عموما لو وقفت على الامور المادية هتتحل لإني معتمدة حاليا على نفسي يعني خلال سنتين بالكتير هكون دافعه كل اللي تكلفه في التعليم والمهر
ومش هحتسب كل سنين الظلم اللي شفتها وعشتها وحيدة في سجن انفرادي تتخللها زيارة ساعتين تلاته
ومش هطلب من حد تعويض نفسي وجسدي عن كل الاذية اللي اتذيتها من بداية اجباري على الزواج لحد وقوفي على رجليا
^
^
دا الصوت الشيطاني

هل دا كدا هيكون عادل ؟
اللي محسسني بالذنب مش الامور المادية ياسادة دي ملهاش قيمة
اللي محسسني بالذنب انه -ورغم كل شيء- وفرلي اشياء لا ترد
كان ممكن يوفرلي التعليم بس ميهيئليش الفرصة اني اتفوق ولكن هو هيئلي كل حاجة ودعمني جدا لحد ما تخرجت بتفوق وكان اكتر انسان ان مكنش الوحيد اللي كان سعيد وفخور بالشهادة زيي
عارفين شعور الابن اتجاه والديه اللي احسنوا ليه وهو ضعيف وراعوه وعلموه لحد ماكبر ونجح ووصل لبر الامان هل ممكن يجي ويقولهم خدوا اللي صرفتوه ويرحل ببساطة
الموضوع مش مادي خالص انا عندي احساس بالولاء ناحيته هو دا سبب شعوري المميت بالذنب لما بفكر بمشاعر الزوجة و افكر في الانفصال

مكنتش مشتركة فاي معصية ومعرفش زوجته ولا اي حد من اهله انا اساسا معرفتش الا بعد الزواج ومقدرش اخرج في الشوارع ادور على اهله
ولا يمكن اعرض نفسي لمشاكل انا متأكدة اني مش مؤهلة اواجهها
كمان موضوع الوسواس مش سليم اعراضه مش عندي و دا بيكون فيه مشكلة في المخ مش نفسي 100%
قد يكون عندي بدايات رهاب ودا طبيعي بسبب اللي مريت بيه وانا مدركة دا كويس
كمان موضوع المراهقة المتأخرة مش سليم دي بتيجي بدايات الاربعينات وكمان اللي في العشرينات سلوكهم اللي وصفته طبيعي
واحساسي بالظلم و القهر ملوش علاقة بقصص الحب او اني عايزة اعيش كدا
احلامي ابعد مايكون عن التفكير دا

ولكن كوني اجبرت + زوجة تانية + في الخفاء عن اهله + كبر سنه + اسلوب زواجي
سيناريو طويل من القهر والظلم
كلها امور بتخلي حياتي بالشكل دا مش طبيعية
ولما بفكر بالشكل دا بحس ان الشقة شيء تافه جنب اللي سلبه من حقوقي سنين
والطلاق طلبته من زمان من قبل اي حاجة
وقلتله اني مجبرة بعد الزواج و قبل الدخلة باسبوع وكمل وهو عارف
فهو مشترك في الظلم من اوله

ولكن دلوقتي انا في مركز قوة خططتله بهدوء ووصلتله بصعوبة بس لما وصلتله ابتديت اشوف ابعاد اكتر مكنتش في حسبتي ومن ضمنها شعوري الرهيب بالذنب وبتكرار الظلم اللي وقع عليا خايفة اعيده على بنتي بشكل اخر انا جربت فقدان احد الوالدين + جربت زوجة الاب
فعندي خوف شديد على بنتي

وصلت بنجاح للي كنت بخططله عشان اسيب الظلم دا بس بعد ما طلعت فوق نفسي رفضت تجاهل اللي ساعدني اوصل رغم انه كان هو اللي كنت بخطط اوصل عشان اسيبه

نصيحه تانيه بس تعمليها :

راجعي دكتور نفسي .... انت عندك عقده نفسيه محتاجه اللي يكشفهالك .. ويخليكي تشوفي نفسك تاني
ساعتها بس هاتقدري تاخدي القرار الصحيح

شوفي بس دكتور\ة شاطر و ثقة و ربنا يوفقك .....

هو مال زوجك بالسيناريو اللي حضرتك بتألفيه ده ؟؟

مع احترامي ليكي ، ولي أمرك باعك في صغرك وربنا اداكي اللي يحن عليكي ويعوضك بحنان ومال ومستقبل، يقول لمراته الاولانية ولا ميقولهاش مش عايش معاكي كويس ولا هو بيعمل حاجة حرام !!

المشاركة الأصلية كتبت بواسطة إنسانة

ومش هطلب من حد تعويض نفسي وجسدي عن كل الاذية اللي اتذيته

يا ريت تقولي كل حاجة علشان برده متاخديش قرار تندمي عليه وعامة اللي عاوزة تعمليه ميرديش ربنا.

انا شايف ان حضرتك فاتحة المجال للشيطان علشان يخرب حياتك مش اكتر .

المشاركة الأصلية كتبت بواسطة minicooper20

اولا انو مش قايل لمراتو انو مجوزك دى معصيه و بما انك عارفه ده فانتى مشاركه معاه فى المعصيه
لان من حقها تعرف و توافق فا دى اول نقطه

معصية ومشاركة معاه كمان !