الموضوع: تقرير استلام التو 2015 الشكل الجديد

علي فكره هى 3سلندر والحجز عليها ما شاء الله جامد جدا الحق احجز قبل ما سعرها يغلى تانى وسيبك من موضوع 3سلندر ده وبس لباقى مميزتها واستخير ربما وان شاء الله تختار اﻻصلح

المشاركة الأصلية كتبت بواسطة ahmedfor3

مرحبا بيك يا كنج بص يا باشا حضرتك عايز تدفع 30000 يعنى نصف البلغ يعنى البلغ الباقى 32000 فى 8.5%
لو على 5 سنين 60 شهر هتعمل معاك فى حدود 690 فى الشهر هى ثمنها فى المعارض من61500 الى
62000 وافضل لحضرتك المعارض لسرعة التسليم

انا بشكرك على ردك ومعلش ياريت اعرف ايه الفرق بينها وبين الماروتى غير الشكل يعنى بالنسبة للماتور مختلف ام لا وهو فيه منها صحيح 1000 سى سى ام لا وشكرا لاهتمامك
ومعلش انا سالت قبل كدة فى معرض قالى ادفع 850 فى الشهر فهل يوجد خلاف فى سعر الفايدة من معرض لاخر

السلام عليكم ... منورين وربنا يجازى الناس المحترمه اللى بتساعد الناس تفهم

انا ليا كام سؤال
1- واحد قالى تيل الفرامل بتاع الاتو مش هتلاقى تيل محترم غير فى التوكيل و ثمنه 350 ج .. مفيش انواع تانيه بره وكون كويسه.
2-عايز اعرف(النوع و منين وبكام) :
--السنتر
--الولاعه
--وحدت الرفع
--فيه واحد صحبى ركب رداخ للشنطه وبيفتحها من الريموت كده عادى

وشكرا

المشاركة الأصلية كتبت بواسطة elkingg36

انا بشكرك على ردك ومعلش ياريت اعرف ايه الفرق بينها وبين الماروتى غير الشكل يعنى بالنسبة للماتور مختلف ام لا وهو فيه منها صحيح 1000 سى سى ام لا وشكرا لاهتمامك
ومعلش انا سالت قبل كدة فى معرض قالى ادفع 850 فى الشهر فهل يوجد خلاف فى سعر الفايدة من معرض لاخر

يا باشا حرااااااااااااااااااااااا اام عليك ماروتى ايه بس اللى تتقارن بيها لا فى الشكل ولا الماتور
هى 800 سى سى بس انجكشن يعنى موفره جدا فى البنزين عكس الكربريتير وعدد الهورس بور
وبالنسبه لموضوع القسط الفايده بتزيد على حسب ذيادة عدد السنين حضرتك متنساش
فى مصاريف تامين ومصاريف اداريه فى المجمل هى صفقه رابحه وخصوصا بعد ذيادة اسعار البنزين سعر العربيه هيولع لان الناس هتتجه الى السيارات الموفره فى الوقود وكفايه انها يابانى تقفيل هندى يعنى اعتماديه وافضل من التقفيل المصرى بمراحل

المشاركة الأصلية كتبت بواسطة elkingg36

يا جماعة انا عايز اشتريها بالقسط وعايز اعرف ايه الفرق بين المعرض والتوكيل من حيث السعر ولو دفعت مقدم 30000 هدفع كام كل شهر على نظام 5سنين

متشتريش من التوكيل فكك من التوكيل لانه ميزته الوحيدة كانت انه ميعليش عليك السعر
بس في المقابل هتقعد شهور لحد متستلم وممكن وقت متستلم يجي التوكيل ويعلى السعر عليك
بص حسبة تمنها بالظبط وهيتبقى عليك كام دي مش صح
لان سواء جبتها من معرض علطول او من البنك لازم تحط الفايدة
البنوك فايدتها بتختلف من بنك لبنك
انما المعارض كلها زي بعضها
المعرض بيحط نسبة فايدة 25% لكل سنة
البنك اكتر حاجة بتكون نسبة 12%لكل سنة
طبعا الفرق واضح بين الاتنين انت اولى بالفرق بين الاتنين
بص انا رحت لمعرض وطلبت منه يجبهالي على بنك
انا مش موظفة بس عندي شغل خاص كان هو الضمان
انت لو موظف حكومة اعتقد في بنوك بتعمل عروض حلوة للموظفين بس برده بتاخد وقت طويل
فإنت خليك في البنوك الاستثمارية افضل
انا دفعت مقدم 25 والمعرض كان مقدم عرض للبنك ب60 الف
طبعا الاجرائات لانه بنك خاص بعتوا مندوب شاف شغلي وبعدها بساعتين كنت واخدة موافقة البنك
والشيك طلع تاني يوم وبعدها بيومين رحت مضيت في البنك واستلمت عربيتي من المعرض
طبعا وقتها المعرض عمل لعبته المعتاده وزود عليا 1000ج عشان استلم تاني يوم او اصبر اسبوعين واستلم
بس انا دفعتهم لان كده كده حتى لو كنت صبرت كان برده هيفضل يقولي حجج وتلاكيك عشان ياخد ال 1000
ويمكن يزود كمان اكتر
دلوقتي في معارض بتستهبل ووصلت سعرها ل 65
نرجع لمقدمتك لو كنت هتتعامل مع بنك زي منا عملت
انت هتدفع 30 للبنك دول من اصل تمن العربية فقط
ده غير مصاريف ادارية للبنك وفتح حساب في البنك ومصاريف التأمين لانه البنك لازم يطلب منك تأمين
والترخيص كمان كله ده هيدخله في 5000 كمان
فى النهاية هتكون دفعت 35 بكل المصاريف
وقسطك على 5 سنين 800 ج
انا دفعت 25 وال5 مصاريف زيادة للمعرض ومصاريف ادارية للبنك وفتح حساب ورخصة
وقسطي كل شهر 900 ج على 5 سنين
المهم ظبط مع معرض يكون سمعته كويسة فى سرعة التسليم
عشان ميشتغلكش في الوقت بعد متخلص اجرائاتك وهاتها على البنك مش المعرض
المعرض ماهو إلا مكان هتستلم منه المعربية بسرعة مش اكتر والمعرض كمان هو اللي هيعملك اجرائات التأمين وكل حاجة
ركز فى اختيارك للمعرض عشان في معارض نصابه ويومهم بسنه زيهم زي التوكيل
وربنا ييسرلك الخير ومبروكه عليك مقدماً

المشاركة الأصلية كتبت بواسطة active

عملت صيانة الـ 5000 وحطيت زيت 10000 توتال حسيت بفرق فى نعومة الموتور بعد الصيانة كلفتنى 400 جنيه

كانت عبارة عن ايه صيان الـ 5 الاف ... وهل تم فى التوكيل ولا بره