الموضوع: تقرير استلام التو 2015 الشكل الجديد

المشاركة الأصلية كتبت بواسطة elfooly86

باشا دا فرع ايه حضرتك ؟؟
انا حاجز من فرع الدقي وعلي فكرة اتصلت بيهم دلوقتي وفعلت غليت 600 جنية . بقت ب 58.500 حاجة تحرق الدم مايعرفوش الجنية بيجي بصعوبة قد ايه ومش بالساهل حسبي الله ونعم الوكيل.

الفرع اللى حجزت فيه فى مدينه نصر. بس ممكن حضرتك تقولى انت حاجز يوم ايه وقالولك الأستلام امتى ؟؟؟؟؟

الكلام مظبوط بخصوص زيادة الأسعار. السعر الرسمي 58500 (توكيل سيدي جابر) الإسكندرية
وحسبي الله ونعم الوكيل

المشاركة الأصلية كتبت بواسطة ah_kassem

انا ياجماعه كنت فى التوكيل امبارح بسأل هاستلم امتى ﻻنى حاجز من يوم 14-9 2014 ومدير المبيعات قالي ان العربية
زاد سعرها 600 جنيه وبقت ب 58500 وقالى كمان انى لسه هاستلم فى شهر 2 توكيل زباله وعالم معندهمش ضمير
زى ما يكون بيأدبوا الواحد انه حجز في التوكيل !!!!!!!!!! ولو عاوزين تتأكدوا من المعلومه ياريت تكلموهم .....

والله انا بدات ازهق والخبر دا قفلنى من التوكيل والعربيه نفسها ,,,عشان ايه احجز عربية واستنى شهر او اتنين او تلاته هو انا بطلب بورش ولا حاجه ولا هيستودها مخصوص ليا دى حاجه تقرف
ربنا يسهل الامور ونستلم بقى

المشاركة الأصلية كتبت بواسطة ندى كامل

السلام عليكم ورحمه الله وبركاته

هو يا جماعة صوت الموتور بيبقى عالى شوية واحنا ماشين على التانى او الثالث
هى اول عربية ليا واول مرة بسوق واتعلمت مع محدش مش فاهم اووووى للاسف :( وانا بمشى لوحدى دلوقتى بس
كانى الصوت عالى وانا جايبه التانى مش عارفه بنقل النقلات متاخرة شوية ولا رجلى بدوس اكتر على البنزين ولا ايه
ولا الطريق علشان مش متسفلت كويس بيبقى الصوت كده عليه

ارجو المساعدة

اولا مبروك العربيه ربنا يبارك لك فيها
صوت الموتور ملوش دعوه بنوع الطريق متسفلت او ترابى دا بيحدده حالة الموتور والغيار و دوسة البنزين
وبما ان العربية زيرو فهنستبعد حالة الموتور , هيبقى دوسة البنزين والغيار
للاسف مفيش RBM فى العربيه عشان نظبطها اكتر ولكن ايام الفيرنا كانت 1600 cc كنت بنقل كالتالى
الاولى للطلعة فقط وكان اخرى بيه 10 ك
التانى لحد 35 ك
التالت لحد 60 ك
الرابع كنت بقرص بيه شويه واخش على 90ك
الخامس مفتوح لحد اول مطب

وبما ان الالتو 800 cc فهنكسر السرعات شويه
هيبقى الاول زى ما هو لحد 10 مثلا
التانى حتى 25 ك
التالت 50 ك
الرابع لو قرصنا فيه شويه عادى عشان يعتبر العربيه اخدت السرعه الكفاية والموتور هيفتح معاكى خليه 80 ك
الخامس من 80 ومفتوح .... مفيش بنات بتجيب الخامس :P :P
,واهم حاجه دوسة البنزين متبقاش تقيلة عشان العربية تاخد سرعتها بسلاسة مش قرص خصوصا انه ممكن يأثر على العربيه على المدى البعيد وهى 800 cc يعنى هتفتطس

حد ركب للالتو عداد ار بي ام او متأكد مما اذا كان ينفع يركب ام ﻻ

السلام عليكم
انا قريت ال٥٢ صفحة ردود كلهم بس لسة عندي كم سؤال ع العربية
يعني انا طالب في كلية طب عين شمس
وساكن بمدنتي
والعربية عجباني عشان زيرو
بس عندي كم سؤال ؟؟
١. هل ينفع نحط جنط ١٤/١٨٥
او ١٤/١٧٥ عشان ثبات العربية عشان الاخ ابراهيم صاحب العربية قال انو ع ١٢٠ الدركسيون بيبدا بيرج
وهل بياثر ع العفشة ولا لا
وهل لو جنطط هتزبط العربية واعرف امشي بيها ع ١٤٠ وهي ثابته من غير ما يعمل الدركسيون معايا حاجة
انا طبعا مش هفضل ع ١٤٠ بس يعني للامان ؟؟
وانتو عارفين ان الطريق طويل فهل هتستحمل معايا الطريق كل يوم
وبما ان الطريق طويل فهجري بالعربية يعني همشي من ١٢٠ الى ١٤٠ فهل هية هتستحمل ؟؟
٢. طبعا بما ان الجو حر عادة فهحتاج فاميه وعشان الفاميه لازم ازاز كهربا عشان الكمين يلي ع الطريق
هنركبه ازاي ؟؟
وهل ينفع. اعمل تحكم الاربع شبابيك من عندي ولا لا ؟؟
انا كلمت التوكيل النهاردة قال لو ركبت الازاز العربية هتخرج برة الضمان بس شفلك واحد يكون عارف وفاهم
فانا اقنعت نفسي اركبه بعد صيانة ١٠٠٠ او ٥٠٠٠ بيقبقى كل حاجة بانت في العربية ولا ايه راي حضراتكو
اما موضوع الكاسيت والسنتر فالكلام دا خلص
وهل في حاجات تاني ممكن تتعبنا بالعربية
بس للامانة العربية شكلها حلو جدا وعربية ممتازة وعجباني
مستني الرد من اصحاب العربية
وشكرا لحضراتكو واسف للاطالة

المشاركة الأصلية كتبت بواسطة hamid792

الكلام مظبوط بخصوص زيادة الأسعار. السعر الرسمي 58500 (توكيل سيدي جابر) الإسكندرية
وحسبي الله ونعم الوكيل

ياجماعة بم إن الموضوع في تلاعب وقلة أدب بالشكل دا وبم ان العربية كان سعرها الرسمي في التوكيل 57.900 وزادت مرة واحدة 600 وبقي سعرها الرسمي في التوكيل 58.500 .
وكل الناس اللي حاجزة من كذا الشهر هاتلبس الزيادة دي
حد عنده فكرة هي آخر مرة زادت فيها قبل الزيادة الاخيرة دي كانت امتي ؟؟ وكانت زيادة قد ايه ؟؟
لان الصراحة الواحد خايف بالطريقة دي وهو بيستلم يلاقيها غليت تاني .
ياريت الكل يشارك في الموضوع دا لانهم الصراحة كدا بيستغلونا ياجماعة
وحسبي الله ونعم الوكيل .