الموضوع: تقرير استلام التو 2015 الشكل الجديد

بصراحة الواحد مش هايقول غير حسبي الله ونعم الوكيل في الوكيل انه يستورد مرايات غاية في السوء كدا مرايات صغيرة ومش بتوضح الرؤيا كويس خالص ومابتجبش كل ابعاد الطريق دا غير انك لازم تظبطها من الخارج بايدك كل شوية خصوصا لو قفلتها وجيت تفتحها
مرايات غير متناسقة تماما حتي مع العربية وشكلها الجديد الانيق مش بدل مايخلوها مرايات كهرباء او حتي اضعف الايمان تبقي حتي شبه الشكل القديم اللي كان بينزل لحد ٢٠١٤ اللي كانت فيها المرايات كبيرة و بتظبط من الداخل بدراع داخلي بجد حسبي الله ونعم الوكيل فيهم
مافيش باور وقولنا معلش نستحمل مافييش كاسيت وقولنا معلش نستحمل ونشتري
مافييش زجاج كهرباء ولا سنتر وقولنا معلش دي رفاهيات مش اساسيات انما المرايات بقي دي من اساسيات الاساسيات يعني مش للدرجة دي معفنين اوي كدا وياريتنا حتي عارفين نلاقي مرايات بديلة في السوق .
علي العموم لو حد عرف يشتري مرايات بديلة افضل ياريت يفيدنا ويقولنا جابها منين وبكام ؟؟
وشكرا
وحسبي الله ونعم الوكيل تاني.

عيوب اﻻلتو
ساعات الواحد يحس العربية دي لقطة وساعات من كﻻم اصحابها يحس انها محتاجه عربية
مفيش كاسيت
مفيش انذار
مفيش زجاج كهربا
مفيش مرايات كويسة
مفيش باور
مفيش قفل اطفال
مفيش عزل كويس للصوت
واحد يقولي كله مفيش مفيش
اقوله ﻻ مش كله مفيش
في عضه في الفيتيس
في ضيق في الكنبة الخلفية

تجربه فرش الارضيه موكيت فوق فرش الموكيت الفبريكه
------------------------------------------------------------------
النهاردة عملت فرش ارضيه جلد عشان يحافظ علي فرش الفبريكه وكمان يكون عازل للحرارة والصوت وخصوصا ان الموكيت تنظيفه صعب عكس الفرش الجلد وكلفني 300 جنيه عند السروجي وفهمت منه ان الجلد انواع واحسن حاجه الجلد الطري وطبعا عملتوا فوق الموكيت....
وكمان خليته يعمل كبوت الموتور من الداخل عشان سخونيه الموتور متاثرش علي بويه الفبريكه وكمان يكون عازل صوت ...وعدد ساعات العمل قرابه الاربع ساعات لانه نزل اشتري وبعد كدا فك الكراسي كلها وبعد كدا نضف الموكيت واخد المقاسات وخيط وفي الاخر فرش وقفل وركب الكراسي ...
بحكي تجربتي يمكن تفيد حد ولو بمجرد معلومه....

تكلفه تركيب كاسيت سي دي في التوكيل
--------------------------------------------------------
جهاز سي دي 750
المصنعيه 50
ضريبه المبيعات 80
الاجمالي 880
المواصفات سي دي وكاسيت وبلوتوث وممكن استخدام سماعات الكاسيت للتحدث في الموبايل عن طريق البلوتوث
اسم الماركه / owners manual
am/fm receiver cd/mp3/wma player with electronic usp and sd card control

بفكر اركب ولاعه سجاير للعربيه طبعا عشان استخدمها في شحن الموبايل
-----------------------------------------------------------------
محدش يعرف سعرها كم واشتريها منين واروح بيها للتوكيل عشان يركبوها مع صيانه الالف الل فاضلها كم يوم ولا اخلي كهربائي عادي يركبها ...ولا ممكن تطلع من الضمان ....
ومستنيه مشاركتكم وردوكم....

المشاركة الأصلية كتبت بواسطة mnon_mahmoud

تجربه فرش الارضيه موكيت فوق فرش الموكيت الفبريكه
------------------------------------------------------------------
النهاردة عملت فرش ارضيه جلد عشان يحافظ علي فرش الفبريكه وكمان يكون عازل للحرارة والصوت وخصوصا ان الموكيت تنظيفه صعب عكس الفرش الجلد وكلفني 300 جنيه عند السروجي وفهمت منه ان الجلد انواع واحسن حاجه الجلد الطري وطبعا عملتوا فوق الموكيت....
وكمان خليته يعمل كبوت الموتور من الداخل عشان سخونيه الموتور متاثرش علي بويه الفبريكه وكمان يكون عازل صوت ...وعدد ساعات العمل قرابه الاربع ساعات لانه نزل اشتري وبعد كدا فك الكراسي كلها وبعد كدا نضف الموكيت واخد المقاسات وخيط وفي الاخر فرش وقفل وركب الكراسي ...
بحكي تجربتي يمكن تفيد حد ولو بمجرد معلومه....

وهل شعرتي بتحسن بعد تركيب الفرش وهل تغير ملحوظ وﻻ الفرق مش واضح

احد اعز اصدقائي خدت رأيه في موضوع عضة الفتييس نصحني اني أغير زيت الفتييس باني انزله كله واطلع علي بنزينة موبيل واحط زيت الفتيس بتاع موبيل وهاحس بفرق رهييب بعدها وقالي انه قابلته نفس المشكلة دي في عربيته الفيرنا وهي زيرو ولما غير زبت الفتيس المشكلة اتحلت تماما . انتوا ايه رأيكوا في الحل دا؟؟

شكرا على نقل تجربة الفرش بصراحة انا لسه برتب نفسى على الحاجات اللى هعملها ف العربية حسب الاولوية
السنتر
الانذار
الفرش
فرش الكراسى
الكاسيت
طاسات للعجل
كاميرا خلفية بشاشة مكان المراية اللى ف النص
عزل السقف والكبوت بالفوم الحرارى
تفصيل شماسات للعربية لان الشمس بتدخل للعربية من كل اتجاه