الموضوع: تقرير استلام التو 2015 الشكل الجديد

من الواضح ان حضرتك اول مره تجرب الحركه دى انا حابب اطمنك
ده طبيعى جدا فى كل العربيات قديم و جديد و ده لان سرفو الفرامل ( الي بيخلي الفرامل شغاله ) بياخد هواء من الموتور و هو شغال لو الموتور بطل معناه مفيش هواءيعنى السرفو مش هيشتغل و الفرامل بتحجر و مبتشتغلش
خلى بالك من حركه زى دي ممكن لا قدر الله الدركسيون يقفل و متعرفش تتصرف و يسبب مشاكل ربنا يسترها علينا


محمد حسن

النهاردة سافرت بالعربية 500 كم طريق زراعى القاهرة وطرق زراعية متفرعة
الذهاب الجو حر جدا النهاردة التكييف شغال درجة 1 او 2 ، العربية دى عايزة معاملة خاصة جدا خصوصاً ف التسارع مش عايزة كبس ابدا على دواسة البنزين وعايزة مسايسة وكمبروسر التكييف بتحس بيه وبياخد من عزم العربية بشكل ملحوظ جدا حتى على السرعات العالية ، مزودتش عن 130 والعربية اخرها فعلا ف الامان 120 اخر اخر الامان ومحدش يزود عن كده ، العفشة ورا محتاجة تتظبت نشوف 2 مساعدين محترمين مكان الراكبين بعد 20 الف ولا حاجة يكونوا استهلكوا ، ده اكتر عيب واجهنى ف السفر النهاردة ده ، بصراحة العربية على قد تمنها ومفيش ف الفئة السعرية دى زيرو غيرها من الاخر ، ان شاء الله ناوى اول حاجة اعملها ف العربية السنتر بصراحة صعبة الحياة من غيره هركب سنتر وانذار مرة واحدة بس مش عارف اخلينى مع التوكيل ولا اعمله بره عايز حد ينقلنا تجربة تفصيلية عن تركيب السنتر والانذار بره التوكيل وجزاكم الله خيرا وربنا يكفينا شر الطريق

المشاركة الأصلية كتبت بواسطة d . A .\ ayman

اللى انت عملته ده خطأ رهيب ...
أولا ... لو حبيت تلف بالعربية الدركسيون هايقفل منك ومش هاتعرف تلف .. طبعا ممكن تتلافي النقطة دي بإنك تسيب الكوتاكت مفتوح ... بس ده ضرره أكبر من إنك تسيب العربية دائرة على السلانسيه
ثانيا ... الفرامل ... نظام الفرامل بيعتمد على إنك تدوس على الدواسة بنسبة 10% مثلا من قوة الفرملة المطلوبة وجهاز السيرفو ... أو المضخة بتاعة الهواء بتكمل المشوار هي بنسبة الـ 90% الباقيين ... لو انت طفيت المحرك ... يعني قفلت المضخة بتاعة السيرفو كمان ... يعني بالتالي قوة الضغط المطلوبة على الفرامل مش ممكن تحقيقها بمجرد دوسة على الدواسة ... يعني باختصار الموضوع كأنك انت اللى مطلوب منك تنزل تمسك العجل بإيديك وتوقفه
أخطر حاجة بقى واوعى تعملها تاني ... إنك تشد فرامل اليد والعربية ماشية نهائيا ... لا قدر الله العربية تلف منك ويحصل ما لا تحمد عقباه
...
عشان كدة المعلومة دي لازم يكون عارفها أي حد بيسوق ... لو العربية بطلت منه لازم يكون عارف إن الفرامل خلاص مش موجودة وعشان يقف بنسبة 10 - 30 % من القوة اللى هو متعود يقف بيها لازم يقوم يقف على دواسة الفرامل بجسمه كله
.......
طول ما العربية ماشية ما تطفيش المحرك أبدا ... ولو عايز توفر وقود ما تمورش الفتيس أساسا ... شيل رجلك فقط من على دواسة البنزين وهي طول المسافة اللى ماشية فيها من غير ما انت تدوس بنزين ما هاتصرف نقطة بنزين واحدة عشان هي كدة المحرك شغال بطاقة القصور الذاتي فقط ... لكن لو مورت الفتيس هاتصرف البنزين العادي بتاع التشغيل على السلانسيه
وربنا يحفظك من كل شر

اتفق تماما...وشكرا ليكي علي المعلومات الهامه...

المشاركة الأصلية كتبت بواسطة ahmed_moeaz

شكر على ايه بس دى كمان اسعار الكماليات بالتوكيل الانذار 300 سنتر 200 كاسيت 750
مصنعية انذار وسنتر 300 ، مصنعية كاسيت 100 ده غير الضريبة طبعاً

شكرا جزيلا للافادة...

المشاركة الأصلية كتبت بواسطة ahmed_moeaz

النهاردة سافرت بالعربية 500 كم طريق زراعى القاهرة وطرق زراعية متفرعة
الذهاب الجو حر جدا النهاردة التكييف شغال درجة 1 او 2 ، العربية دى عايزة معاملة خاصة جدا خصوصاً ف التسارع مش عايزة كبس ابدا على دواسة البنزين وعايزة مسايسة وكمبروسر التكييف بتحس بيه وبياخد من عزم العربية بشكل ملحوظ جدا حتى على السرعات العالية ، مزودتش عن 130 والعربية اخرها فعلا ف الامان 120 اخر اخر الامان ومحدش يزود عن كده ، العفشة ورا محتاجة تتظبت نشوف 2 مساعدين محترمين مكان الراكبين بعد 20 الف ولا حاجة يكونوا استهلكوا ، ده اكتر عيب واجهنى ف السفر النهاردة ده ، بصراحة العربية على قد تمنها ومفيش ف الفئة السعرية دى زيرو غيرها من الاخر ، ان شاء الله ناوى اول حاجة اعملها ف العربية السنتر بصراحة صعبة الحياة من غيره هركب سنتر وانذار مرة واحدة بس مش عارف اخلينى مع التوكيل ولا اعمله بره عايز حد ينقلنا تجربة تفصيلية عن تركيب السنتر والانذار بره التوكيل وجزاكم الله خيرا وربنا يكفينا شر الطريق

شكرا للافادة ..وبالنسبه للتجربه السنتر والانذار ناويه اعملها في التوكيل بالرغم من اني سامعه انه هيكون اغلي من برة ..بس دا عشان هيكون اضمن من اي مكان تاني في اعتقادي الشخصي.
وبالنسبه للاسعار بحسب مشاركه احد الاعضاء ...
سنتر330
انذار550
جهاز فصل الموتور440
باركنج سنسور550
واتمني اكون افادتك ...وفي انتظار تجربه تفصيليه لتركيب السنتر والانذار بالتوكيل حتي تعم الفائدة علي الجميع وتحياتي....

انا عملت ألف كيلو الحمد لله وكنت بمشي ٦٠ ل ٨٠ طول فترة الالف كيلو ( التليين )
دلوقتي نظرا لظروف شغلي مش هاعرف اروح اعمل صيانة الالف كيلو الا بعد اسبوع وطبعا ساعتها هاكون مشيت علي زيت التليين اللي في العربية حوالي ١٦٠٠ كيلو ( يعني بمعني أصح هاروح التوكيل : صيانة الالف كيلو وانا عامل ١٦٠٠ كيلو ).
كلمتهم وسألتهم قالولي عادي لان الزيت دا بيمشي لحد ٢٥٠٠ كيلو بعدها لازم اغير الزيت حتي لو ماقدرتش اروح التوكيل لازم اغيره حتي ولو برة .
السؤال هنا بقي بم اني خلصت ال ١٠٠٠ كيلو هل في خلال الاسبوع اللي هامشي فيه من غير ما اكون غيرت فيه الزيت هل ابدأ امشي عادي بقي فوق ال ٨٠ كيلو علي اساس ان فترة التليين بتكون ١٠٠٠ كيلو فقط وبعدها امشي براحتك ؟؟!!
ولا استمر في التليين زي مانا وافضل ماشي اخري ٦٠-٨٠ لحد ما اغير الزيت ال ١٠ الاف او ال5 الاف والفلتر في التوكيل ( لحد ما اعمل صيانة الالف ) ؟؟؟

انا عندي عضة في الفتيس بشكل ملاحظ في الغيار الاول والثاني والمارشدير
بس المارشدير اقوي بكتيير .
حد عنده المشكلة دي في عربيته ؟؟
انا كدا كدا هاقولهم عليها في صيانة الالف كيلو
بس انا كنت سمعت قبل كدا من اكتر من حد ان موضوع عضة الفتيس دا عيب في الالتو حتي قبل الموديل الجديد فهل حد عنده اي فكرة عن الموضوع دا ؟؟ وتنصحوني بايه ؟؟
وشكرا