تقرير استلام التو 2015 الشكل الجديد

**mnon_mahmoud** · 23-03-2015 11:29 AM

المشاركة الأصلية كتبت بواسطة ahmed_moeaz

والله انا شايف انو ملوش لزمة وتكلفة على الفاضى صدقنى المشكلة عندك ف دوستك نفسها على دواسة الدبرياج ولو فيه حاجة تحت الدبرياج زى دواسة تخينة مثلا ولا حاجة عامة لو جربت الموضوع وكنت راضى عن التجربة يا ريت تنقلنا تجربتك هنا

لا متعملش كدا فعلا تكلفه علي الفاضي ..انت بس تروح التوكيل وتقولهم علي موضوع عضه الفتيس وتطلب منهم يشحمولك عصايه الفتيس لا تفك ولا تكلف نفسك ...دة رائي لان المشكله كانت عني واتحلت في التوكيل وكمان مشكله الدبرياج بيعملوها ومتنساش انك ممكن تقرب كرسي السواق علي حسب مقاسات الرجل ....الموضوع مش تغيير زيت خالص ولا فك وتركيب فتيس الموضوع عادي وبيحصل وبيتحل ..تحياتي..

**mnon_mahmoud** · 23-03-2015 11:32 AM

المشاركة الأصلية كتبت بواسطة midoamro

وهل شعرتي بتحسن بعد تركيب الفرش وهل تغير ملحوظ وﻻ الفرق مش واضح

والله اكيد في تحسن بخصوص نظافه العربيه والحفاظ علي الفرش الاصلي اما لو بتسال بخصوص الصوت والحرارة وكدا انا لسه مركباه امبارح بس ولسه مش جربت لو خرجت بيها النهاردة هحاول اشوووف واقولكم ...تحياتي وشكرا علي المتابعه والردود المختلفه..

**mnon_mahmoud** · 23-03-2015 11:34 AM

المشاركة الأصلية كتبت بواسطة ahmed_moeaz

شكرا على نقل تجربة الفرش بصراحة انا لسه برتب نفسى على الحاجات اللى هعملها ف العربية حسب الاولوية
السنتر
الانذار
الفرش
فرش الكراسى
الكاسيت
طاسات للعجل
كاميرا خلفية بشاشة مكان المراية اللى ف النص
عزل السقف والكبوت بالفوم الحرارى
تفصيل شماسات للعربية لان الشمس بتدخل للعربية من كل اتجاه

بالنسبه لفرش الكراسي انا عملتو في التوفيقيه ب250 جنيه والل ركبه اخد60 جنيه بعد الفصال
ومن اهميته المحافظه علي فرش الفبريكه ....

**ندى كامل** · 23-03-2015 01:18 PM

انا روحت التوكيل يوم السبت فرع ابورواش
وعملت صيانة الالف وغيرت الزيت 5000 علشان مشاويرى صغيرة وكنت ماشية 1250 كيلو تقريبا
وعملت السنتر هو 330 شاملة التركيب وخدوا وقت كبير اووووووووووووى :( من 11.30 لغاية 2.30 لما طلعت العربيىة وغسلوها
والسنتر كويس

وطلبت منهم انهم يرفعو الدبرياج شوية علشان والدى ركب العربية وقالى الدبرياج نازل اووووى وفعل لما رفعوه بقى افضل ومش بتفصل ذى الاول منى ولا بتحصل العضة اللى كانت بتحصل علشان لسه جديدة فى السواقة

كنت الاول بدوس اوووى على الدبرياج دلوقتى لا وصوت نقلات الفتيس راح عن الاول علشان بنقل صح ولما مش ادوس على الدبرياج كويس بسمع صوت ساعات

يارب يكون كلامى مفيد لحد :)

**ahmed_moeaz** · 23-03-2015 04:29 PM

شكرا لنقل التجربة وربنا يكفيك شرها ويرزقك خيرها

**mnon_mahmoud** · 23-03-2015 10:13 PM

المشاركة الأصلية كتبت بواسطة ahmed_moeaz

شكرا لنقل التجربة وربنا يكفيك شرها ويرزقك خيرها

شكرا ليكي ....افهم من كدا انك ركبتي السنتر بس ولا السنتر والانذار ولو يا تري تكلفه السنتر والانذار كم ...وعاوزة اعرف تكلفه صيانه الالف كام ...ويارب مكونش كترت عليكي ...

**ندى كامل** · 24-03-2015 11:34 AM

المشاركة الأصلية كتبت بواسطة mnon_mahmoud

شكرا ليكي ....افهم من كدا انك ركبتي السنتر بس ولا السنتر والانذار ولو يا تري تكلفه السنتر والانذار كم ...وعاوزة اعرف تكلفه صيانه الالف كام ...ويارب مكونش كترت عليكي ...

لا متقوليش كده :) ربنا يكرمك
انا ركبت السنتر بس وهو تكلفته 320، وسالت على السنتر والانذار كانوا تكلفتهم مع بعض 750
والصيانة الزيت دفعت 210

وحضرتك لما تروحى احجزى الاول وحاولى تكونى اول واحدة على الباب علشان الساعة 9 بيفتحوا الباب فكل الناس بتدخل بجنون علشان يلحقوا ياخدوا رقم من جوه بسرعة

**mnon_mahmoud** · 24-03-2015 10:40 PM

المشاركة الأصلية كتبت بواسطة ندى كامل

لا متقوليش كده :) ربنا يكرمك
انا ركبت السنتر بس وهو تكلفته 320، وسالت على السنتر والانذار كانوا تكلفتهم مع بعض 750
والصيانة الزيت دفعت 210

وحضرتك لما تروحى احجزى الاول وحاولى تكونى اول واحدة على الباب علشان الساعة 9 بيفتحوا الباب فكل الناس بتدخل بجنون علشان يلحقوا ياخدوا رقم من جوه بسرعة

شكرا علي سرعه الرد واتمنالك التوفيق...

**mnon_mahmoud** · 25-03-2015 10:39 PM

تجربه تعليه كرسي نيو التو2015
--------------------------------------------------
يا جماعه انا بحكي تجربتي للمهتمين بتعليه كرسي السائق نيو التو 2015 يمكن حد يستفيد منها -
باختصار الكرسي كان مضايقني جدااا حاسه انه فطسان لتحت كدا.. ومش شايفه حتي حدود العربيه.. ..ورضيت بكدا وخلاص حاسه ان في حاجه مش صح بس مش فاهماها ولا عارفه اوصفها ازاي..
المهم من كم يوم فرشت الارضيه جلد عشان يحافظ علي فرش الفبريكه وكمان سهل في التنظيف غير انه بيعزل الحرارة ويقلل ضوضاء الشارع وخاصه مع قفل الازاز ويحسن تبريد التكييف وخاصه الحر داخل ...اتكلمت مع السروجي قالي فعلا كرسي الالتو نازل لتحت وعلاجه ا انه يتم تعليته باءسفنج من تحت واخد المقاس بحيث انه يعليه بس بردة الل بيسوق متخبطش راسه في السقف وكان حريص انه ميفكش حتي صموله من الكرسي عشان العربيه فابريقه....خليته يعمل الكرسيين السائق والل جنبو عشان يكونوا في سوا واحد...واخد 50جنيه
وبصراحه حاسه بفرق كبير ...يمكن حد يستفاد من التجربه دي ..وقابلكوا في تجربه جديدة ...هههه

**volociximab** · 26-03-2015 02:44 AM

المشاركة الأصلية كتبت بواسطة elfooly86

انا عندي عضة في الفتيس بشكل ملاحظ في الغيار الاول والثاني والمارشدير
بس المارشدير اقوي بكتيير .
حد عنده المشكلة دي في عربيته ؟؟
انا كدا كدا هاقولهم عليها في صيانة الالف كيلو
بس انا كنت سمعت قبل كدا من اكتر من حد ان موضوع عضة الفتيس دا عيب في الالتو حتي قبل الموديل الجديد فهل حد عنده اي فكرة عن الموضوع دا ؟؟ وتنصحوني بايه ؟؟
وشكرا

انا لما تيجى تنقل من التانى للاول و المارشدير
لكن بتيجى بالتعود
انا باجيبها عافيه شويه لاني باكون ماشى
اما المرشدير فالعضة اكبر لدرجة انها احيانا بتدخل على الرابع بدل المارشدير لكنها بتيجى بالتعود برضه و مش مؤثرة لانك مش بتنقل لورا من وضع الحركة

المشكلة التانية ان الدبرياش عالى لكطنى اكتشفت انك مش محتاج تدوس عليه للاخر عشان ينقل يعنى نص دوسة و ارفع بس مش عارف ده مضر و لا لا
المهم ان كل هذه العيوب بتزول بالتعود