الموضوع: تقرير استلام التو 2015 الشكل الجديد

المشاركة الأصلية كتبت بواسطة elkingg36

انا بستفيد من الجمبع بصراحة لانى ابيض فى موضوع العربيات وفى السواقة علشان كدة بشكرك وبشكر كل اللى فى المنتدى
وانا عندى مشكلة ياريت حد يفيدنى فيها انا العربية اتخبطت كتر فى الصاج والرفارف لدرجة انى سايبها فى جراش ومع كدة رحت لاقيتهم خبطوها ولما رحت التوكيل سالت قالوا تتكلف حوالى 4000 جنيه مع ان كل الخبطات ممكن ردها على البارد مع تثبيت الاكصدامات فهل المبلغ ده مبالغ فية ولو رحت لسمكرى هيكون فيه فرق كبير فى السعر ام لا واكرر شكرى

مش هقدر ااقولك المبلغ مبالغ فيه ولا لاء..عشان معرفش اماكن الخبطات وعددهم او اماكنهم ...انت ممكن تاخد العربيه عند اكترمن سمكري يشوفوها وهما الل يحددوا بس خد معاك حد يكون بيفهم من اصحابك او اقربك وتنزل معاهم في السعر ولو هتعملها حاول تكون جنبهم متسيبش عربيتك لحد مهما كان ثقه ....واعتقد طبعا هيكون ااقل كتير من التوكيل ....

استفسارين لو حد يفيدني
هل ينفع اللي جايب الالتو تقسيط من البنك يرخص 3 سنوات وﻻ ﻻزم سنه واحده
ولو حد رخص 3 سنوات يعرفناممصاريفها كام:b4_556::

المشاركة الأصلية كتبت بواسطة mnon_mahmoud

صور مكان تركيب ولاعه السجائر في السيارة- شاحن الموبايل / في التوكيل - سعر التركيب 100 جنيه اما سعر الولاعه في التوفيقيه 15 جنيه -
--------------------------------------------------------------------------------

http://nileup.com/up/uploads/nilemotors_14286201211.jpg
http://nileup.com/up/uploads/nilemotors_14286201212.jpg
http://nileup.com/up/uploads/nilemotors_14286201213.jpg
http://nileup.com/up/uploads/nilemotors_14286201214.jpg

شكرا على الرد زى ما توقعت بس المكان دة بتاع الزراير لو هاتركبي زجاج كهربا

المشاركة الأصلية كتبت بواسطة magdyerian

شكرا على الرد زى ما توقعت بس المكان دة بتاع الزراير لو هاتركبي زجاج كهربا

اه بفكر اركب زجاج كهرباء بس للاءسف مش رادين في التوكيل عشان بيقولوا اصلا نازله من غير زجاج كهرباء وكمان واضح ان مش عندهم..بفكر اسال في مكان كدا يكون كويس برة بس الخوف من موضوع الضمان عشان هيكون في شغل في ضفيرة الكهرباء...

المشاركة الأصلية كتبت بواسطة midoamro

استفسارين لو حد يفيدني
هل ينفع اللي جايب الالتو تقسيط من البنك يرخص 3 سنوات وﻻ ﻻزم سنه واحده
ولو حد رخص 3 سنوات يعرفناممصاريفها كام:b4_556::

اهلا بيك
----------
بالنسبه للاستفسار الاول عن امكانيه ترخيص السيارة 3 سنوات بدلا من سنه واحدة في المرور اعتقد انه مينفعش غير سنه واحدة فقط وبيكون في حظر بيع وحجات كداا وعموما السؤال بردو مطروح للاجابه عنه عند بقيه الاعضاء ....
وبالنسبه للاستفسار الثاني عن سعر الترخيص - هو في السنه حوالي 650 جنيه
واكيد هيكون معاك مندوب من المعرض هيخلصلك كل الاجراءات المتعلقه بالسيارة في المرور
ومبروك مقدما علي السيارة سوزوكي نيو التو 2015
تحياتي..........

الف شكر للاهتمام وسرعة الرد استاذه mnon_mahmoud الله يبارك فيكي

المشاركة الأصلية كتبت بواسطة midoamro

استفسارين لو حد يفيدني
هل ينفع اللي جايب الالتو تقسيط من البنك يرخص 3 سنوات وﻻ ﻻزم سنه واحده
ولو حد رخص 3 سنوات يعرفناممصاريفها كام:b4_556::

طالما العربية تقسيط ومكتوب على الرخصة حظر بيع ... يبقى لا يمكن الترخيص 3 سنوات
لازم كل سنة تروح ترخص وتاخد جواب من البنك بالموافقة على الترخيص ...
هما بيعملو الحركة دى عشان لو عليك اقساط متأخرة للبنك يبقى البنك مش هايديك جواب الموافقة على تجديد الترخيص وبالتالى المرور مش هيرخص العربية الا لما تدفع الاقساط

فى حد عمل فرش للعربيه فى التوكيل سواء للارضيه او الكراسى وبكام