الموضوع: تقرير استلام التو 2015 الشكل الجديد

المشاركة الأصلية كتبت بواسطة مصطفى عمر

هو حضرتك متأكده انك فهمتى كلامى صح !!!

مفيش مشاكل لو تهكمات هو بس يبدو انى لما استشهدت بأن العربيه كويسه معى الاستاذ ابراهيم و مع حضرتك كانت غلطه منى انى اذكرك فسياق كلامى لكن كلامى كله مفيهوش اى تريقه و لو فيه تريقه انا مش شايف استاذ ابراهيم رد نفس ردك و قال انى بتريق بالعكس لو كنتى كلفتى خاطرك و قريتى كلامه مكنتيش كتبتى ولا كلمه من كلامك ليا على كل حال ..اعتقد انها غلطتى اولا لكن حقيقى مكانش قصدى اقحمك فالكلام او الهزار او التريقه كما تتخيلنها ..لكن كان مجرد استشهاد بكلام اللى استخدموا العربيه بالفعل و هزار موجه بالاخص للاخ ابراهيم لان نقل عفش عليها و دا اللى كنت هعمله فعلا مش تريقه ياريت بس قبل التسرع مراجعه الكلام كويس ..و الخير و الشر دا على فكره عمليه نسبيه بتعتمد على نيه الطرف الاخر ....و على فكره بردوا لو بتهكم على العربيه او بتريق دى حاجه ترجعلى او من حقى متفتكريش انى لما بررت موقفى من كلامك معناه اانى مقدرش مثلا انى اتريق على العربيه او حجمها او اتهكم دا هيكون رأيى الشخصى سواء بتهكم او بتعقل او بسخريه يعنى حضرتك مش من حقك ابدا تمنعينى او توجهيلى كلامى لشخصى لكن تقدرى توجهى كلام بخصوص العربيه يعنى لو حضرتك مش عاجبك حاجه انا اقدر اقنعك بالشىء دا لكن مقدرش ابدا اقولك انتى مبتفهميش مثلا . او بتتهكمى عليه ليه دى حريه حضرتك

انا قريت رد استاذ ابراهيم قبل مرد ومع ذلك حسيت انك ببتريق
ورد استاذ ابراهيم على راسي لكن انا مش ملزمه اني امشي عليه
انا رديت على اللي وصلني من ردك عموما سواء كان نيتك زي محسيت او لا
بس الكتابة مش بتظهر النوايا او على الاقل انا ده اللي حسيته ووصلني في تعليقك
وفعلا مكنش لازم تذكرني معاكم في تعليقك لاني مش صاحبة الموضوع
انا متابعة للموضوع لانه عندي نفس الموديل وعاوزة استفيد من غيري وخبرته مش اكتر
ولو عندي رأي بقوله ومش بستخسره عشان الاقي اللي يساعدني مش اللي يتهكم ويتريق عليا
من حقك تقول رأيك في العربية براحتك لكن مش من حقك تتريق على غيرك انا قلت اللي بعمله بالعربية
مش همثل يعني انت شايف انه غير منطقي انت براحتك
لكن متتريقش وترجع تقولي حقك تتريق على العربية
لانه اللي وصلني انه ضحكك مكنش على العربية
كجحم او غيره لكن كان على اللي قلت اني عملته بيها وده موجه ليا
مش للعربية فطبيعي ارد عليك كده

عموما حصل خير اي كانت نيتك عادي مفيش مشكلة
انا اساسا لسة مخبوطة مع اني كنت عاطيه اشارة والله
بس طبعا محدش هيصدقني عشان انا بنت
وهيصدقوا الاستاذ اللي كان بيتكلم في الموبايل ومخدش باله طبعا من اشارتي ولا مني اساسا
سوري لو جت فيك

ياجماعة محدش رد علية فى موضوع الموتور هندى وله يابانى

المشاركة الأصلية كتبت بواسطة a_b77710

ياجماعة محدش رد علية فى موضوع الموتور هندى وله يابانى

انا اللى اعرفه ان العربية بالكامل بتتصنع ف مصنع سوزوكى اللى فى الهند .... انما الموتور تحديدا مش متاكد اذا كان من الهند ولا جايبينه من اليابان...

المشاركة الأصلية كتبت بواسطة مصطفى عمر

ولا تزعل نفسك خالص انت جايب العربيه لونها ايه ولو عاوز تبيع انا هشترى ها قولت ايه و ريح فقرات رقبتك تماما من الحوار دا

...
طبعا الواحد مشتري العربية لان ملهاش منافس في الفئة
والحل الاسهل تغيير الكرسي بكرسي من عربية محترمة قديمة
...
ممكن حد من الخبراء يقول كرسي النيسان او التويوتا او الهوندا - عربية من موديل التسعينات مثلا (كرسي السائق فقط) لو اشتريته من الوكالة مثلا يعمل كام في المتوسط

المشاركة الأصلية كتبت بواسطة a_b77710

السلام عليكم
انا محتار بين شراء الالتو والماروتى
انا عارف الفرق بينهم فى الشكل الداخلى والخارجى و التكيف و الانجكشن ومقاس الجنط والوسع بس عندى شوية اسالة ياريت حدى يفدنى علشان احسم الموقف
1- هى اوسع من الماروتى بكتير ولة لا
2- هى بتتحمل زى الماروتى لان سمعت كتير ان الماروتى حمالة اسية
3- قع غيارة اغلى من الماروتى بنسة كام % يعنى لوحاجة فى الماروتى مثلا ب 100 جنية تقبى فى الالتو بكام
4- هى بتغيب فى الدوارة ذى مسمعت فى الماروتى انها بتغيب فى الدوارة لو العربية سخنة
5-هل الانجكش احسن من الكربرتير ولة الكربرتير احسن
6- لو الالتو فيها مشكلة ممكن الواحد يصلحها بنفسة ولة لازم تروح التوكيل لان الماروتى سهلة فى صيانتها.
7- سعر الماروتى 46500 والتو 58000 فى التوكيل مودرن موتورز هل الفرق دة يستاهل على الفرق بينهم
8 انا لما اتصلت بالتوكيل مودرن بقول ثمنها 58000 تدفع مقدم حجز 5000 وصورة البطاقة ولاستلام فى خلال خمس شهور اية رايكم فى الكلام دة
انا اسف للاطالة لانى فى حيرة وعاوز احسم الوقف فارجو الرد سريعا علشان ان كنت اشترى الماروتى او احجز الالتو ولو فى معرض محترم عندة الالتو حد يقولى علية علشان انا قرات على المنتدى كتير من الناس بيشتكو من المعارض -

بخصوص مدة الحجز
زي ما الزملاء قالوا ان الموضوع بيكون مدة طويلة علشان يشغلوا الموزعين
بس عموما الموضوع مش هيزيد عن شهر - شهر ونص
انا كنت حاجز اول دفعه قالوا لي شهر ونص .... اتصلوا بي بعد 2 اسبوع
...
وممكن حد ياكد الكلام من اللي استلموا حديثا لانه يمكن الاجراءات الان طويلة او بيحجزوا لدفعه جديده
انا استلمت عربية لونها كحلي ..... كنت حاجز سماوي ولقيت اللون في الكارت غير اللون في الحقيقة ... ومعجبنيش .... وطلبت تغيير اللون الي كحلي بعد اسبوعين استلمتها
والحمد لله

المشاركة الأصلية كتبت بواسطة a_aseda

بخصوص مدة الحجز
زي ما الزملاء قالوا ان الموضوع بيكون مدة طويلة علشان يشغلوا الموزعين
بس عموما الموضوع مش هيزيد عن شهر - شهر ونص
انا كنت حاجز اول دفعه قالوا لي شهر ونص .... اتصلوا بي بعد 2 اسبوع
...
وممكن حد ياكد الكلام من اللي استلموا حديثا لانه يمكن الاجراءات الان طويلة او بيحجزوا لدفعه جديده
انا استلمت عربية لونها كحلي ..... كنت حاجز سماوي ولقيت اللون في الكارت غير اللون في الحقيقة ... ومعجبنيش .... وطلبت تغيير اللون الي كحلي بعد اسبوعين استلمتها
والحمد لله

على فكره انا حاجز فى التوكيل من شهرين وم ١٤-٩ ولحد دلوقتى لسه مستلمتش بس الحقييقه هم قالولى يوم مادفعت ان هاستلم بعد ٣شهوور

المشاركة الأصلية كتبت بواسطة a_aseda

فعلا هو ده اللي حصل لما قلت للمهندس في التوكيل ( دا حاجة عادي في الفتيس)
وفعلا لتقليل التاثير ... ارفع رجلك عن الدبرياج وحطها تاني

بالتوفيق