الموضوع: تعبت من كثره البحث

المشاركة الأصلية كتبت بواسطة engmody32

كل حاجه ليها ميزه و ليها عيب بس الواقع انك لو عازب و عندك اللي يشغلك يعني صحاب و كده و مقضيها فسح و خروجات هقولك هتكون مبسوط لكن للأٍسف انا صحابي اللي اتجوز و اللي سافر و مش لاقي حاجه اعملها لوحدي انزل يعني اقعد علي الكافيه لوحدي ولا ادخل السينما مع نفسي حياتي شغل و بيت و ده مش بايدي

نا ايام العزوبية احلا ايام وكنت لو حدي مليش اخوات وصحاب فين وفين علي منتقابل المهم
بص يومي: من البيت للشغل للبيت للجيم البيت باقي اليوم النت ويوم الاجازة اخرج اتمشي مع نفسي
كانت احلا عيشة التمرين واخد كان كل وقتي ومبسوط جدا

مش معنا كلامي ان متجوزش لا ده امر لابد منه متستعجلش ديه مش عربية هتجبها ويوم متزهق مش هتفرق هتخسر كام. والصراحه مفضلش جواز الصالونات مع اني مجوز كدة
دور كويس ومتستعجلش ديه هتكون شريكة حياتك وام اولادك

ما يا باشا القعده علي النت دي مش عيشه زي ما انت بتقول كده جدولك ده اللي كنت بتعمله قبل الجواز مش حاجه تفرح ما هو حبسه و ضياع وقت

المشاركة الأصلية كتبت بواسطة engmody32

ما يا باشا القعده علي النت دي مش عيشه زي ما انت بتقول كده جدولك ده اللي كنت بتعمله قبل الجواز مش حاجه تفرح ما هو حبسه و ضياع وقت

ضياع وقت ليه بستفاد معلومات تهمني لاني كنت مغرم بكمال الاجسام مش بشيت
اما الجيم ده الحمد لله عملت جسم كويس وكنت بحافظ علي صحتي فكنت مبحسش بضياع وقت

ضياع الوقت فسح عمال علي بطال كافيهات كده لكن رياضه وفسح ماشي

المشاركة الأصلية كتبت بواسطة الاسد المهاجر

ضياع وقت ليه بستفاد معلومات تهمني لاني كنت مغرم بكمال الاجسام مش بشيت
اما الجيم ده الحمد لله عملت جسم كويس وكنت بحافظ علي صحتي فكنت مبحسش بضياع وقت

ضياع الوقت فسح عمال علي بطال كافيهات كده لكن رياضه وفسح ماشي

ما كمال الاجسام ده ميجبش معايا سكه يا باشا الواحد بيرجه مهدود من الشغل و مش حمل شيل 20 كيلو و 30 كيلو ههههه كده بقي بدل ما افكر اخش دنيا هفكر اخرج منها

للاسف بالمبدأ ده الفقير او متوسط الحال او الى اهله ما جابلهوش شقة مش هيتجوز الا بنات فرز تانى و تالت مع انه هيتعب و يطلع عينه علشان يكون نفسه و يلاقى المتاح كله لا يصلح
عكس الى ابوه او اهله مساعينه بشقه هيتجوز بعد التخرج و ينقى براحته و مش هيتعب

لا اله الا الله يا باشا ده نصيب و مكتوب فوق مكتوب اسمها و شكلها من زمان لو مكتوبلك ملكه جمال قاعده و مستنيه و لو مكتوبلك اوحش واحده فى الدنيا هتلف تلف و تتجوزها

بص انا حاسس بيك عشان من سنه كده كنت عامل زيك بس انا اصغر منك شويه انا عندى 28 و خطبت و انا عندى 27 سنه و برضه كنت زهقت و دورت حواليا ملقتش غير 3 4 بنات بس الى ممكن حاولت مع قريبتى منفعش محسناش بعض خالص و بعدين قررت اخطب الى بتحبنى واحده من ايام الجامعه بتحبنى معرفش ليه :) المهم خطبتها متدينه و محترمه و بتحبنى بس شكلا مش الجمال الى بالك فيه و رغم كده انا مرتاح لانها بتحبى بجد

مشكلتك ان حضرتك طبعا مركز كويس و اكيد تعليم كويس و دلوقتى بتكمل بس المظهر الاجتماعى عايز حاجه كامله من وجهه نظرك انت كانك بتشترى موبيل جديد و الناس لا تشترى جواز الصالونات اخره يعرفك بواحده بس لكن انت لازم تحدد اوليات فى البنت و لما تلاقيها تتغاضى عن الباقى لان الكمال حتى من وجهه نظرك برضه لله واحده مين شايف مراته خطيبته حبيبه كامله ؟؟

الى بيقولو فرز اول و تالت اكتر البنات الى بيقعدو هما اجمل و اشيك البنات و بيتجوزو متاخر لانهم بيقعدو يفرزو فى العريس مدام مش عن حب و يقولو لا انا استاهل احسن و انا بشوف لحد 35 سنه و جمالهم جبار و ابيض مفيش اى ارتباط من اى نوع لنفس السبب over-thinking لحد ميضيع واحد واتنين وتلاته مناسبين

انا بس بلوم عليك فى حاجه واحده عشان انا برضه محدش ساعدنى نهائى من اهلى لان قدرتهم كانت يدوبك يربونا و يعلمونا كويس ليه مخطبتش من سنتين مثلا لو انت دلوقتى بقيت جاهز مكده كده فتره الخطوبه بتجهز نفسك ليه محاولتش من قبل كده ؟