الموضوع: حد عمل شهاده ((( قناة السويس ))) من البنك الاهلى المصرى

المشاركة الأصلية كتبت بواسطة imhotep

اهرى يا مهرى و انا مش على مهلى. . . ده شعار الناس تجاه الموضوع
يعنى ايه؟ يعنى فى وسط الحوارات البيزنطية اللى من نوعية الكلام اللى فى الموضوع ده. . . حصيلة انهاردة بس 8% من اجمالى المبلغ المطلوب يعنى اكتر من 5 مليار جنيه من اصل 60 مليار و بالمعدل ده الليلة كلها هتخلص فى اسبوعين. . . هذه واحدة

و خذوا ثانية. . . الشهادات دى بنسبة الفايدة دى مش اول مرة تنزل السوق بل من سنة بالظبط كانت شهادات ال 3 سنين ايا كان مسماها حسب البنك المصدر كانت فايدتها 12.5% يعنى اعلى كمان من شهادات القناة. . . يبقى التسارع المرة دى ايه سببه؟ وطنى ده و لا مش وطنى يا متعلمين يا بتوع المدارس :-)

خدوا بقى القاضية. . . انا كنت فى البنك النهاردة من 8.5 صباحا. . . لقيت واحد داخل عمال يتخانق. . . انا هنا من الفجر يا عالم. . . قعدوا يهدوا فيه و قعدوه عند موظفة هادية انا كمان بحب اتعامل معاها. . . شاورتلها قالتلى استنانى بعد الحاج. . . و لما قرب الحاج الغضبان يخلص قعدت امامه فى مكتب الموظفة اللى كانت بتخلص فى حاجته. . . اللى هى ايه. . . شهادتين فى القناة واحدة بألف و واحدة ب 100 جنيه. . . لفت نظرى مبلغ ال 100 جنيه و مقدرتش اسكت و قلتله. . . بس ال 100 جنيه دى يا حاج مش هتفيدك شهادتها حاجة. . . دى هتاخد فايدتها اللى هى كلها 60 جنيه فى اخر ال 5 سنين. . . قالى كلمة اذهلتنى و معرفتش بعدها انطق غير انى اقوله الله يبارك لك يا حاج. . . قالى يابنى بس انا عايز اشارك و هو ده اللى معايا. . . و انتهى الكلام. . . و انتهت رسالة واحد مصرى عادى غلبان لأى مشكك. . . و عشان خاطر الراجل ده بالذات و كل اللى زيه هتتعمل القناة. . . و لازم تتعمل. . . بالعند فى كل المشككين. . . و خلينا احنا لارج و مش هنقولهم موتوا بغيظكم زى ما هم كانوا بيعملوا لما كانوا فاكرينها دايمة لهم. . . سبحان من له الملك يعز من يشاء و يذل من يشاء

أهو الراجل البسيط صاحب شهادة مئة جنيه ، هو دا الحس الوطني وفي الاف زيه.
بس في ناس كل همها انهم بينوا الصورة على انها مسألة طمع شعبي في فائدة اكبر.
وهي 1.5 % اللي زيادة عن الشهادة البلاتينية العادية هو دا الطمع. للعلم عند فك شهادة سابقة لم تمضي مدتها تخسر بعض المال ما يوازي 1 % . هو ده الحسبة المالية الاقتصادية البحتة.
اذا كان في بعض ناس كاره الوطن واللي فيه . ومفكرين اني كل الناس زيهم.
لا ففي ملايين بل عشرات الملايين ممن يحبون هذا الوطن ويطمعوا انهم يساهموا في تنمية ولو بمئة جنيه يستردا بعد 5 سنوات 160 جنيه.

اليوم انا كنت في البنك وبالرغم من اننى مليت الاستمارات ووافقت على سحب قيمه الشهاده التي سوف اعملها يوم الاحد الماضى اتصل بى البنك صباح اليوم وطلب منى الحضور بسبب تغيير نموذج عمل الشهاده واستلام الشهاده.
ذهبت ووجدت زحمه فاخرجوا لى النموذج القديم وعملت الجديد ووقعت عليه وانتظرت بعض الوقت وجت انه مفيش اى تحرك بالنسبه للعملاء فاتفقت مع الموظفه ومدير البنك بالاحتفاظ بالشهاده بعد الانتهاء منها وسوف احضر لاستلامها في يوم اخر.
المهم اتصلوا بى بعد العصر واخبرونى اننى نسيت تحديد المبلغ بالضبط فقلت انه نفس الرقم بالنموذج القديم الذى وقعت عليه يوم الاحد الماضى المهم استغليت المكالمه لاحصل على بعض المعلومات المهمه.
بالنسبه لاى شخص يريد عمل الشهاده يفضل ان لايقوم باستردادها بل الانتظار انتهاء الخمس سنوات والا سوف يخسر لان نسبه الاسترجاع سوف تكون كالتالى.
1- طبعا السنه الأولى لايمكن الاسترداد
2- السنه الثانيه نسبه الخساره 5%
3-السنه الثالثه نسبه الخساره 4%
4-السنه الرابعه نسبه الخساره 3.5%
5-السنه الخامسه نسبه الخساره 3%

اود ان أوضح ان الخساره لن تكون من قيمه الشهاده لانك صرفت 12% في اول سنه واذا استرديت في الربع الأول من السنه الثانيه سوف تكون اخذت 3% فائده عن هذا الربع واذا تم الاسترداد في الربع الثانى تكون اخذت أيضا ال 3% وهكذا
احتمال وجود بعض الخبايا لن تتضح الا عند الاسترداد الفعلى ولذلك انصح بعدم وضع كل الغله في سله واحده

بقالنا كام سنه جمهوريه موز فى نظرك ؟؟ و برضه عمرها فى تااااريخ البنوك المصريه ابدا ما حد قال فلوسى قالوله اى شىء دخلنا حروب قامت ثورات و مشاكل و استلفنا من طوب الارض حصلت قبل كده ؟؟؟؟

لا محصلش يبقى حضرتك بتقول على شىء مجرب و عمره محصل رغم اننا اكيد جمهوريه موز فى نظرك بقالنا سنين كتير صح ؟؟ بس كده طالما بنك مركزى و اصدر الشهاده خلاص و عليه البنوك شغاله شهادات عاديه كل يوم و برضه الناس بتشترى مش ممكن برضه فجاءه يقولنا الاقتصاد عيان :))

يبقى هى هى انا لو رايح اعمل شهاده هعملها بفايده اكتر

و بعدين كده بقى متحطتش فلوس فى بنوك افرض قالولنا الاقتصاد عيان :) :) ولا تشتغل فى الحكومه و لا نبيع حاجه للحكومه لحسن يقولولنا الاقتصاد عاين

حضرتك بتقول من غير دراسه جدوى و برضه كلام حضرتك غير مدروس مبنى على يمكن و لو حصل و للمره العاشره ده مش سهم لو سهم هقولك انت بتتكلم صح لكن شهاده ولا تفرض شىء و الفلوس اصل و ارباح مضمونه طول مفيه جمهوريه مصر و بنك مركزى :)