الموضوع: حد عمل شهاده ((( قناة السويس ))) من البنك الاهلى المصرى

محدش يبعت لحد رسايل عالخاص يقولهم فامبير توجهه السياسي ايه هههههههههههههه

واخدني بالك يافريد :-)

المشاركة الأصلية كتبت بواسطة mr_vampire

فكرة الشهادات اساسها وطني من الاساس وليس للربح المادي يافندم. حتي السيسي كان هيعملها اسهم وبعدين محلب عملها شهادات بفوايد.

فليه مانحققش الغرض الاصلي للفكرة بعيدا عن اي طمع في ربح مادي ؟؟؟؟ مش المفروض ان مشاركة حضرتك لسبب وطني برده ولا شاركت لانها اكبر نسبة فوايد ؟؟؟؟؟

المشاركة الأصلية كتبت بواسطة mr_vampire

وايه هو السبب الواحد ؟؟؟؟

متهيالي منطقيا الغاء الفايده هيوفر قيمة الفايدة وبالتالي تضاف للميزانية وفي نفس الوقت اصول الاموال المتمثلة فالشهادات محتفظة بكااااامل قيمتها وتضمن للناس كامل اموالها ( اموالها فقط دون زيادة او نقصان ). وتكون الميزانية استفادت فالقيمة المضافة وتوجه بقي لمشاريع او تعليم او صحة يستفيد منها كل الشعب وعامة الناس اللي اشتري واللي مشتراش.

وفي نفس الوقت حصل تكافل اجتماعي علي مستوي شامل . شارك فيه الكل علي حسب مقدرته.

يبقي في مصلحة مصر وشعبها ولا لاء ؟؟؟؟

المشاركة الأصلية كتبت بواسطة mr_vampire

وليه افترضت انهم بدون اهداف. هل هياخدو شيء في جيوبهم من الفوايد اللي بيطالبو بالغاءها ؟؟؟؟؟. وليه افترضت ان اللي موافق عليها الغضب هو اللي عميهم . ليه ميبقوش اكثر وطنية ولا يريدون ربح فقط اصول اموالهم والفوايد يتبرعو بيها للميزانية.

هل لما بيتخصم من مرتبك وبموافقتك بيبقي الغضب مسيطر عليك ؟؟؟؟؟

المشاركة الأصلية كتبت بواسطة mr_vampire

اولا ده مش قرار عشان يبقي اشاعة. ده حملة قامو بتدشينها اشخاص لا يعلم توجهم ونياتهم الا الله. فبعيدا عن انها اشاعة او اي شيء. هل لو حضرتك طلب منك انك تشارك برايك فالحملة ده فهيكون ايه ؟؟؟؟ رفض ولا قبول ؟؟؟؟

فين الاجابات ياشباب ؟؟؟؟!!!!!!

ولا كله هيعمل مش من هنا

المشاركة الأصلية كتبت بواسطة أحمد كمال

معلش لو القناة الحالية (و سيبك من الجديدة) دخلها يعدي ميزانية دول باكملها زي ما حضرتك بتقول طب ازاي عندنا ديون و عجز في الموازنة و فقراء ؟؟؟؟؟؟

عشان اجمالى المصروفات فى مصر طبقا للموازنه يبقى اكثر من 800 مليار سنويا

تخيل بقا لو معنداش قناه السويس , معنداش سياحه , ومعدناش تصدير , و ووو,,,
يبقى حالك و حالنا ايه ؟؟؟؟؟

المشاركة الأصلية كتبت بواسطة mr_vampire

فكرة الشهادات اساسها وطني من الاساس وليس للربح المادي يافندم. حتي السيسي كان هيعملها اسهم وبعدين محلب عملها شهادات بفوايد.

فليه مانحققش الغرض الاصلي للفكرة بعيدا عن اي طمع في ربح مادي ؟؟؟؟ مش المفروض ان مشاركة حضرتك لسبب وطني برده ولا شاركت لانها اكبر نسبة فوايد ؟؟؟؟؟

فكره الشهادات بالنسبه للمواطن هي استثمار بدون مخاطر، وهي بعيده كل البعد عن الوطنيه :)

مكانش ينفع تتعمل أسهم لعدد أسباب .. لان شراء الاسهم يحتاج معرفه اداء الشركه وخدامتها وقوائمها الماليه .. الخ ، بالاضافه اللي أنه الهدف هو أستهداف الافراد فقط.

بالنسبه لسؤال حضرتك أنه هدف وطني وخلافه أنا بقولك أنه لو مكانتش الشهادات أعلي فائدة.. محدش هيشتري أطلاقا.. لان الموضوع أستثمار مش صندوق تبرعات.

وأخيرا لا يمكن الغاء الفائدة عن إي شهادة نظرا لانها تكون بعقد مكتوب ومضمون البنود ، ده غير ان الناس هتولع البلد ، ولو فرضا أتعملت شهادات بدون فائدة أتحداك محدش هيشتري

انا احب ارد على الناس اللى بتقول كام حاجة كده:
1- الناس اللى بتطالب بالغاء الفائدة على شهادات قناة السويس.
وبما انى اشتريت شهادات وبمبلغ كبير وطبعا ده بسبب الفائدة احب اقول انى موافق بس بقى بالشروط التالية ياحلوين - اولا يبقى من حق الناس تفك الشهادات فى اى وقت وتسحب فلوسها بدون خصم اى شىء من المبلغ وبكده تبقى الناس كانها حاطة فلوسها فى البنك بدون استثمار وفى الحالة دى مش هتفرق اوى فالحكومة تعلن ان الاموال كلها اللى فى البنوك هتسخر لخدمة مشروع قناة السويس او اى مشروع قومى سواء اموال شهادات قناة السويس او غيرها الحل التانى بما ان دى شهادات استثمار زى اى شهادات استثمار والفرق الوحيد فى الاسم يبقى كل شهادات الاستثمار تتلغى الفائدة من عليها لا ومش كده وبس حتى الناس اللى عندهم فلوس فى البنوك ومعندهمش شهادات ولا حاجة يدفعوا فائدة سنوية للحكومة عادى يعنى مفيهاش مشاكل وكله فى حب مصر وفى نفس الوقت الحكومة كمان تعمل حساب الناس اللى هتسحب فلوسها عشان تتهرب وتهريهم ضرايب بقى من اللى القلب يحبها وكله عشان خاطر مصر عادى يعنى
-
2- بالنسبة للناس اللى بتحذر من شراء الشهادات لان وضع البلد مش مستقر ومفيش ثقة فى الحكومة.
احب اقولكم مش لازم تعملوا فيها ناصحين وفاهمين كل حاجة الحكومة اللى يخليها تسرق 60 مليار او لو حصلت مصيبة فى البلد والحكومة استولت على فلوس الناس وعم الخراب الخراب هيعم على الكل واللى يخلى الحكومة تستولى على 60 مليار يخليها تستولى على اكتر من كده وبالقوة كمان فمفيش داعى كل واحد يعمل فيها الخبير اللى ملهوش زى
وعموما الخراب جى جى فمحدش يستعجل على رزقه وبكرة الناس اللى بتستعجل الخراب هى اول الناس اللى هتندم
-
3-الموضوع خلاص خلص فمفيش داعى بقى للجدال فى موضوع الشهادات ومحاولة خلق ازمة من ولا حاجة والحكومة مش غبية وواضح جدا الجهة السئوولة عن الحملة دى

لو في شهادات لردم قناه السويس الاصليه بفايده 12.5% بعض الناس هتروح تشتري و هتقول اردم عشان خاطر ماسر :d

لو الفوائد اتلغت مفيش حد هيتأثر الا اللي اشتري بمبلغ كبير :)))))))

استحاله تلغى الفائده على الشهاده قناه السويس و دا ببساطه اننا فى دوله يحترم فيها القانون و العقود
دا ممكن كان يحصل فى زمن نظام الحاشية و الجواسيس السابق اللى كان هيدخل داعش فى سينا
و كان ممكن ان يحصل ذلك لاجل الاستيلاء على اموال المصريين من اجل دعم الارهاب العالمى ,, ايوه دا كان ممكن يحصل و اكثر منه

اما الان احنا فى دوله تحترم فيها القانون , العقود المبرمة , و اللى عاوز يتبرع لصندوق تحيا مصر فله ذلك بكامل ارادته

حقا تحياااا مصر ,, تحياااا مصر

المشاركة الأصلية كتبت بواسطة tarek12

استحاله تلغى الفائده على الشهاده قناه السويس و دا ببساطه اننا فى دوله يحترم فيها القانون و العقود
دا ممكن كان يحصل فى زمن نظام الحاشية و الجواسيس السابق اللى كان هيدخل داعش فى سينا
و كان ممكن ان يحصل ذلك لاجل الاستيلاء على اموال المصريين من اجل دعم الارهاب العالمى ,, ايوه دا كان ممكن يحصل و اكثر منه

اما الان احنا فى دوله تحترم فيها القانون , العقود المبرمة , و اللى عاوز يتبرع لصندوق تحيا مصر فله ذلك بكامل ارادته

حقا تحياااا مصر ,, تحياااا مصر

دولة يحترم فيها القانون ؟؟؟!!!!!

حضرتك تقصد اي دولة ؟؟؟ مصر ؟؟؟؟

ولما النظام السابق جواسيس وبيدعمو ارهاب عالمي . رئيسك الحالي قبل انه يشتغل معاهم ليه ويبقي وزير تحت قيادته ويحلف ادامه يمين ؟؟؟

مش بحكم شغله فالمخابرات كان المفروض يبقي عارف انهم ارهابيين وجواسيس ولا عرف من الاعلام زي محضرتك عرفت كدة ؟؟؟

قليل من العقل والمنطق يرحمكم الله.