اقتباس المشاركة الأصلية كتبت بواسطة wesam elmansy مشاهدة المشاركة
انا قيست مستوى الزيت فى العربيه وهى مركونه فى الجراش و ما كانتش لسه دارت سحبت مؤشرالزيت و مسحته بقماشه و رجعته مكانه تانى ثانيتين و سحبته تانى لقيته اعلى شويه من النقطه التانيه
مش المفروض انه يكون بين النقطتين و العربيه مشيت 270 كيلوا بس هل كده فى زياده فى مستوى الزيت و انا جايب العربيه من التوكيل كده على حد علمى ان الزيت ما ينفعش يكون زايد او ناقص وهل الزيت بيتعبا هنا فى مصر اول ما تكون العربيه نازله و لا بتيجى من بلادها فيها كل الزيت و سائل التبريد بتاع بلادها و استفسار العربيه دى ايه نوع الزيت المناسب ليها و كام ليتر و عذرا يا جماعه على اسئلتى الكتير

المفروض فعلا يبقى بين العلامتين ... بس أنا مش متأكد اللى في السويفت نقطتين ولا علامتين محفورين في الحرف ... إتأكد من الكتالوج وقارن على العربية وأنت فاتحها ... وأنا الصبح أبقى أحاول أبص عليها وأصورهالك

العربية بتيجي بالزيت والسوائل بتاعتها كلها ... لو الزيت عندك أزيد من العلامة العليا اللى على العصايا بتاعة المقاس بكثير يبقى لازم تسحب منه شوية بالشفاط من أي محطة بنزين ... وخلي بالك العلامتين عندنا قريبين جدا من بعض بعكس عربيات تانية كتير

لو مش زيادة قوي خلاص خليه للصيانة ... كلها ألف كيلو وهاتغيره .. بس تنبه عليهم في الصيانة إن العربية بتاخد 3 لتر فقط بالفلتر مش أربعة ... وتاخد لتر الزيت الزيادة معاك في الجركن بتاعه عشان تزود منه لو الزيت نقص في المستقبل ولا حاجة