حكايتي مع الاتراج من حيرة قبل الشراء لحد اول 600 كيلو

**mestca** · 08-09-2014 10:28 AM

المشاركة الأصلية كتبت بواسطة ahmedxy

ماشاء الله بصراحة بتفتحوا نفس الواحد للعربية

جربها و انت هتعشقها اكتر و خلى بالك الناس اللى مش فهماها بينقضوا فيها حاجتين بس 1200 و 3 سلندر و هو دة اصلا ما يميزها عزم 1600 مع توفير رهيب فى البنزين

**crazy car** · 08-09-2014 11:18 AM

اعتقد بعد هيونداى xcent اللى هتنزل قريب ان شاء الله هيكون فيه منافسة شديدة جدا للاتراج خصوصا انها هتكون 1200 واربعه سلندر و تقريبا 98 حصان

**crazy car** · 08-09-2014 11:20 AM

والف مبروك وربنا يديك خيرها ويكفيك شرها

**ro6mio** · 08-09-2014 02:29 PM

كلام 100 100
مشيت بيها حوالي 350 ومش بحب انزل منها
فعلا صفقه رابحه

**مؤمن حمزه** · 08-09-2014 05:05 PM

العربيه شفتها تاكسى النهارده جالى صدمه لان سعرها عالى قوى..لكن اللى عملها تاكسى ده دماغه عاليه...توفير بنزين رهيب و عربيه سريعه و سحبها ممتاز و شنطه كبيره و يابانى....معلم بصراحه...

**mestca** · 08-09-2014 06:31 PM

متوقع انها تبقى تاكسى

**gozo** · 09-09-2014 02:25 AM

فعلا متوقع جدا و خصوصا متعتبرش غالية زي ما انت متخيل
الفيرنا الاوتو ب 95000 يعني الفرق ميكملش 10000 او كمان ممكن يكون الفرق 3000 بس و يجيبها مانيوال

**sameh1982elola** · 09-09-2014 01:00 PM

مش عارف ليه حاسس انكم بتتكلموا وتردوا على بعضكم ...حتى الاعضاء اللى بيتكلموا على العربية انهم جابوها عدد مشاركتهم فى المنتدى قليلة جدا....ما علينا بيع العربية فى الارض وسوقها نايم جدا والدليل انهم حاطين عربية تيست درايف كتيير وتانى حاجة ان عيوب العربية 3 سلندر 1300 سى سى مش هتبان دلوأتى هتبان على المدى البعيد....ده غير انها تقريبا شبه معدومة فى الشارع من شهرين مشفتش منها الا عربية واحدة على الطريق....وانا بتكلم عن وجهة نظرى الشخصية والراى الشخصى...ولكل واحد عايز يشترى العربية متتخدعش بالتيست درايف بتاعها اسأل كتير وقارن بين الاسعار ومش هنصحك بعربية معينة لكن هنصحك صلى استخارة وتريث فى الشراء

**مؤمن حمزه** · 09-09-2014 01:24 PM

sameh1982elola

يا استاذنا مع احترامى لرايك المنتدى لوحده فى ناس كتير جدا جايبه العربيه و فى ناس انا اعرفها من على النت معاها العربيه ..العربيه مبيعاتها كويسه جدا..و موضوع ان الشركه عامله تيست درايف ده شيء بيوحى بالثقه من الشركه فى العربيه و فى نفس الوقت علشان اللى مايعرفش العربيه يشوفها لانها عربيه جديده...
ثم حضرتك بتقول ان موتور العربيه هيبان على المدى البعيد...اللى حضرتك ماتعرفوش ان العربيه اصلا بره مصر بقالها فتره و ماسجلتش اى مشكله لا موتور و لا غيره..و ممكن حضرتك تشوف بنفسك اراء مالكيها خارج مصر ...ثم هيبقى فى مشكله ليه اصلا..العربيه موتورها و وزنها متناسقين جدا ..العربيه حجمها كبير وزنها خفيف .....مع احترامى ليك يعنى ايه اعضاء مشاركتهم قليله و لا كتيره..ايه معناها ياريت توضح لى بعد اذنك؟
انا قعدت متابع للمنتدى ده كتير جدا ماشاركتش و لا مره و ماعملتش عضويه الا لما لقيت الناس بتسال على العربيه علشان اقدر افيد الناس زى ماهما فادونى قبل ما اجيب....
العربيه ممتازه جدا ماشاء الله و ادائها لا يختلف عن ال1600 نهائيا و انا معايا شارك 1600 ...و العربيه بدأت تبيع بشكل ملفت انا بقيت اشوفها كل يوم دلوقتى سواء فى الهرم او على الدائرى او على التجمع.و لسه هتبيع اكتر لما الناس تجربها و تشوفها خصوصا ان سعر البنزين هيزيد تانى

**abo mohand** · 09-09-2014 05:06 PM

صراحه والله يا جماعه انا كنت محتار جداا بقالى شهور عايز اجمع معلومات عن العربيه دى ومش عارف واقسم بالله بقالى اقل من شهر على المنتدى كل يوم اتصفحه عشان اشوف اخبار العربيه ايه فعلا والله لقيت كل المعلومات الى انا عايزها عن العربيه لدرجه ان فى معلومات جديده مكنتش واخد بالى منها فشكر منى وتقدير لكل الى شاركو فى الاراء والمعلومات والنصائح القيمه المفيده الى الواحد مكنش يعرفها
انا كدا ان شاء الله خلاص نويت والنيه لله انى اشترى اتراااااج عن اقتناع تام الفئه الاولى اتوماتك 105
اشتريها من الرواس ولا اتو سمير ريان مع العلم انا عايزها خليجى زى مبتنصحوا
وشكرا مرة اخرى لكل الاعضاء وادارة المنتدى
وبالتوفيق ان شاء الله