الموضوع: حكايتي مع الاتراج من حيرة قبل الشراء لحد اول 600 كيلو

المشاركة الأصلية كتبت بواسطة abo mohand

صراحه والله يا جماعه انا كنت محتار جداا بقالى شهور عايز اجمع معلومات عن العربيه دى ومش عارف واقسم بالله بقالى اقل من شهر على المنتدى كل يوم اتصفحه عشان اشوف اخبار العربيه ايه فعلا والله لقيت كل المعلومات الى انا عايزها عن العربيه لدرجه ان فى معلومات جديده مكنتش واخد بالى منها فشكر منى وتقدير لكل الى شاركو فى الاراء والمعلومات والنصائح القيمه المفيده الى الواحد مكنش يعرفها
انا كدا ان شاء الله خلاص نويت والنيه لله انى اشترى اتراااااج عن اقتناع تام الفئه الاولى اتوماتك 105
اشتريها من الرواس ولا اتو سمير ريان مع العلم انا عايزها خليجى زى مبتنصحوا
وشكرا مرة اخرى لكل الاعضاء وادارة المنتدى
وبالتوفيق ان شاء الله

بص يا استاذ ابو مهند ان شاء الله ربنا يكرمك بيها بس برده قبل ما تشتري جرب العربية الاول لان ممكن اللي احنا شايفينه كويس و حلو ميعجبكش عشان تشتري عن اقتناع ان شاء الله
بالنسبة لموضوع المصري و الخليجي محدش بينصح بحاجة معينة كل واحد ليه وجهة نظر ..
انا جبت خليكي و ابو حمزة جاب وكيل ...
بس لو ناوي على الخليجي انصحك روح للرواس وممكن ينزلك عن 105 الف كمان لان انا مكلمتهمش غير بعد ما حجزت من معرض و قالي انه ممكن ينزلي اكتر بس انا كنت اتفقت خلاص فمرحتش ..
على ما اعرف عندهم صالة عرض و مركز صيانة كبير في العبور قدام كارفور تقريبا وفي في وسط البلد كمان تقريبا

لسة كاتب الكلمتين دول في موضوع تاني و هحطهم هنا عشان احاول اجمع كل حاجة في نفس الموضوع بالنسبة لمواصفات العربية

بالنسبة عن امكانيات العربية هحاول اجمعها على قد ما افتكر من استخدامي ليها (هاي لاين خليجي):
- الماتور 1200 سي سي 3 سلندر 12 صباب تكنولوجيا متسوبيشي المميزة MIVEC

- فتيس INVECS-lll CVT

- ABS -EBD

- 1 اير باج للسائق فقط

- عجلة قيادة متعددة الاستخدام للتحكم في النظام الصوتي للسيارة

- جنوط 15 185/55R15 للهاي لاين و كيل و طاسات 175/65R14 في الخليجي

-ENGINE IMMOBILIZER

- سنتر لوك

- باور كهرباء ELECTRIC POWER STEERING

- زجاج كهربائي أمامي وخلفي بلمسة واحدة للسائق فقط

- مرايات كهربائية

- فتح تانك الوقود من الداخل

- فتح شنطة العربية من الداخل

- قفل في الابواب الخلفية للاطفال

- مسند يد مع حامل اكواب في الكنبة الخلفية

- Rear Brake stop Light (مش عارف اسمها بالعربي للاسف بس اللي هي اشارة التوقف اللي على الزجاج الخلفي )

- ضبط ارتفاع كرسي السائق مانوال

- ظبط ارتفاع عجلة القيادة

- أماكن لحمل الأكواب والزجاجات في الأبواب

- حامل اكواب في الكونسول للسائق و الراكب الامامي

- مخرج 12 فولت

- نقط تثبيت لكرسي الاطفال في الكنبة الخلفية

- فوج لايت في الهاي لاين الوكيل و مش موجود في الخليجي

- 3 مساند راس في الكنبة الخلفية

- الارتفاع عن الارض 17 سم

- سعة التانك 42 لتر

- راديو سي دي مع خاصية قراءة ملفات الـ MP3 مع مدخل AUX و مع مدخل يو إس بي في درج التابلو

-4 سماعات

- اريال خارجي في السقف بيركب و يتفك

ده اللي فاكره حاليا و لو افتكرت اي حاجة تانية هزودها ان شاء الله
بالنسبة لسعر الوكيل هايلاين 12900 و الخليجي 105000
والفرق بينهم ان الخليجي من غير جنوط و فوجات يعني جنوط و فوج ب 8000 جنيه و ممكن كمان تجيبها ب 104000
ضمان الوكيل من دايموند 3 سنين او 100 الف كيلو
ضمان الخليجي من الرواس 3 سنين او 60 الف كيلو

في صيانة الألف بصيت عالعربية من تحت لقيت تنك بنزين الأتراج تحت جنب الشكمان هل دا خطر ؟

وازاي احميه هل بتصفيحها مثلا وللا عادي كدا ؟

بس هوا أعلى من القنطرة الصراحة لكن خفت لما شفته في المكان دا لاني اعرف انه دايما بيبقى في شنطة العربية لكن وسع الشنطة طلع على حساب التنك

لكن العربية ممتازة في كل حاجه بس حابب حد يطمني في النقطة دي

مشكرين حضرتك على المعلومات و انا بفكر فى العربية بس انا خايف من حاجة واحدة أسعار قطع الغيار و الصيانة الدورية أكيد تكون غالية بسبب انها ميتسوبيشى...لو حضرتك عندك فكرة عن أسعار قطع الغيار او الصيانة ياريت تفيدنا و لو رحت التوكيل قريب ياريت تطلب منهم جدول الصيانات و قائمة بأسعر قطع الغيار ..انا كنت بفكر اجيب لوجان الشكل القديم مستعملة عشان اوتوماتيك و لسه محتار و متردد فى موضوع الاتراج بسبب موضوع قطع الغيار و الصيانة

...و جزاك الله خيرا و ربنا يباركلك فيها

اول صيانة 400 ج

وبعد كدا كل 10000 او 6 شهور الصيانة ب 550ج

قطع الغيار لسا مش دلوقتي عشان العربية لسا جديدة .. لما تنتشر هيقل ان شاء الله

المشاركة الأصلية كتبت بواسطة dr_a7mad

اول صيانة 400 ج

وبعد كدا كل 10000 او 6 شهور الصيانة ب 550ج

قطع الغيار لسا مش دلوقتي عشان العربية لسا جديدة .. لما تنتشر هيقل ان شاء الله

دكتور احمد هما حطولك زيت نوعه ايه و رقمه كان كام؟
5w30
ولا 5ً40

المشاركة الأصلية كتبت بواسطة gozo

بص يا استاذ ابو مهند ان شاء الله ربنا يكرمك بيها بس برده قبل ما تشتري جرب العربية الاول لان ممكن اللي احنا شايفينه كويس و حلو ميعجبكش عشان تشتري عن اقتناع ان شاء الله
بالنسبة لموضوع المصري و الخليجي محدش بينصح بحاجة معينة كل واحد ليه وجهة نظر ..
انا جبت خليكي و ابو حمزة جاب وكيل ...
بس لو ناوي على الخليجي انصحك روح للرواس وممكن ينزلك عن 105 الف كمان لان انا مكلمتهمش غير بعد ما حجزت من معرض و قالي انه ممكن ينزلي اكتر بس انا كنت اتفقت خلاص فمرحتش ..
على ما اعرف عندهم صالة عرض و مركز صيانة كبير في العبور قدام كارفور تقريبا وفي في وسط البلد كمان تقريبا

الف شكر على المعلومات الجميله و القيمه و سيادتك وفرت علينا شهور من البحث والتدقيق في اسطر جمعت كل ما يمكن ان يقال عن هذه السياره .
بالنسبه لسؤالى انا مهتم بالخليجي زي اللي سيادتك جبتها . هل تعتقد الرواس ممكن ينزل فيها لحد كام .
و كمان لما إن شاء الله توصل لصيانة الاف يريت تعملنا تقرير عن الصيانه الدوريه مع الرواس (تكلفتها , تعامل الفنيين مع العميل , مدة النتظار حتى اتمام عملية الصيانة, تقييم عام للخدمه في الرواس)و ذلك لنشر الاستفاده العامة. و اكرر عظيم شكري وامتتناني لسيادتك على هذا الموضوع المفيد والهام و ارجوا ان يكون في ميزان حسناتك (خير الناس انفعهم للناس).