الموضوع: ان شاء الله راجع لمساعدة كل رجالة البيجو

نور باشا حمدا لله على السلامة
كنت عايز اسالك بما انك رجل 205 قديم ايه افضل مقاس كاوتش على جنط 15 هل هو 195 / 45 او 195 / 50
ياترى 195 / 50 هايبقى عادي مش هياثر ولا 195 / 45 افضل
وكمان بالنسبة ان العربية موديل 84 موتور متعدل 1400 بس اعتقد العفشة مش متغيرة هل المقاس ال 15 كتير عليها ولا عادي

المشاركة الأصلية كتبت بواسطة lord of the flies

بصراحه مقتنع بالعربيه جدا جدا و سعر الديزل مناسب لعمرها لانى مش هدفع 100 الف للبنزين فى عربيه موديل قديم اكتر من خمس سنوات مع انى عارف انها تساوى... بس على ما اعرف ان مشكله الديزل بتكون ان سواقين الملاكى مش بيعرفوا يعملوا السرفيس بتاعه صح عندك التيوتا الميكروباص و الكوستر و كل العربيات الجيب الديزل ما شاء الله خدمه شاقه و مواتير مبتشتكيش فعشمان ان موتور البيجو الديزل يكون على قد اسمها العالمى كشركه رائده

القصه مش قصه صيانه خالص القصه ان السولار عندنا ارداء انواع السولار في العالم السولار لونه بني و في اوربا شفاف

اسمع معني متسواش فلوس

المشاركة الأصلية كتبت بواسطة mega911

مساء الخير

محتاج رأيك في البيجو 301 بما انك خبير في البيجو

ياريت رأيك بالتفصيل في موضوع الفيتيس الاوتوماتيك لل 301

وشكرا

موضوع الفتيس ال 301 الاوتو الدبه بين الاول و الثاني طبيعيه و متسببش مشاكل و طول ما الصيانه في وقتها و الزيت الاصلي الموضوع منتهي متقلقش

المشاركة الأصلية كتبت بواسطة eslam.maghawry

معايا بيجو 307 في الطلعة الاولانية وفي الزحمة بسمع صوت كركرة بتخلي قلبي يتخلع وأنا بدوس بنزين من خوفي عليها ده سببه ايه؟

العربيه ال 307 المفروض تمشي بنزين 95 المهم لما بتمشي 92 فتره طويلة بتستهلك بنزين اكتر و بوجيهات اكتر فا حضرتك هتغير بوجيهات و فلتر بنزين و تجرب العربيه ان شاء الله هتختفي لان كده غلط علي الموتور

و لو استمرت المشكله هنطر نحت octin booster في التنك معا البنزين و ده بتشتريه من اي بنزينه و يتحط معا التفيلو هيفرق كتير معاك و بيعلي كفائه البنزين

المشاركة الأصلية كتبت بواسطة waleedabbas

نور باشا حمدا لله على السلامة
كنت عايز اسالك بما انك رجل 205 قديم ايه افضل مقاس كاوتش على جنط 15 هل هو 195 / 45 او 195 / 50
ياترى 195 / 50 هايبقى عادي مش هياثر ولا 195 / 45 افضل
وكمان بالنسبة ان العربية موديل 84 موتور متعدل 1400 بس اعتقد العفشة مش متغيرة هل المقاس ال 15 كتير عليها ولا عادي

هو 15 ده كده اخرها علي العفشه دي هتبقي نشفه شوية و المقاس 195/45 افضل بس 195/50 يشتغل عادي و مدام ركبت موتور 1400 معدل يبقي العفشه الركبه 90 غصب عنينا

المشاركة الأصلية كتبت بواسطة nour_peugeot

هو 15 ده كده اخرها علي العفشه دي هتبقي نشفه شوية و المقاس 195/45 افضل بس 195/50 يشتغل عادي و مدام ركبت موتور 1400 معدل يبقي العفشه الركبه 90 غصب عنينا

الف شكر يا باشا وحلوة المعلومة بتاعة ان العفشة اكيد 90 دي لاني مكنتش متاكد