الموضوع: ان شاء الله راجع لمساعدة كل رجالة البيجو

يا ملك البيجو اخوك دكتور اشعة ومعايا بيجو 3008 اكتيف بس مفيهاش خاصية distant alert
فهل يمكن اضافتها فى التوكيل[/QUOTE]

بيجو 405 جي ال 1997 وجيه اباظة عاملة 80 الف كم فابريقة بره و جوه ما شاء الله
تنصحني بإيه يا دكتور نور ؟؟ ابتدي صيانتها ازاي؟ و فين ؟
و هل فعلا لازم أغير كل الزيوت بما فيها زيت الفرامل و الفتيس(العربية مانيوال)
و ما هي حرارة التشغيل المثلى لأن الحرارة دائما 90 مابتتحركش
آسف على كتر الأسلة لأني لم يسبق لي التعامل مع توكيل أو مراكز خدمة بيجو من قبل
و شكرا جزيلا لك

السلام عليكم نرجو من د/نور في رفع دليل الاستعمال العربي 405 ولكم جزيل الشكر

امال فين ممكن اضيف هذة الخاصية
انت بتقول التوكيل معندوش امال مين اللى عندة

سلام د. نور
شكرا على شعورك بالمسئولية و عودتك تانى علشان كل محبى البيجو يلاقوا المساعدة اللى يحتاجوها لعربياتهم.
ممكن ناس كتير تفتكر ان المنتديات دى تضييع للوقت و مافيش فايدة منها, بس العكس صحيح.
انا معايا بيجو 405 2002 وجية اباظة و بصراحة لاقيت معلومات مهمة جدا و قيمة للعربية دى و فين قطع غيارها و الصنايعية بتوعها... فياريت تكمل المشوار و تنور يا نور الطريق قدام ناس كتير ممكن انت موش هاتقدر اللى انت بتعملة دة, بس اللى بيحتاج معلومة و يلاقيها فى صفحتك هايقدر.

على كل حال....
انا زى ماقلت عندى بيجو 405 موديل 2002 وجية اباظة.
سمعت كلام كتير عن العربية 405 انها سفاحة بنزين و قطع غيارها نار و موش هاتلاقيها بس الكلام دة موش مضبوط..... انا لاقيت كل قطع غيارها تقريبا و بكميات فى شون ببلبيس و فى مدينة السلام....و لاقيت صنايعية فى بنها و السلام بيشتغلوا فيها....
من الاخر العربية لو نضيفة موش هاتحتاج تعمل فيها حاجة الا كل فين و فين فاموش مشكلة لو هاتدب مشوار علشان تروح لصنايعى كويس او علشان تجيب قطع غيار ليها.

العربية دى بتعمل معايا حوالى 170-180 ك فى الصفيحة على الطرق(اللى فيها مطبات كتير) لكن على الطرق المفتوحة الدنيا مختلفة خالص, كنت فى الغردقة الصيف دة بيها و العربية محملة 5 افراد + الشنط و العربية ماشية 120--160 طول الوقت و عملت 220ك فى الصفيحة..... برغم ان العربية بتهبب لما اضغط عليها.

فرقم 1 انا عاوز اعمل تشيك على الكربراتير و الموتور... تنصحنى بمين؟ التوكيل ولا مركز خدمة خارجى؟
اكلربراتير بتاعها الميكانيكى بيخاف منة و بيقولى مافيش حد بيعرف يظبطة غيرهم(بتوع التوكيل) ..... الكلام دة صحيح؟

2 كنت عاوز اجيب قطع غيار اصلى ليها... بس موش لاقى غير التايوانى و الصينى.... و فى توكيل عندى ساعات بلاقى عندة حاجات اصلى لقطة و ساعات بيدينى حاجات مكتوب عليها صنع فى اسبانيا و الاقيها تعبانة جدا.
يعنى انا عاوز مساعد امامى بيجو اصلى (بيجو موش اى صناعة تانيه) الاقية فين؟ التوكيل بيقول ب 800ج الفردة الواحدة.

انا لاقيت طقم جلب uf اتحاد اوروبى اية رايك فيهم؟

3 طبعا طقم الفوانيس الفاليو اللى ورا موش لاقى زيهم غير استيراد بس هل تعرف حد بيبيع الفاليو الجديد و لا خلاص ماعدش بينزل منها جديد.

4 فى قطع غيار فاليو فى السوق.... هل دى اصلى و لا كمان ماعدش بينزل فاليو اصلى لمصر.

5 عارف العلامات اللى العربيات النقل بتسيبها على الطريق.... العربية معايا ساعات لما اكون ماشى فاضى و على سرعة اعلى من 70 بتروح يمين و شمال.... هل دة طبيعى علشان هى عالية عن الارض(انا عندى العربية عالية من ورا عن قدام).

6 العربية كنت باحط فيها بنزين 80 على 92 (باخلطهم) و بعدين حطيت بنزين 92 على طول. طبعا فى فرق بس موش الكبير اللى تحس بية.
80 ولا 92 اية رايك؟

7 اخيرا
انا يوميا باقطع بالعربية 100ك او اكتر حسب ظروف شغلى بس استهلاك البنزين موش اقتصادى معايا.
عندك حل؟
احولها injiction?
اغير الموتور؟و اى موديل ؟ 307 مثلا؟
هل ضبط الكربراتير كفاية؟

معلش صدعتك...