اخيرااا فلوانس 2015 + توضيح لكل محتار

**adel1212** · 16-09-2014 10:52 AM

المشاركة الأصلية كتبت بواسطة ayman_amer23

فعلااا مش خساره فيها اى جنيه اندفع فيها بس سؤال بقه
هل فعلا في حاجه اسمها تليين يعنى مينفعش اجرى بيها ولا عادى لان اصحابى في منهم الى بيقولى ياعم اجرى عادى وناس تقولى متعديش 100

اعمل ايه انا بقه ؟؟؟؟

1000 مبروك و ربنا يديك خيرها
بدون دخول في تفاصيل كتير
اتفرج
‫افضل طريقة لتمرين محرك السيارة لاول 1600 كم حسن كتبي‬&lrm; - YouTube
تحياتي

**ayman_amer23** · 16-09-2014 06:49 PM

المشاركة الأصلية كتبت بواسطة dr.mostafaa

والله عربية تحفة، ربنا يباركلك يا أيمن باشا

تسلم يا دكتور مصطفى الف شكر ليك

**ayman_amer23** · 16-09-2014 06:58 PM

المشاركة الأصلية كتبت بواسطة adel1212

1000 مبروك و ربنا يديك خيرها
بدون دخول في تفاصيل كتير
اتفرج
‫افضل طريقة لتمرين محرك السيارة لاول 1600 كم حسن كتبي‬&lrm; - youtube
تحياتي

تسلم يا باشا و الف شكر على الفديو دا بصراحه كلامه مفيد
وربنا يستر طريقنا يارب ويحفظنا و يباركلنا فيها

**Dr.mostafaa** · 17-09-2014 10:10 AM

المشاركة الأصلية كتبت بواسطة ayman_amer23

والله يا باشا انا استلمت العربيه يوم الجمعه ومستنى لسه الورق هيجيى على يوم التلات
اول اما ارخص هعرفكم كل الخطوات

أيوه يا أيمن باشا فى انتظارك عشان نعرف عملت أيه بالظبط، وكمان حكاية إثبات الستاير على الرخصة دى عملت فيها أيه

وربنا ييسرلك الحال ويباركلك

**Ahmed Hemaid** · 17-09-2014 11:07 AM

دكتور مصطفى ... انا اثبت الستاير على الرخصة بكل سهوله كانت مكتوبة فى الافراج الجمركى بتاع العربيه فبالتالى متكلمتش كتير مع المرور

استاذ ايمن مبروك .. ربنا يعطيك خيرها ويكفيك شرها

**ayman_amer23** · 17-09-2014 11:51 AM

المشاركة الأصلية كتبت بواسطة dr.mostafaa

أيوه يا أيمن باشا فى انتظارك عشان نعرف عملت أيه بالظبط، وكمان حكاية إثبات الستاير على الرخصة دى عملت فيها أيه

وربنا ييسرلك الحال ويباركلك

انا الحمد لله يا دكتور استلمت الورق ومكتوب فعلا في شهاده البياانات بتاعت العربيه
ستائر جانبيه وخلفيه
ان شاء الله هروح ارخص بكره وهكتبلكم التفاصيل

**Dr.mostafaa** · 17-09-2014 11:57 AM

المشاركة الأصلية كتبت بواسطة ahmed hemaid

دكتور مصطفى ... انا اثبت الستاير على الرخصة بكل سهوله كانت مكتوبة فى الافراج الجمركى بتاع العربيه فبالتالى متكلمتش كتير مع المرور

استاذ ايمن مبروك .. ربنا يعطيك خيرها ويكفيك شرها

تمام يا أستاذ أحمد، حضرتك عارف بتوع المرور ، وأنا بصراحة مش بحب أطلب من حد يعمل حاجة إلا إذا كانت سليمة وغير مخالفة، وإلا بناقص الحاجة دى خالص

تحياتى لحضرتك أحمد بيه

**Dr.mostafaa** · 17-09-2014 12:01 PM

المشاركة الأصلية كتبت بواسطة ayman_amer23

انا الحمد لله يا دكتور استلمت الورق ومكتوب فعلا في شهاده البياانات بتاعت العربيه
ستائر جانبيه وخلفيه
ان شاء الله هروح ارخص بكره وهكتبلكم التفاصيل

بالتوفيق بإذن الله يا أستاذ أيمن، وربنا ييسرلك الحال، ويملهالك كل خير

وفى إنتظارك يا باشا بعد العودة من مشوار المرور

تحياتى لحضرتك أيمن بيه

**ayman_amer23** · 18-09-2014 06:20 PM

الحمد لله استلمت من يومين ورق العربيه و رحت انهاردا سحبت ورقه فحص وورقه طفايه من المرور و طلعت على مكان الفحص ..

رحت للمهندس بعت معايا واحد اخد البصمه بتاعت المتور الشاسيه

الصراحه انا كنت مصدوم من التعامل المحترم لأول مره في حياتى و السهوله مع العلم انى نازل رايح الفحص الساعه 11 ظهرا يمكن العربيه ليها تأثير برضو :)

المهم اخد البصمه و واخد المهندس الورق وكتب فيه كل البيانات وانا وضحتله موضوع الستاير بص في شهاده البيانات بتاعت العربيه الى جت مع الورق من المعرض
قالى هي مش واضحه بس انا هكتبهالك مفيش مشكله :)

المهم رحت بالطفايه القديمه في مكان الفحص علشان اختم الورقه و امضيها خلصتها تمام بالرغم ان الطفايه محتاجه تجديد بس محدش علق خالص وختم وتمام

رحت للمرور عملت تأمين على العربيه الى هو الاجبارى لمده 3 سنين دفعت مبلغ 360 جنيه

المفروض انى بعد كده اقدم الورق على الشباك بقه بس الوقت طبعا كان 12.15 كده فكانت الخزنه قفلت و ربنا يسهل اصحى بدرى يوم السبت واروح و اكملكم رحلتى الذيذه :)

**Dr.mostafaa** · 18-09-2014 06:44 PM

المشاركة الأصلية كتبت بواسطة ayman_amer23

الحمد لله استلمت من يومين ورق العربيه و رحت انهاردا سحبت ورقه فحص وورقه طفايه من المرور و طلعت على مكان الفحص ..

رحت للمهندس بعت معايا واحد اخد البصمه بتاعت المتور الشاسيه

الصراحه انا كنت مصدوم من التعامل المحترم لأول مره في حياتى و السهوله مع العلم انى نازل رايح الفحص الساعه 11 ظهرا يمكن العربيه ليها تأثير برضو :)

المهم اخد البصمه و واخد المهندس الورق وكتب فيه كل البيانات وانا وضحتله موضوع الستاير بص في شهاده البيانات بتاعت العربيه الى جت مع الورق من المعرض
قالى هي مش واضحه بس انا هكتبهالك مفيش مشكله :)

المهم رحت بالطفايه القديمه في مكان الفحص علشان اختم الورقه و امضيها خلصتها تمام بالرغم ان الطفايه محتاجه تجديد بس محدش علق خالص وختم وتمام

رحت للمرور عملت تأمين على العربيه الى هو الاجبارى لمده 3 سنين دفعت مبلغ 360 جنيه

المفروض انى بعد كده اقدم الورق على الشباك بقه بس الوقت طبعا كان 12.15 كده فكانت الخزنه قفلت و ربنا يسهل اصحى بدرى يوم السبت واروح و اكملكم رحلتى الذيذه :)

ربنا يباركلك يا أيمن باشا، وبإذن الله بكرة هاتكون الأمور أسهل، فكرتنى بأيام ما كنت بارخص السيراتو فى 2011 ، بس كان معايا مندوب عشان يخلص الإجراءات، وكل اللى عمله المندوب إنى طبعا إديتله فلوس ليه وخلاص، وياريت بقى ينجز، أبدا ممشينى وراه إدى لده يا دكتور، معلش ده أهم حاجة ، دى مش عارف أيه، طب أنا استفدت أيه منك، ولا حاجة، ده حتى قعدنا فى المرور من 7 الصبح ل 1 الظهر، لا وكمان جه الآخر عند بتاع اللوحات وقاللى الراجل ده رخم فياريت تروحله لأنه لو شفنى هايضايق، قلتله ماشى ، فرحتله أنا، وكانت المفاجأة طلع راجل معرفة، وزعل جامد إنى ما روحتلوش على طول وهو كان خلص كل شىء، قلتله معلش أنا مش عارف إنك موجود هنا فى المرور وكمان أنا معايا مندوب، وبمجرد إنه شاف المندوب ولاقيته راح داخل فيه شمال بطريقة غريبة ، وإوعى ياض تكون أخدت من الدكتور فلوس، الواد سكت خالص، فقلتله لأ ما أخدش، وهو طبعا أخد ليه بس 300 جنيه، غير اللى فرقه على حبايبه.
الخلاصة إن الواحد يخلص حاجته بنفسه، لا مندوب ولا غيره

ربنا ييسرلك الحال يا أيمن باشا وتخلص المرور بكرة عشان تفضى بقى للعروسة وتنطلق

تحياتى لحضرتك