لو انتا مش واثق في كلام الميكانيكي ( و ممكن تكون انتا الصح علشان العربية الميرا مش كتيرة و ممكن يكون الميكانيكية مش بيشوفوها كل يوم ) ممكن تاخد بعضك و تشد على اي بنزينة فيها جهاز قياس للموتور
قياس الموتور الصح بيكون و العربية مبطلة و مش دايرة اصلا و خد بالك علشان فيه بنزينات عندها حاجة اسمها قياس عادم و ده من خلال الشكمان لا القايس الصحيح للموتور يكون و الموتور مبطل و من اماكن البوجيهات هاتلاقي الموضوع ده في بنزينة موبيل رابعة العدوية في مدينة نصر و منها تعرف حالة الموتور ايه
و بعد كدة حدد انتا هاتعمل ايه فيه و لو فيه تسريب شوف سبب التسريب ايه و عالجة و متوجعش دماغك بكلام كل ميكانيكي
و لو الموتور بتاعك خفيف عاوز شنبر و مش معاك فلوس دلوقتي ممكن تبدا تستخدم زيت الشنبر و لو محتاج عمرة كاملة فيه زيت بيعمل الموتور اسمه زيت روسي تمنه في حدود 300 جنيه ( بس انا معرفش عنه حاجة ) ممكن تجربة علشان المواتير ال 3 سلندر زي الميرا مبيتعملهاش عمرة لا بتتغير بواحد تاني استيراد على طول و نصيحة مش اي ميكانيكي تسمعله دور على حد متخصص ياباني ختى لو اغلي