الموضوع: ليه السيارات الكورى سعرها زى اليابانى"""؟؟؟ مع اختلاف الجودة والعراقة"""

وصحيح ايه موضوع الفرق فى الضرائب بين اليابانى والكورى؟؟

الصراحة معرفش الموضوع دا...؟

بالنسبة للالنترا مثلا..

دلوقتى الالنترا كاملة....ب 116 الف...ودى ال 1600 سى سى طبعا

الياريس كاملة...خليجى 1500...ب 118 الف تقريبا....

ودا منطقى جدا على فكرة...

لان الياريس ال 1500 بره فى العالم كله...تقريبا بثمن الالنترا ال 2000 سى سى...فما بالك ب 1600...

الفكرة ان العربيات الى زى الهوندا سيفيك ومازدا 3 والانترا..مش بتنزل بره بالمواتير ال 1600..ولما بيحبوا يجيبوا العربيات دى مصر...بتبقى جاية من خطا انتاج تانى ومختلف..

لكن ميزة اليابانى او الياريس مثلا...انها هى هى الى بتنزل فى العالم كله...سواء 1.3 او 1.5....

يعنى عاوزين امثلة واقعية يا جماعة...بتوضح ان اليابانى مبالغ فى سعره مقارنة بالسيارات الاخرى...؟؟؟

أ / سعداوى .. انا لقيت ان الياريس برة مش اغلى من الكورى و لا حاجة ..
http://autos.aol.com/cars-compare?v1...031B0&type=top
يعنى هى اغلى من الاكسنت بحوالى 45 دولار فقط ... فى حين ان الكيا ريو و هى نفس فئتهم بتتباع بسعر اعلى من اليارس اليابانى .. و زى ما انت عارف العربيات كلها بتبقى بعوامل الامان .. مع اضافة ان الياريس 1500 مش 1300 .
يبقى لما نييجى نبص على السوق المصرى نلاقى اية :
الياريس جاية بموتور اقل و من غير عوامل امان .. اللهم سوى واحد اير باج فقط للسائق .. يعنى و لا اربعة ايرباج و لا اية بى اس و لا اية بى دى .
و بكام .... ب 94000 الف ( المانيوال )
نرجع للاكسنت - نازلة من غير عوامل الامان - و سعرها 79 الف جنية .

و مع ان الاكسنت اقوى كعربية و كموتور و صاج من الياريس و مفيش فرق فى الكماليات بينهم ... نجد ان الياريس اغلى 16000 جنية .
هل واحد ايرباجز يساوى 16000 جنية مع الاخذ فى الاعتبار انى ضحيت بفرق الموتور مسبقا .. يعنى ركبت 1300 بدلا من 1600 و دفعت 16000 زيادة عشان اية .. معتقدش الفرق دة كلة عشان الاير باج ... كلمة السر فى هذة المعادلة هو ان اليارس يابانى ... و فى العقيدة المصرية الراسخة هناك مقولة : ان فاتك اليابانى مش هييجى تانى .. يبقى التوكيل يستعبط و بردة هيلاقى اللى يشترى .

المشاركة الأصلية كتبت بواسطة ezzatfox

أ / سعداوى .. انا لقيت ان الياريس برة مش اغلى من الكورى و لا حاجة ..
http://autos.aol.com/cars-compare?v1...031b0&type=top
يعنى هى اغلى من الاكسنت بحوالى 45 دولار فقط ... فى حين ان الكيا ريو و هى نفس فئتهم بتتباع بسعر اعلى من اليارس اليابانى .. و زى ما انت عارف العربيات كلها بتبقى بعوامل الامان .. مع اضافة ان الياريس 1500 مش 1300 .
يبقى لما نييجى نبص على السوق المصرى نلاقى اية :
الياريس جاية بموتور اقل و من غير عوامل امان .. اللهم سوى واحد اير باج فقط للسائق .. يعنى و لا اربعة ايرباج و لا اية بى اس و لا اية بى دى .
و بكام ....:f_eyeb1[1]: ب 94000 الف ( المانيوال )
نرجع للاكسنت - نازلة من غير عوامل الامان - و سعرها 79 الف جنية .

و مع ان الاكسنت اقوى كعربية و كموتور و صاج من الياريس و مفيش فرق فى الكماليات بينهم ... نجد ان الياريس اغلى 16000 جنية .
هل واحد ايرباجز يساوى 16000 جنية مع الاخذ فى الاعتبار انى ضحيت بفرق الموتور مسبقا .. يعنى ركبت 1300 بدلا من 1600 و دفعت 16000 زيادة عشان اية .. معتقدش الفرق دة كلة عشان الاير باج ... كلمة السر فى هذة المعادلة هو ان اليارس يابانى ... و فى العقيدة المصرية الراسخة هناك مقولة : ان فاتك اليابانى مش هييجى تانى .. يبقى التوكيل يستعبط و بردة هيلاقى اللى يشترى .

بص ..

حضرتك لو الاكسنت نزلت كاملة ...والياريس كاملة....هيبقوا تقريبا بنفس السعر فى اى مكان فى العالم...

وخد بالك الياريس اى موديل فيه 2 ايرباجز....ودى بتفرق على الاقل 10 الاف..

الى اقصده ان الاكسنت بره مختلفة جدا عن الاكسنت الى هنا...

وبخصوص ال 1.3 وال 1.5 فمفيش فرق فى السعر بره الا حاجة بسيطة جدا..

يعنى ببساطة..

الياريس الاوتو الكاملة...ب 102 الف

لاحظ معايا..بالنسبة للاكسنت الكاملة...ال 86 الف

هتلاقى فى 2 ايرباجز اولا...فى الياريس...
فرامل اى بى اس....واى بى دى...
الكنبة الخلفية يمكن طيها..
الباور الكتريك...وافضل من بتاع الاكسنت..

دا غير الاكسنت تجميع غبور...وحط تحت دى 100 خط..
لكن الياريس جيالى من بلادها..

وبعدين تويوتا افضل من هيونداى...
واليابانى عموما افضل من الكورى..

فا انا شايف ان الياريس سعرها كده منطقى جدا...
بالعكس يمكن هى تعتبر من افضل السيارات سعرا فى السوق المصرى...

على فكرة الاكسنت انا بعشقها..
وحقيقى لو معايا 86 الف فقط ومقدرش ازود..انا ممكن اختارها..
لانها عربية ممتعة فى القيادة..وسحبها جامد...وشكلها جميل..وواخدة تقييمات عالية جدا بره..

بس هى مش احسن من الياريس ابدا فى جميع الاحوال....
دا حتى فى مصاريف التشغيل بعد كده...العملية لصالح الياريس..
الاعتمادية كمان فى صالح الياريس..

ياباشا دا انا فضلت الياريس على الالنترا...
اصل لازم الواحد يبقى مطمن هو حاطط فلوسه فى ايه..

أخي الفاضل سعداوي .
أحب أصحح معلومة .
الأكسنت ........ صناعة كوري مش تجميع غبور ..
غبور مش بيجمع غير الفيرنا ............ و السوناتا .

ده من ناحية .
لو بنقارن الأكسنت اللي موجودة في مصر ...... مع الياريس أم 103 ألف .
أنا شايف أنه حارم يندفع في الياريس 103 ألف .

و أنا شايف ان الأسكنت أحسن منها بكتير
شكل أفضل .
أداء أفضل .
ثبات أحسن .
موتور أقوى .
سعر مغالى فيه و لكنه معقول بعكس الياريس .


أنا بصراحة مش شايف أي ميزة في الياريس عن الأكسنت غير اسم تويوتا فقط لا غير .
عربية صاجها ضعيف .
شكلها مش ظريف .
عالية و مش ثابتة خالص و بتتطوح مع الهواء و مع السرعات العالية .
خاماتها الداخلية على السعر ده عادية جدا .


بصراحة أنا شايفها عربية عادية جدا جدا و بتبيع بالأساس بأسم تويوتا و لو كان عليها علامة تانية غير تويوتا ...... مكنتش باعت و كانت أصبحت عربية عادية جدا .

مش لازم دايما أسم الشركة الكبير ...... يخلي اي منتج منها ملوش حل .
أنا شايف ان ثمنها العادل يكون في بحد أقصى 85 ألف جنيه للكاملة تمام .

على فكرة الموتور اللي بينزل في أمريكا 1500 سي سي و ثمنها زي الأكسنت ال 1600 سي سي .
و لو موتورها أقل من كدا في أمريكا هاتقل عن كدا .
و ده رأي شخصي بحت تماما ........ يعني قابل للنقاش و قابل أكيد أنه يكون غلط أو صح .
و لكن أنا عمري ما أحط 100 ألف جنيه في الياريس أبدا .

الموضوع مش موضوع معايا لغاية كام .
الموضوع أن يكون معايا عربية مناسبة بثمن مناسب .
يعني ممكن يكون معايا 150 ألف و لكني مش شايف ان العربيات في السعر ده تستاهل ثمنها ( مثلا يعني )
فمش لازم أن السعر يكون محدد ليا أدام معايا الفلوس اللي تجيب أي حاجة أنا عايزها .
يعني أنا مثلا لو معايا لغاية 110 ألف .
الياريس مش من أحسن الأختيارات في معدل سعر 80 لغاية 110 ....معاها منافسين كتير أحسن منها أو زيها و لكن أرخص .
و مرة تانية ده رأيي الشخي البحت عن قطعة حديد .... لذلك أرجوا أن لا يغضب أحد من رأيي .