السلام عليكم جميعاً . أنا مدام شيكو . عرفت من شيكو انكم مستضيفينه في المنتدى قلت اشارك معاكم النهاردة . أنا مشاركاتي قليلة جداً بس أصل أنا خيبة في موضوع المنتديات دة.بس أنا عرفة قد إيه شيكو بيحب المنتدى وكل الاخوة الأفاضل إلي فيه.
أنا سعيدة جداً بكل الحب إلي بينكم و أحب أقول إن شيكو فعلاً إنسان رائع . ولو سألتوني أحسن حاجة حصلتلك في الدنيا إيه حاقول هو . ربنا يخليهولي يا رب
ملحوظة: بس أنا ممنعتوش من دخول المطبخ كدة من نفسي. دة هو إلي قرر في أول جوازنا يعملي عجة . و عينكم متشوف إلا النور. بعد أصوات مفرقعات دخلت المطبخ جري لقيت المنظر زي مايكون فيه صاروخ موجه من نوع سكود إنفجر عندنا . . . .
ودي كانت آخر مرة شيكو يدخل المطبخ
:skeptical:
مسز شيكو
حضرتك منورانا طبعا
مش عاوز اقول لحضرتك غير ربنا يباركلكم فى بعض و يملا حياتكم سعادة و هناء و بركة
يعنى حضرتك معاكى كنز متمثل فى د. شيكو, مفيش كلمات تقدر توصف حبنا له و تقدرينا له كأخ كبير لنا
شر مين يا عم موتو ....بص الشر الحقيقي ...يا ريت تستضيفوا مسز شيكو في حلقة لوحدها
هي دي الناس القديمة في الإجرام .. إيه النظام يا نووووووور
عايزين نسأل مسز شيكو :
1 - أغنية بتفكرك بشيكو
2- حاجة مكنتيش تتخيلي إنه يعملها و لكنه فاجئك و عملها عشان خاطرك
3- وصف لشيكو في حفلة وائل كافوري و هو كبير المعدنيين الصخريين في المنتدي
4- هل كنتم بتشجعوا نفس المغني ف american idol
5- 3 صفات تميز شيكو عن باقي الناس
6- مين فكر في الهجرة الأول و إيه أكتر بلد عجبتكم سوا
كفاية كدة لحد ما أفتكر حاجة تانية
و طبعاَ الأسئلة دي لا تضيع حقنا في حلقة كاملة
Leadership is based on inspiration, not domination
هههههههه حبيبي يا شهاب و الله .. بس إن شاء الله تقعد علي الكرسي قريب و محدش هيرحمك
تحياتي يا صديقي
إنت لسة فاكر الموضوع بتاع حياة دواخل فابريقة ده
للمرة التانية عيب عليك...مش انا يا بابا...يابنى انا غيركم ..انتو اعضاء نشطين و حلوين وفعالين..و الناس بتحبكم و العين عليكم...فطبيعى انه يتم استضافتكم...اما انا فعضو مغمور مضمحل مجهول الهوية محدش يعرفنى من اساسه..حتى لو اتعملى حلقة ..و لا حد هيسأل..اخرها سؤالين تعبانين..و تنتهى ...شوفت بقه انى مأمن نفسى و كله فى السليم؟!!!..خللى بالك انت بس من نفسك
اما بالنسبة لموضوع الدكو ..قصدى حياة دواخل فابريكة بتاعك..هو ده موضوع يتنسى ياراجل..ده ان تنبأتلك لما قريته انه هيكون ليك شأن عظيم فى المجال الاعلامى ...و قد كان و جيه اليوم اللى بيتعملك فيه حلقة و الناس مستنياها اهه :k47:
لألألألألألألألألأ يا شهاب متهيألك انك مأمن نفسك في ضيوف كتير مش مشهورين في المنتدى واتشهروا على ايدي نجاح الحلقة مش متوقف على العضو نشيط ولا لأ انما متوقف على اسلوب العضو في الرد والحوار ومثال على كدة ايمن 52 كان قلقان من النقطة دي وحلقته كانت في منتهى الجمال ولعلمك الحلقات اللي عدت كدة بسرعه كانت بسبب ان الموضوع جديد ومحدش مهتم بيه مش علشان مشهورين او لأ
لألألألألألألألألأ يا شهاب متهيألك انك مأمن نفسك في ضيوف كتير مش مشهورين في المنتدى واتشهروا على ايدي نجاح الحلقة مش متوقف على العضو نشيط ولا لأ انما متوقف على اسلوب العضو في الرد والحوار ومثال على كدة ايمن 52 كان قلقان من النقطة دي وحلقته كانت في منتهى الجمال ولعلمك الحلقات اللي عدت كدة بسرعه كانت بسبب ان الموضوع جديد ومحدش مهتم بيه مش علشان مشهورين او لأ
+ عشان نثبتلك .. إسمك مكتوب :D
نور مكتشفة النجوم هتخلي صورتك علي ستيكر نايل موتورز :D
Leadership is based on inspiration, not domination
و كان فيه رد ... موتنى من الضحك .. عشان مفيش غيرهم هما الإتنين اللى فاهمين الكلام :
المشاركة الأصلية كتبت بواسطة Dr.Morpheus
الاخ الفاضل شيكو بح صوته من التأكيد على لا واقعية الرابط و دلل على ذلك بالعربية و الانجليزية !!!!
شيكو باشا جزاك الله خيرا و لكن خانتك الترجمة في جملة واحدة ؛)
المشاركة الأصلية كتبت بواسطة Chicco
الله يجازيك يا إتش باشا ما أنت يا راجل شفتني مرتين النهاردة في المستشفى و ما جبتش سيرة
قريت الموضوع من الاول و لقيت غلطة واحدة " خلايا جذع المخ" brain stem cell و كان قصدي خلايا الجذع (stem cell)
ديه المشكلة لما الواحد بيفكر بلغة و يكتب بلغة :o
شكرا يا دوك
و كمان مشاركتين في يوم واحد :p
تصدقوا أنا فعلاً لما قريت المشاركة دى مفهمتهاش و لما قريتها تانى دلوقتى .... قولت !!! .......يااااه ده أنا طلعت طيب قوى و على نياتى قوى قوى
آدي الأسئلة :
1 - أغنية بتفكرك بشيكو
2- حاجة مكنتيش تتخيلي إنه يعملها و لكنه فاجئك و عملها عشان خاطرك
3- وصف لشيكو في حفلة وائل كافوري
4- هل كنتم بتشجعوا نفس المغني ف american idol
5- 3 صفات تميز شيكو عن باقي الناس
وادي الاجابات :
١. تملي معاك لعمرو دياب .
٢. كنت فاكرة إن بعد فترة الخطوبة مش حشوف بوكيهات الورد تاني . . .بس هو لسة بيجبلي ورد بمناسبة ومن غير . . .أنا بحب الورد جداً
٣. أخوكم مزنوووووق !!!!!!!
٤. احنا الاتنين كنا بنحب ديفيد كوك و ديفيد أرشلتا وهما الاتنين كسب المركز الاول والثاني
٥. شيكو أحن إنسان في الأرض .... و أكبر مستهلك للشوكلاتة في التاريخ !!!!!
المفضلات