الموضوع: حوار من القلب للقلب - الجزء الأول

بسم الله ما شاء الله يا علا باشا ... اجاباتك الرائعة حطتني في موقف لا يحسد عليه .... نفسي أسألك اسئله تانية للمزيد من الأجابات الرائعة و في نفس الوقت مش عايز اتقل عليكي ... أقولك خيرك سابق برضه ... رمضان حيتابع في انسجام :)

متابع باستمتاع....و من غير اسئلة....و بلاش زعيمة...عشان ماتزعليش خليها سيدة المنتدى الأولى..زى ما مستر موتوريزر قال( اذا ما خانتنيش الذاكرة)...ربنا يعينك ع فعل الخير و تحققى اللى نفسك فيه.

المشاركة الأصلية كتبت بواسطة ahmodium

ينفع اسأل شوية اسئله في السياسه؟


ما رأيك في :

-حزب التجمع
-الاخوان المسلمين
-حركة كفايه

حزب التجمع: ماتعرفش همه مع مين او ضد مين بالظبط.. انما اللي اعرفه كويس هو ان رفعت السعيد بيكره الإخوان المسلمين كره ماحصلش في تاريخ البشرية

الإخوان المسلمين: أمرهم محير بالنسبة لي و الله وحده أعلم العلاقة بينهم و بين السلطة هاينتهي على ايه.

حركة كفاية: أول ما ظهرت كانت في وقتها صح و ظهورها بالإسم ده كان مفاجأة مدهشة للناس و كسبت تأييدهم، انما همه فين دلوقتي؟

المشاركة الأصلية كتبت بواسطة TaoTao

والله الموضوع ده قرب الناس من بعضها أكتر ونجاحه المذهل ده شهادة لمدى احترام المشتركين بالمنتدى والقائمين على إدارته.
أيوة زعيمة :) مواضيعك مش مجرد مواضيع .. دي حالة ، وجو ، وذكريات .. ولو عاوزاها مؤامرة آه مؤامرة، عند مانع؟

المهم انت بتقولي نهاية المطاف، شكلك كدة هاتقفلي بدري النهاردة :) بس الساعة 11:57 وفاضل 3 دقايق .. وبصراحة حلقتك كانت أول حلقة ألحقها (حظك كدة بقى :)) ولازم اسأل سؤال ....
ولا اقولك الطيب أحسن :) حلقتك ممتعة وردودك شاملة .. سلام

هو في الحقيقة الحلقة شكلها ممتدة شوية لحد ما أخلص رد على الأسئلة.. و لا ايه يا نور؟

شكرا جزيلا ليك يا تامر :)

المشاركة الأصلية كتبت بواسطة etrawy

منورة البرنامج يا أ/عُلا
ممكن أسالك سؤال صغنن
كلمة توجيهها لكل من:
1- والدك ( الله يرحمه):
2- والدتك (ربنا يخليهالك):
3-نايل موتورز:
4-وزير(اختاري إنت الوزير):
5-الحجاج:
6-الشباب(عامة) وحديثي التخرج (خاصة):
7-مِصر:
8-المسلمون:
9-محمد أبو تريكة:
حلقة ممتعة جدأ لإجابتك الرائعة

جاية لك حالا بالإجابات يا etrawy انا مش ناسية :)

المشاركة الأصلية كتبت بواسطة etrawy

منورة البرنامج يا أ/عُلا
ده نورك يا فندم :)

ممكن أسالك سؤال صغنن
كلمة توجيهها لكل من:
1- والدك ( الله يرحمه):
وحـــــشـــــتـــــنـــــ ي

2- والدتك (ربنا يخليهالك):
جزاكي الله عني و عن إخواتي خير الجزاء و يخليكي لينا يا رب

3-نايل موتورز:
مكان محترم باتعلم فيه الكثير

4-وزير(اختاري إنت الوزير):
وزير التعليم.. إزيك :)

5-الحجاج:
أنتم مختارون من الله عشان يغفر لكم ذنوبكم.. ربنا يثبتكوا بعد الرجوع و يتقبل منكم.

6-الشباب(عامة) وحديثي التخرج (خاصة):
إتعبوا شوية عشان تبقوا حاجة

7-مِصر:
بحبك.. سامحيني

8-المسلمون:
هاترتاحوا اوي لو فهمتوا الإسلام صح

9-محمد أبو تريكة:
نفسي أعرف بتعمل ايه عشان ربنا يجعل لك القبول في الأرض بالشكل ده

شكرا على مشاركتك يا etrawy :)