شكرا نور على كل الاسئلة بصراحة ... بتلاحقي افكاري بس تسمحيلي .. أعصر دمغاتي ... وأحاول اسأليتا حاجة؟؟؟؟
شنوري .. بما إنك مشهور بخفة الدم ... إيه أكتر موقف مووت فيه من الضحك ... وممكن تعيط من كتر الضحك ... أصلي بسمع إن إللي دمه خفيف صعب حد يضحكه بسهولة ؟ والله يا نور هو فيه كذا موقف بس اول واحد افتكرته دلوقتي كان جوز خالتي اتوفي وكانوا جايبين شيخ بيقري في البيت بعد العزي بفتره فالشيخ قاعد في امان الله وكلنا قاعدين قدامه فاذ بالقطه الشيرازي بتاعتهم طالعه ورا منه علي الستاره وعماله تهز ديلها وكل شويه تطلع وبعد كده وقعت وشويه ولاقيناها ماشيه علي ضهر الكنبه ورا منه وطبها محدش ستر مجاله وكلنا وقعنا علي الارض من الضحك --الموقف التاني اللي مش قادر انساه لحد النهارده كنت عامل عمليه وواحد صاحبي كان بايت معايا في المستشفي وكل ما يعدي من عند السرير اللي جنبي يخبط في الايد اللي بترفع السرير خبط اول مره وتاني مره مقدرتش امسك نفسي وكل ما يعدي يخبط وانا من كتر الضحك بصرخ من الوجع لان العمليه كانت في بطني واقوله حرام عليك العمليه حتفتح يقولي حاضر انا حاخد بالي المهم معدي في مره قولتله حاسب قام لافف من ورا السرير علشان ميخبطش وجه عند السرير بتاعي وراح خابط فيه ههههههههههههههههههههههههه ههههههههههههههههههههههههه ههه عاوز اقولك انه قتلني يومها من الضحك ومن الوجع لدرجه ان رجله ازرقت وبعد كده فتحت من كتر الخبطات
بتحب الولاد واللا البنات في الاطفال ... ونفسك يكون عندك كام طفل ؟ بحب الاتنين وبحب اكتر هدوء البنات ورقتهم وهما صغيرين وبكره شقاوه الولاد فبحب الاطفال وهما نايمين او بيرضعوا علشان بيكونوا ساكتين في الحالتين دول انا نفسي يكون عندي 4 ولدين وبنتين
بتفكر مع الاطفال إزاي .. بتحاول تكون طفل زيهم .. واللا بتعاملهم إنك كبير وعاوزهم يكبروا معاك ؟ ببقي اعيل منهم وانا بلعب معاهم بس لما بيوصلوا في لعبهم للدرجه التخريبيه بمارس معاهم سياسه القمع لو معاك ثلاث هدايا قيمين تحب تهديهم لمين في حياتك كلها قريب أو غير قريب ؟ اول واحده لامي تاني واحده لاداره المنتدي تالت واحده لناس عارفين نفسهم كويس
لو لم تكن محمد شنوري الحالي ... تتمنى أن تكون على أي حال ؟ كمهنة .. كدراسة .. كهواية .. الخ ؟ انا راضي عن وضعي جدا وحاسس اني احسن من ناس كتير بنعمه ربنا وفضله بس ممكن نقول اني كمهنه كنت احب اكون صاحب شركه تعاملاتها كويسه في السوق وطبعا كنت حتبهدل في الازمه اللي احنا فيها كدراسه كان نفسي ادخل هندسه قسم كمبيوتر بس للاسف انا ساخط علي وضع التعليم في مصر ومش مقتنع بيه من الاساس كهوايه كان نفسي يكون عندي حصان ابيض او اسود سواد الليل اجري بيه علي البحر
لو لم تكن مصريا ... أي دولة تحب أن تنتمي ليها ؟ غير مصر ؟ مش بقييس وطنيتك عارفين بتحب ترابها وبحرها...اي دوله ناس بتحترم نفسها وبتحترم كلمتها وبتحترم بعضها قبل ما تكون الدوله نفسها بتحترم مواطنها
أحب الادباء أو أصحاب القلم طبعا بحب مصطفي محمود وكتاباته وارائه قريت لناس تانيين كتير اوي بس يمكن هو اكتر واحد راسخ في ذهني بحب احمد رجب لما بيتناول قضايا معينه وون تزو كتاب فن الحرب وكنت دوده كتب زمان انما دلوقتي اخر علاقتي بالقرائه هو التحذير اللي حاطينه علي علب السجاير ولافتات الطرق
أحب مطرب ومطربة مش بحب حد معين فيهم وتقريبا مش بسمع اغاني غير في العربيه بس بعشق اغاني حميد الشاعري الرومانسيه وممكن اسمع لشيرين وفي الاول والاخر بتكون علي حسب حالتي النفسيه أحب فنان وفنانة احمد زكي ومفيش فنانه معينه أحب فريق كرة غير الأهلي ولا الاهلي ولا غيره انا مش بحب الكوره من اساسه أحب فيلم عربي وأجنبي فيلم سفير جهنم بتاع يوسف وهبي الفيلم دا قديم بس بعشقه جدا ارض الخوف لاحمد زكي والافلام الاجنبي كتير مش عارف اقول فيها ايه ولا ايه أحب أغنية عربي وأجنبي في العربي بحب الدويتوهات الرومانسيه وفي الاجنبي بعشق اغنيه fall again وقعدت اكتر من سنتين ادور عليها علي النت وغير كده بسمع موسيقي لkenny g أحب الألوان جميع درجات الازرق وخصوصا الكحلي والسماوي الابيض البيج الاسود أحب الأبراج لك وأغلسها مش متابع الابراج اوي وبيتهيالي ان مفيش اغلس من برجي (الجوزاء)وبالنسبه للغلاسه فدي محتاجه شخص تكون مقوماته اكتر من انه يعتمد علي برجه علشان يغلس عليا لاني قابلت قليلين اوي اغلس مني بس كانت غلاستهم سمجه
شنوري فين وسط دوووول أكتر؟؟
الطفل الطيب الشرس الاناني المضحي المحب شنوري كل دول في حاله ان اللي قدامه عرف يستخلص الصفه المطلوبه بعامل كل واحد بالطريقه اللي يستاهلها مع تقديم الاحترام اولا وبعد كده هو بيحدد معاملته حتبقي ازاي كلنا فينا جميع صفات الكون بس المهم انا حعرف اطلع منك ايه حدوس علي انهي مشاعر علشان اطلع الحب حعمل ايه علشان اطلع الشر عملتلك ايه علشان تضحي علشاني لازم يكون فيه فعل ورد فعله حيكون من الصفات دي طبعا من الاسئلة ... تبان السهولة... أحاول أوعدك ... تكون آخر مرة go يا بطل لا براحتك انا قربت اتعود علي الاستجواب لو الموضوع خلص حروح اعمل مشكله علشان اروح النيابه ويستجوبوني
زيزو باشا والله انت كمان واحشني مووووووووووووووووت
واظهر شويه في وسط البلد بقي
المشاركة الأصلية كتبت بواسطة ahmed_su
ههههه جديدة دى " شنيورى " الله ياجزيك يا محمد فطستنى من الضحك :pointi~2[2]:
والله شرفت بمعرفتك وبحبك من غيرما شوفك
ربنا يخليك يا احمد بيك بس الشنيور ده بلاك اند ديكر ولا صيني ؟؟؟؟
كمان المهم اني الفاعل مش المفعول بيه بالشنيور ده ههههههههههههههههههههههههه
المشاركة الأصلية كتبت بواسطة mido777
حمادة يا جامد والله صعبان عليا يا ابنى من اللى بيحص فيك ده
انا ابن حلال ومش ح اتقل عليك هو سؤال على الماشى
- اكيد زيك زى اى اسكندرانى لما بتبقى مخنوق شوية بتروح تقعد على البحر لوحدك وتحكى معاه ....... ايه هيا المنطقة اللى بتروح تقعد عندها ؟؟؟ وليهالمنطقة دية بالذات ؟؟؟
-
حماده باشا انا حبطل اروح البحر واجي اقعد عندك في الجاكوزي واحكي معاه
بس احيانا كنت بروح المنطقه بتاعه السلسله اقعدوادي وشي للبحر
والحته الجامده اوي حقولك عليها مش خساره فيك
بص يا سيدي
لما تروح البيطاش وتدخل شهر العسل فيه جنب مطعم بيكين ممر بيطلعك علي البحر تطلع وتاخد يمينك كانك رايح علي نادي الظباط
حتلاقي بتاعه حديد كبيره من اللي بيربطوا فيها المراكب
تسند ضهرك عليها حتلاقي جزيره في وشك واحكي براحتك يا معلم
ملحوظه
الحديد مصدي ابقي حط حاجه وراضهرك او سيب التيشيرت بتاعك في العربيه
هو انا كنت نايم ولا اية اية الكلام دة كلو :copy of majd(4): انا مش فاهم حاجة
:k10: الورد دة لشنورى مراعاة للى هو فية حاليا من اسئلة و ضغط عصبى حتستسلم يا شنورى ولا تخش المعتقل
:b4_611:
اعدى عليكم وقت تانى مع ضيف جديد و ماظنش انو انا عشان انا مش مشهور للدرجة دى
ميرسي علي الورد يا باشا وتسلم ايدك علي كل حاجه عملتها معانا يوم المقابله
بس عاوز اقولك المعتقل معروفه فيه تهمتك ونوع الاسئله
يعني لو قتلت واحد مش حييجوا يقولولك والمخدرات دي بتاعه مين
ههههههههههههههههههههههه
ا
المشاركة الأصلية كتبت بواسطة bmw323
شنورى باشا شكرا لردك على اسئلتى وأنا متابع بأهتمام تحياتى يافندم
يا باشا انا اللي اشكرك علي الجزء اللي قطعته من وقتك علشاني
المشاركة الأصلية كتبت بواسطة momomero
كل دا ياربنا لا ياعم أنا مش لاعب اللعبه دى
فاكر شد الكوبس كهربا بتاعه زمان ؟؟؟؟؟؟؟؟؟
اهو هنا بيحطوك في الكهربا بجد ياعم هههههههههههههههههههه
صباح الياسمين على احلى منتدى وعلى حوار من القلب وصباح الشقاوة على محمد الشنورى انت اللى جبته لنفسك انا كنت فى حالى وسكت ومرضيتش اسأل لكن بما انك قولت عنى انى شقية ووراك فى كل موضوع رغم انك اصلا قولت انك لما بترد على موضوع محدش بيرد بعدك لكن مقدرش ازعلك ولازم ينوبك من الشقاوة جانب
ودى طبعا هدية بسيطة عشان افتح نفسك تجاوب
20-حضرتك قولت انك حبيت 4 مرات اول مرة كان عندك كام سنة واخر مرة كان عندك كام سنة؟ 21-هل انت فى حالة حب وارتباط ببنت حاليا مش شغلك واصحابك والكلام ده؟ 22- ايه اجمل هدية قدمتها لحد ؟وكانت ايه ولمين؟وايه مناسبتها؟ 23-ايه اجمل هدية جاتلك؟ وكانت ايه ؟ ومن مين؟ وايه مناسبتها؟ 24-لما تحب تخرج تسهر مع اصحابك بتسهر فين؟ 25-ايه اغرب مكان سهرت فيه مع حد من اصحابك؟ 26-لوخيرتك ولازم تختار واحدة بس تختار المرأة الجميلة ولا الذكية؟ وليه؟ 27-ايه الصفة اللى ممكن تتنازل عنها فى البنت اللى بتحبها ؟ وايه الصفة اللى مش ممكن تتغاضى عنها؟ 28-هل انت مع ام ضد التمسك بالعادات والتقاليد المتوارثة؟ 29-ماهى اجمل صفة فى الشعب المصرى ؟وماهى الاسوا من وجهة نظرك؟ 30-ايه احساسك وانت محور حلقة حوار من القلب ؟وهل تتمنى تخلص بسرعة ولا تفضل اطول وقت ممكن؟
الحقيقه عنوان الموضوع مشدنيش قوي قد ما شدني حجم المشاركات ولقيت انه موضوع لذيذ قوي وفكره لطيفه جدا بس مش قادر أقول i'm in لأني حاسس كده إن دوري ممكن يكون السنه الي جايه
لكن بحيي صاحبة الموضوع طبعا نور العمر و كل الأعضاء إلي ساهموا بخروج الموضوع بشكل جميل
الحقيقه عنوان الموضوع مشدنيش قوي قد ما شدني حجم المشاركات ولقيت انه موضوع لذيذ قوي وفكره لطيفه جدا بس مش قادر أقول i'm in لأني حاسس كده إن دوري ممكن يكون السنه الي جايه
لكن بحيي صاحبة الموضوع طبعا نور العمر و كل الأعضاء إلي ساهموا بخروج الموضوع بشكل جميل
hi pop3
طبعا أنت منور الحوار ... وبتفكرني بنفسي أول مرة دخلت اللينك
بس أنا فهمت القصة على مضض ... لحد ما بدأت أشارك
وصاحب الفكرة الرائعة
قمر المنتدى ... نور القمر
أنا ضيف صغنوووووووووون جدا
وبالمناسبة ... سلام وتحية كبيرة لنور القمر ... معبودة جماهير المنتدى
المفضلات