الموضوع: الرينو ونتشة الفيتيس

المشاركة الأصلية كتبت بواسطة yasser100

يا راجل عيب ما تقلش كده , تزعل ايه بس , انت كده اللى هاتزعلنى :) دى كلها مناقشات و فيها غيرنا بيستفيد منها , الكمال لربنا , ما فيش حاجه كامله

احلى حاجه انه الرينو تجيب لهم كوابيس بالليل علشان مش اى حد يركبها هههههههه و الاقيها معمول فيها نواكل على الفوانيس و فرح العمده على الشنطه و الازاز اللى ورا هههههه

والله معاك حق انا زيك بحب العربيه اللي مش اي حد يركبها
واول ماالعربيه بتنتشر بقفل منها اصلا

المشاركة الأصلية كتبت بواسطة تامر.محمد

متفق معاك و مش عارف ليه الفتيس بالذات عامل كده مع العربيات الاوروبي بالذات

بالنسبة لحتة الموتور و التسارع

ظني ان القصة فيما يخص نسب الفتيس , اظنه متصمم بغيارات طويلة عشان يوفر بنزين و لما صمموه ماهتموش بالتسارع

والله كنت عاوز اقول كده لياسر فعلا مش عارف ليه الفيتيس عامل قضيه عند الاوروبيين عموما
وفعلا بحس ان ضعف الموتور بسبب الفيتيس بس هما كمان من اقل المواتير كقدره حصانيه في نفس السعه اللتريه

المشاركة الأصلية كتبت بواسطة mfraig

يعني انا والله المفروض ازعل منكم انتو الاتنين اصلا :copy of rfds:
ماتجيش منكم خالص وانت ياستار بالذات شايف ردودي على الناس اللي بتسأل تشتري ميجان وللا لا وكل كلامي عليهم اكشف عليها كويس وتوكل على الله

انا ياجماعه قايل في اول كلامي خالص اني بحب عربيتي واني ناوي ان شاء الله اجيب فلوانس وفي كل المواضيع اللي عملت مقارنه بينها وبين الكروللا كنت بقول الفلوانس تكسب في كل حاجه

ومفكرتش ابيع الميجان الا لما سافرت بس وزعلان عليها جدا لانها هاي لاين ونبيتي وده اللي كنت عاوزه بالظبط

ولسه كنت بقول لاخويا اللي بيبعهالي هو انا هركب ايه بعد كده لما انزل اجازه اوعى تقوللي اشوفلك هيونداي تمشي بيها نفسك والهبل ده :)

انا كان معايا فيرنا 2006 من الزيرو وقررت ابيعها واجيب ميجان ومحدش بيركب ميجان غير واحد عارف هو عاوز ايه وفاهم هو بيركبها ليه

صحيح الفرنا مشاكلها تعتبر صفر بس لا وجه مقارنه اصلا بين عربيه وسكوتر باربع عجلات

اوبشنز العربيه ياياسر باشا انا موهوم بيها وفكرة ال 6 اير باج اللي كانت بتنزل تجهيز اساسي في الميجان وال 307 كنت حاسس ان الناس ده مش بتهرج في وسائل الامان ورغم انهم غيرو الفكر ده في الفلوانس بس فضل عندهم حد ادنى اتنين مافيهومش تهريج في حين عربيات تانيه بينزل بواحده وبيعتبرو التانيه اوبشن في الهاي لاين

انا مش محتاج دفاع عن الميجان انا عارف قيمتها

العربيه صحيح منتشره وعليها طلب وبتتباع بسهوله وعلى غير ماكنت متوقع بس انتشارها وسهولة بيعها مش زي الكوري والياباني عشان انت بتقوللي الناس شايفه وجهة نظر غيرك دول حضرتك اللي اشتروها وفي ملايين تانيين كلمة رينو بتجبلهم حساسيه وكوابيس بالليل

انا معاك ان في مشاكل في الفيتيس مافيش كلام في شركات تانيه بس زي ماقلتلك ماينفعش الكوروللا تبقى منهم بمشكلة الجنوب افريقي اللي كانت على مدى صغير جدا واختفت
طبعا اللانسر لايقارن ثباتها ولا تقفيلها ولا الراحه الداخليه ولا فراميلها بالميجان لكن فيتيسها احلى بمراااااااااحل

من الاخر كده كنت اتمنى الميجان بكل اللي هي فيه ده من جمال وشكل جذاب بيخطف العين حتى بعد 9 سنين من تواجدها انها تكون بموتور وفيتيس يضاهي العربيات الاقل كفاءه زي اللانسر والكوروللا لان مهم اوي اعتمادية العربيه

على فكره ممكن تكون مشكلة الشركات ده (الفرنساوي تحديدا) انهم مابينزلوش مواصفات خاصه للدول بتاعتنا لان طبعا جو ونظافة اوروبا اكيد بتخللي مشاكل العربيات ده اقل جدا عندهم

يا باشا متزعلش مني
انا والله ما متحيز للرينو ولا الميجان
برغم انها قرفتنى واكيد قرفتك وقرفت ناس كتير
ودى ضريبة الميجان هنعملها ايه !
لكن فى نفس الوقت انت لو فكرت تركب عربيه زيرو محترمه هتدفع مبلغ وقدره
دى اقل عربيه دلوقتى ب 100 ألف ومش اتوماتيك كمان
وركوبه تعبانه جدآ
انا لما بشترى عربيه مبفكرش فى بيعها ده اولآ
هو انا يعنى هركب صفيحه زباله عشان خاطر بيعها سهل مثلآ ؟ ولا عشان فتيسها معمر ؟
انا بصراحه الميجان مريحانى فى سواقتها
عربيه فيها كل اللى انا محتاجه
وعلى فكره انا بتجيلى كل شويه بيعه للعربيه وكأنى كاتب على ضهرها للبيع !

المشاركة الأصلية كتبت بواسطة yasser100

العراقه ﻻ تقاس بالطريقه دى . تيوتا شركه عريقه و رينو و فولكس فاجن . مش مشكله انه يطلع مشاكل فى موديل من الموديلات . ده نتيجة البحث و التطوير و تمن بتدفعه الشركات الكبيره و ﻻ انها تقف تتفرج او تنتظر التكنولوجيا من الغير .

ياسر باشا انا معاك طبعا ف ده كله بس الناس الى اشترت دفعت معاهم تمن اغلى لان كل واحد حط الى حلته ف عربيه هما نفسهم مش عارفيين يعالجو مشاكلها النجاح انك لما تعمل حاجه وتخترع وتبتكر تكون بعد نتائج كتير انت عملتها مش ان الناس تفضل تدفع تمن التكنولوجيا المتطوره وانا مش بعيب ف الميجان ولا رينو طبعا بدليل ان ان شاء الله هستلم فلوانس بس ده طبعا بعد معرفت ان العربيه مفيهاش مشاكل ده غير انها افضل عربيه ف فئتها وصفقه طبعا حاليا بالنسبه للمطروح ف السوق المصرى دي وجهة نظرى ف الفلوانس
ينس 1 .

ضريبة البحث يا سيدى :) . علشان كده انا اثق فى رينو و تيوتا و فولكس فاجن حتى لو بيبيعوا صفيحه و اكون امن و انا سايق موديلاتهم . ناس شغاله و بيطلعوا الجديد ﻻ ينتظروه

مع حضرتك تماما وانا كمان اثق فيهم واضيفلهم بافاريا طبعا والالمانى بصفه عامه لكن برده مهو فتيس الاوكتافيا الجديده سمعت من ناس اصحابى ان فيها مشاكل
اقولك ع موقف بسيط ( واحد صاحبى جاب a7 بعد شهر واحد البطاريه نايمه ننه يكلم التوكيل مفيش يشحنها مفيش يروح التوكيل مش راضيين يغيروها اصلا حاجه تخنق اى حد دافع فوق ال 230000 جنيه وجنيه ينطح جنيه ومع ذلك مبسوووووووط جدا من العربيه بس طبعا دى حاله فرديه ) ملحوظه وعشان هو فقرى والدنيا بتلطش فيه من ساعه ما تخرجنا

[QUOTE=mfraig;3875769653]واضخ ان كلامك في تحيز واضح وانت عارف كويس اني مش بهاجم ونعالى نكون حياديين
مش معنى اني اشتكي مش مشكلة الرينو تقوم تقوللي ماهي فولكس كده يعني انت بتسقط المشكله على شركه تانيه عندها مشكله عشان تداري على نفسك مش منطق طبعا
الكوروللا انا اسف جدا لان الكلام مش مقنع والفيتيس الجنوب افريقي ده نقطه ظهرت بعد نجاح غير محدود للاوتوماتك من التسعينات وتم تدارج الموضوع

الموضوع كله يا دكتور وده مش دفاع عن حد القصه كلها ان كل الشركات عندها مشاكل وانت تعرف ان اغلب الكورى مراجيحه كتيره الا بعض الموديلات وده مش تقليل من الماركه دي حقيقه واضحه روح ابو رواش واطلب من المهندس الدخول للصاله بتاع الصيانات والحوادث وخد نفس عميق واتفرج ع الكورى يا باشا ولو فاضى نجبلك شاى بالياسمين وقهوه بالبندق وقعد عد بقى يا دكتره


كل الفروقات بين الكرورللا 2006 والميجان 2006 لصالح الميجان طبعا عربيه رائعه وسابقه عمرها بمرااااااحل كلام سليم بس مع احترامي فيتيس وموتور الكوروللا ال 1300 كمان مش ال 1600 ال vvti اطن مايتقارنش بالميجان وفي موديلات كوروللا 2006 مع صحابي معملوش حاجه غير الصيانه المعتاده وبس اظن الاعتماديه لاتقارن وكل ده مقابل ايه ستارت انجين وحساس نور ومطر واستابيليتي و انظمة امان زياده في الميجان طبعا الحاجات ده مش هينه بس هل ده اللي رينو بتبيع بيه عربياتها يعني !!!
وفي نفس السنه 2006 اللانسر 1600 بفيتيس cvt محدش لمسه لحد النهارده ولا اتضرب فيه مفك
ماتجيش تقوللي الانترا نازله في 2006 بفيتيس ناعن وميجان نازله بفيتيس بينتش وتقوللي ده شركه بتطور وتجرب ودول بيسرقو وطبعا انا بتكلم عن الفيتيس عشان متقولليش ايش جاب النترا لميجان فانا من ملاك الميجان وعارف كويس الفرق بينهم

معلومه لحضرتك يا دكتور بما ان انا ركبت كتير عربيات بجبها من المعوقين اوربى يعني وملهاش صيانه ولا ف التوكيل نفسه ان ال a4 كان فيها كل الى كان ف الميجان بستثناء حساسات المطر والاستارت فقط مقابل سته اريباج وتكييف خلفى وست سماعات واتنين تويتر وتصفيح وامان مقولكش بقى وكمان كمبيوتر رحلات وتانك احتياطى 15 لتر وده سنه 1997
ده ميقللش مش اى شركه بس اوضح ان العربيه عباره عن باكيدج على بعضه يا تقبله يا ترفضه وطبعا دى وجهات نظر واحتياجات كل واحد بتحدده