الموضوع: الرينو ونتشة الفيتيس

المشاركة الأصلية كتبت بواسطة wael-mohamed

بصراحة يا جماعة دي وجهات نظر وطريقة تقييم وقيادة نختلف جميعا فيها فلولا اختلاف الازواق لبارت السلع ولكن المهم في الموضوع ان لا نعمم الاجادة او الفشل على شركة او على موديل سيارة لمجرد عيب قد لا يلاحظه كثير منا وقد يجد كثير منا انه عادي ولا ميزة قد لا يجد الكثيرين ايضا انها ليست ميزة.
انا مثلا معايا فلوانس 2012 الفئة الثالثة ومريحاني ومعنديش مشكلة مع موضوع النتشة برغم وجودها واقولك على مفاجئة انا مبحبش العربيات الناعمة قوي ذي الياباني او الكوري احب اركب عربية تحسسني بالبور الي تحت رجلي واسمع صوت موتورها وهو بيغرد كده.
اذا هي وجهات نظر وكل وجهة نظر لها وجاهتها.
بس ممكن نتكلم مثلا عن التوكيل ومستوى الخدمة ده شيئ لا يختلف عليه احد وده مميز فب رينو مثلا. ايف للاطالة واشكركم جميعا

كلامك حلو وسليم طبعا بس زي مانت بتقول بنفسك ان النتشه موجوده فعلا لكن مش مسببالك مشكله في حين ان حد غيرك دفع شقى عمره في العربيه وهتكون ده نقطه مستفزه بالنسباله
انا زيك بحب اسمع صوت موتور العربيه وعموما الموضوع مش مضايقني لكن انت عارف ان اللوجان بعد سرعة 120 بيبقى صوت موتورها عالي جدا لدرجة انك لازم تقفل الازاز من كتر ماصوت الموتور وصوت احتكاك الهوا رهيب في حين ان الفيرنا صوتها اهدى بكتير مع اني شايف انها اقل من اللوجان بكتير
وعلى فكره ربنا يباركلك في عربيتك بس ماتنساش ان الفيتيس عندك لسه زيرو والنتشع لو زادت مع الوقت زي ماحصل مع الميجان هتبتدي فعلا تحس بالمشكله فربنا يستر ان شاء الله

المشاركة الأصلية كتبت بواسطة Super_Star_h

يا باشا متزعلش مني
انا والله ما متحيز للرينو ولا الميجان
برغم انها قرفتنى واكيد قرفتك وقرفت ناس كتير
ودى ضريبة الميجان هنعملها ايه !
لكن فى نفس الوقت انت لو فكرت تركب عربيه زيرو محترمه هتدفع مبلغ وقدره
دى اقل عربيه دلوقتى ب 100 ألف ومش اتوماتيك كمان
وركوبه تعبانه جدآ
انا لما بشترى عربيه مبفكرش فى بيعها ده اولآ
هو انا يعنى هركب صفيحه زباله عشان خاطر بيعها سهل مثلآ ؟ ولا عشان فتيسها معمر ؟
انا بصراحه الميجان مريحانى فى سواقتها
عربيه فيها كل اللى انا محتاجه
وعلى فكره انا بتجيلى كل شويه بيعه للعربيه وكأنى كاتب على ضهرها للبيع !

اولا انا مش بزعل منكم انا بهزر طبعا
ومتفق معاك جدا في موضوع ان كل شويه بتجيلك بيعه للميجان لان ده بيحصل معايا وناس بتوقفني في الشارع تسألني
وفعلا اسعار العربيات بقت تجنن بس لاحظ ان الميجان الهاي لاين كانت في 2006 ب 143 الف وده رقم كان كبير اياميها برضه

الموضوع كله يا دكتور وده مش دفاع عن حد القصه كلها ان كل الشركات عندها مشاكل وانت تعرف ان اغلب الكورى مراجيحه كتيره الا بعض الموديلات وده مش تقليل من الماركه دي حقيقه واضحه روح ابو رواش واطلب من المهندس الدخول للصاله بتاع الصيانات والحوادث وخد نفس عميق واتفرج ع الكورى يا باشا ولو فاضى نجبلك شاى بالياسمين وقهوه بالبندق وقعد عد بقى يا دكتره

انا مقتنع تماما بكلامك وعندك الالانترا اللي سعرها داخل على 200 الف وفيها فئات حتى من غير اير باج ده ناس بتشتغلنا واحنا اخر عبط
بس كمان لان الرينو شركه محترمه كان المفروض يهتمو بمشكلة الفيتيس اكبر من كده وزي مانت قلت هما مش بيدفعونا دم قلبنا في عربيات اصلا احنا بندفع اضعاف سعرها الحقيقي عشان احنا في مصر الحبيبه وفي الاخر نتحمل نتيجة تجاربهم احنا مش فئران تجارب النجاح زي مانت قلت انك تديني منتج باعلى جوده مش تقوللي خد جرب ده شوفه هيعجبك وللا لا وافضل من 2005 ل 2013 اقولك ياعم الحج الفيتيس فيه مشكله تقوللي طيب مانا بطورهولك بس اصبر عليا

المشاركة الأصلية كتبت بواسطة monamize4

عجبنى اوى كلامك و متفق معاك جدا ف النقط دى ,,

ع فكرة ,, انا عندى مشكلة مع العربيات الفرنساوى
و اختلفت كذا مرة مع اعضاء ف المنتدى عن الموضوع دا

من بدايه الالفينات و العربيات الفرنساوى فيها مشاكل و خصوصا الفتيس
ودا باين ف ال c4 و الميجان 2 و ال 307 و مش هقارن مع اليابانى
(اللى هو بيمثل المعنى الحرفى للاعتمادية) عشان فى ناس بتضايق

عموما اللى حقيقى حاسس انها هتغير الفكرة دى ,, هى الفلونس ال cvt
العربية انتشرت ماشاء الله و معرفش حد اشتكى من الفتيس او العربية عموما
دا غير ان العربية فيها مميزات كتير يعنى مفيش تضحية بحاجة قصاد حاجة
زى ماكان ف الفرنسى قبل كدا و ال 508 عاملة شغل جامد برضه :)

بالظبط كده
انا هقولك حاجه
لما بنزل من الميجان عندي واسوف بومه 2006 او حتى كورولا 2006 بحس بفرق كبير في تقفيل العربيه وثباتها والابواب التقسله بتاعة الميجان والعزل ثم العزل ثم العزل الرائع وسمك الباب بتاع الميجان وازاز الابواب اللي لما بيتقفل مابيدخلش سرسوب هوا كل ده فروقات لصالح الميجان ومهمه اوي عندي
لكن اللي راكبين الكوروللا واللانسر نادرا لما بنشوف ونش رافعهم او مرمي على جنب طريق وفاتح الكبوت ومستني الفرج

ال 307 انا شخصيا من 2002 وحتى اللحظه لو عدت من قدامي لازم تشد نظري لحد ماتختفي وعمري ماشفت موديل بعد كل السنين ده يفضل بالرونق والجمال ده بس فين الاعتماديه للاسف :(

وعموما اتمنى ان الفلوانس الفيس ليفت تكون فعى نقطة تحول هي صحيح جت متأخره شويه بس المهم انها حصلت اخيرا والحمد لله

بسم الله ما شاء الله الناس هنا موسوعه معلومات
انا حسيت اننا قاعدين مع بعض فعلا والله
كل سنه وانتو طيبين

المشاركة الأصلية كتبت بواسطة monamize4

عجبنى اوى كلامك و متفق معاك جدا ف النقط دى ,,

ع فكرة ,, انا عندى مشكلة مع العربيات الفرنساوى
و اختلفت كذا مرة مع اعضاء ف المنتدى عن الموضوع دا

من بدايه الالفينات و العربيات الفرنساوى فيها مشاكل و خصوصا الفتيس
ودا باين ف ال c4 و الميجان 2 و ال 307 و مش هقارن مع اليابانى
(اللى هو بيمثل المعنى الحرفى للاعتمادية) عشان فى ناس بتضايق

عموما اللى حقيقى حاسس انها هتغير الفكرة دى ,, هى الفلونس ال cvt
العربية انتشرت ماشاء الله و معرفش حد اشتكى من الفتيس او العربية عموما
دا غير ان العربية فيها مميزات كتير يعنى مفيش تضحية بحاجة قصاد حاجة
زى ماكان ف الفرنسى قبل كدا و ال 508 عاملة شغل جامد برضه :)

يا باشا الناس تزعل ليه من كلمة اعتمادية اليابانى ؟؟ دى حقيقه . و بالتالى تفكير رينو ناجح فى انها تستخدم اعتمادية اليابانى و فخامة و اوبشن الفرنساوى . ما عملتش زى بيجو لما اشترت سيتروين . يعنى معناه ما فيش جديد و بالتالى بتلاقى مشاكل الستروين ال سي اليزيه نغس مشاكل البيجو 301

المشاركة الأصلية كتبت بواسطة yasser100

يا باشا الناس تزعل ليه من كلمة اعتمادية اليابانى ؟؟ دى حقيقه . و بالتالى تفكير رينو ناجح فى انها تستخدم اعتمادية اليابانى و فخامة و اوبشن الفرنساوى . ما عملتش زى بيجو لما اشترت سيتروين . يعنى معناه ما فيش جديد و بالتالى بتلاقى مشاكل الستروين ال سي اليزيه نغس مشاكل البيجو 301

هما اصلا عربيه واحده بس مغيرين اللوجو :))))
ومع كده الناس بتشتري ال 301 وتقولك الاليزيه وحشه
شعب عظيم بطبعه :)