الموضوع: انا بكره ابويا

المشاركة الأصلية كتبت بواسطة طارق _عبد السلام

مش عارف ليه كل ما الاقى لك رد انت بتدعى على ابوك بزعل جدا فى نفسى .. مع انى متعاطف معك

بس مش بالطريقه دى .. مكن فعلا صفات والدك فيها من السوء بس مفيش حد بحقر ويسفه فى ابوه بالطريقه البشعه دى... حاسس انك بتكرهه جدا بس بردوا حاسس انك بتبالغ فى الكره فى سرد موضوعك

بذكرك ان اختك كان عندها (سنتين) فقط وبتاكل طعميه من غير عيش وابوك ضربها جامد جدا .... لدرجه انها كل ماتفتكرها له تعيط .... دى المبالغه فى الكره لان سنتين دى محدش يفتكر اى حاجه حلوه او سيئه واربع سنين كمان محدش يفتكر اى حاجه حلوه او وحشه حصلت له

والدك ممكن يكون قاسى فعلا وعنيف فعلا وفيه كل الصفات دى... بس ده ابوك .. وانت بتقول انكم بستتعروا منه ..؟!!! كتير قوى الكلام ده .. دا لو ماسح احذيه او شغال عربجى .. جزمته على دماغى لانه والدى... يا عزيزى احمد ربنا انه عوضك بأم فاضله ربنا يحفظها .. واخوات ربنا يحفظهم لك... ابوك كما تقول عمره 62 سنه يعنى مش هيعيش ... العمر اللى عاشه... وانت بتتكلم عن عقوق الوالدين وعارف انه ذنب كبير ومع ذلك وقعت فى خطأ انك بتتمنى ان تراه ذليل وهكذا ... واين قول الله تعالى واخفض لهما جناح الذل من الرحمة وقل رب ارحمهما كما ربيانى صغيرا..... انت صبرت كتير جدا اصبر واحتسب وادعوا له بالهدايه والرحمه

اللى بتعيط لما تفتكر الموضوع ده امى مش اختى .

انا فعلا فاكر حاجات منه وانا عندى 4 او 5 سنين مش فاكر طبعا التفاصيل بس فاكر المةقغ غير طبعا لما الموضوع يتحكى او أسأل امى

المشاركة الأصلية كتبت بواسطة lonedoctor

السلام عليكم اخى الكريم كلامى لك صحيح ان كنت ماقلته لنا صحيح ايضا فنحن لم نسمع الا من طرف واحد وهو انت
الكثير من الناس ينظرون للعلاقة بين الابوين والابناء انها علاقة بر واحسان من طرف واحد وهذا المفهوم ليس صحيحا على الاطلاق من الناحية الشرعية والعقلية
حديث مرفوع) حَدِيثٌ : " رَحِمَ اللَّهُ وَالِدًا أَعَانَ وَلَدَهُ عَلَى بِرِّهِ " ، أبو الشيخ في الثواب من حديث علي ، وابن عمر به مرفوعا ، وسنده ضعيف ، ورواه أبو عمرو النوقاني في معاشرة الأهلين له من رواية الشعبي مرسلا ، بدون ذكر علي ، وفي مسند الفردوس عن أبي هريرة رفعه : يلزم الوالدين من البر لولدهما ما يلزم الولد ، يؤدبانه ويزوجانه . وللديلمي عن معاذ بن جبل مرفوعا : رب والدين عاقين ، الولد يبرهما ، وهما يعقانه ، فيكتبان عاقين ، وقد ترجم البخاري في الأدب المفرد بر الأب لولده ، وساق عن محارب بن دثار ، عن ابن عمر أنه قال : أسماهم اللَّه عز وجل أبرارا ، لأنهم بروا الآباء والأبناء ، فكما أن لوالدك عليك حقا ، كذلك لولدك عليك حق ،
, جاء رجلٌ إلى أمير المؤمنين عمر بن الخطَّاب -رضي الله عنه- يشكو إليه عقوق ابنه، فأحضر سيدنا عمر بن الخطَّاب -رضي الله عنه- ابنه, وأنَّبه على عقوقه لأبيه, فقال الابن: يا أمير المؤمنين, أليس للولد حقوقٌ على أبيه؟ قال: بلى, فقال: فما هي يا أمير المؤمنين؟ قال: أن ينتقي أمه، وأن يحسن اسمه، وأن يعلِّمه الكتاب –القرآن- فقال الابن: يا أمير المؤمنين, إنه لم يفعل شيئاً من ذلك، أما أمي فإنها زنجيةٌ كانت لمجوسي، وقد سماني جُعْلاً -أي خنفساء- ولم يعلمني من الكتاب حرفاً واحداً, فالتفت أمير المؤمنين إلى الرجل, وقال له: أجئت تشكو عقوق ابنك؟ لقد عققته قبل أن يعقَّك، وأسأت إليه قبل أن يسيء إليك.
للاسف الشديد ان كثيرا من الاباء ذوى النفوس الشيطانية والقلوب المريضة اذاقوا ابناءهم سوء العذاب وظلموهم اشد الظلم وظنوا انهم غير محاسبون بل هؤلاء فقدوا ابسط معانى الانسانية وفطرتهم بهيمية بل ان الحيوانات افضل منهم لانهم جبلوا على الرحمة بابنائهم وتلك هى الفطرة الطبيعية التى فطر الله الناس عليها ولذلك لم يحتاج القرءان ولا الكثير من ادلة الشريعة ان توصى الاباء بابنائهم ابدا لان ذلك لا يحتاج اليه ابدا
اتعجب كيف ان قلبى يتمزق لو تالم ولدى لاتفه سبب وهذا الرجل في قلبه من القسوة والغلظة ما يخرجه من دائرة الانسانية
ان كل الاحاديث العامة التى حرم الله بها الظلم على عباده وكل الادلة التى تمنع الضرر بكل انواعه والحفاظ على النفس والدين وغيرها من مقاصد الشريعة تجعل والدك واقع فى اثم كبير وذنب عظيم سينال عقابه اجلا او عاجلا ان لم يتب عما هو فيه
اعانك الله وفرج همك ولو كنت مكانك وعندى من الامكانيات ما يجعلنى استقل بحياتى وابتعد عن هذا المخلوق الذى فقد كل معانى الابوة والرحمة والذوق والدين لفعلتها الان وليس له على شئ سوى ادنى درجات البر من عدم الايذاء وعدم القطيعة فقط وبعد ذلك ارض الله واسعة
تقبل تحياتى

جزاك الله خيرا على النصيحة والدعاء .

المشاركة الأصلية كتبت بواسطة غزلة

الا يا ابني٠ بلاش مش قادر اسامحه ربنا ينتقم منه سمحة و انت الكسبان

فعلا مش عارف

المشاركة الأصلية كتبت بواسطة banzai

هو الجيل اللى كان شباب ايام عبد الناصر او بعديه بفتره قصيره ده فيه كتير منه شر و انت مش ابوك بس اللى كده انا اعرف ناس كتير بالشكل ده , العقليه المتحجره اللى فاكر نفسه هديه للبشريه و ان طلب شىء فهو كن فيكون هو السيد الاعلى و لازم طلباته تكون مجابه و هو المهم ولا غيره بشر ولا ليهم لازمه من غيره
و هو فى حقيقة الامر الناس كلها نازله تريقه و مسخره عليه و لو دخل على حد او كلم صديق بيبقى قلبه مقبوض و بيتمنى الشخص ده يمشى من قدامه
بص من الاخر كده و حتى نكون على صراحه و صدق , اللى زى ده اقرب الناس ليه بيتمنو هدته و مرضه و انه يفضل نايم ملهى فى تعب صحته لانه ببساطه بقاله عقود من الزمن بيعذبهم و هما مطالبين يستحملو
بص يا زعيم محدش بياخد زمنه و زمن غيره و دلوقتى انت الراجل و انت الحامى للاسره انا مبقلكش تهينه او تبهدله
لكن تصدى له فى اى محاوله منه لاهانة والدتك او اخواتك البنات بالذوق و الادب لكن بحزم
مثلا معلش يا بابا مينفعش تعمل كده معدش ينفع تعمل كده
والدك مع الوقت هيبتدى يدرك ان الزمن اتغير و انه اصبح كهل و موازين القوه اتغيرت و هيتكيف مع الوضع الجديد بعد حسبه بسيطه منه ان اللى معاه وصلو لمرحلة الانفجار و انهم ممكن يسيبوه و مش يخدموه (جربو مره كلكو تسيبولو البيت و تروحو شقتك الخاصه او اى حد منكم و سيبوه قاعد لوحده , ده سلاح نووى بالنسبه لترويض النوع ده من البشر ) و صدقنى ده فعلا اللى هيكون كابوس بالنسبه له و هتلاقى حاجات كتير جواه اتغيرت و متتفجأش لو قولتلك انه ممكن يوصل انه يقول من فضلك او لو سمحتى لامك او لاخواتك البنات لما يطلب منهم طلب
الناس دى حلها العين الحمره من الزوجه و الابناء لكن فى حدود المعقول

الف شكر على النصيحة . بس موضوع الشدة ده ميناسبناش خالص

المشاركة الأصلية كتبت بواسطة ahmed abdkarim

ربنا يصبرك . القلوب بين كفى الرحمن يقلبها كيفما شاء . الحب والكره مش بإيدك . بس إياك وعقوق الوالدين

مشكور

المشاركة الأصلية كتبت بواسطة ashouhdy

قريت ردودك وانت انسان طيب ومش بتحب الشر و بتحبة علي الرغم من كل كلامك

وكل اللي بتقولة انك مضايق منة عشان انت بتحبة علي فكرة

ربنا ما يوريك شعور الكرة

شعور الكرة مش حوصفهولك ... اللي انت فية دة ذعل و غضب

من الاخر يا صديقي ... استحملة وراعية ابوك ضحية ظروف شغل و حياة ومن غيركم حيموت.

تجنب العصبية معاة واعمل امامة كل ما تتمناة منة

بوس امك احضن اخواتك صلي قدامة كل دة قدامة ... وهو حيتغير

ابويا مش حيتغير وهو قالها بلسانه قبل كده اكتر من مرة .

المشاركة الأصلية كتبت بواسطة باسم يوسف

اعصر علي نفسك لمونه لحد ما تنفرد بحياتك الخاصه

و لحد ما تنفرد بحياتك الخاصه خد والدك علي قد عقله

و كبر دماغك و احمد ربنا انك راجل مش بنت هتفضل تحت ايد ابوها لحد ما تتجوز

قضي اخف من قضي

الحمد لله . متشكر على النصيحة الغالية

المشاركة الأصلية كتبت بواسطة kemoztanta

أنت بطل !
بس عايز اقولك يابطل .. انسي كل القساوة والايام السودة دي كلها .. اعتبرها خير وحصلك عشان لما تتجوز تعرف تربي اولادك انت صح
والدك عمره انتهي خلاص .. عاش حياته فاشل واب سىء ومابيدك حيلة غير انك تقول عليه العوض وربنا يعوضك خير في اسرتك وتكون سند لإخواتك البنات
والدك مكنش له جواز ولا مسئولية و مش هيتغير لحد مايموت
معلش استحمل وخللي تفكيرك انك تستقل بحياتك وابعد عنه في اقرب وقت .. بلاش تحتك بيه عشان الشحن اللي جواك ضده خايف يخليك تتعصب وتمد ايدك في يوم عليه ودي من الكبائر حتي لو الوالد كافر..
انا حاسس بيك وقد ايه الاب دا دمر فيك حاجات كتير حلوة .. بس متدمرش حياتك ومستقبلك بالماضي الاسود دا.. ايام وعشتها وراحت في ستين ***
قول الحمد لله وربنا يقدرك ويعوضك خير في باقي حياتك
وكل التوفيق ليك وعامل ربنا فيه .. عامل ربنا فيه.. هو خلاص فاضلة كام سنة ويروح للي خلقة وربنا يعوضك عن كل اللي عمله فيكم

متشكر جدا . ربنا يكرمك

المشاركة الأصلية كتبت بواسطة wael890610

اولا انت انسان شجاع لان معظم الناس اللى بيواجهو مشاكل زى دى ما يرضوش يقولوا علشان حجم النصائح المكرر من الدعاء له بالهدايه او الصبر على وكده
ثانيا انا فاهم جدا اللى حضرتك بتقوله ومستوعبه
ثالثا حضرتك مش دكتور نفسى علشان تعالج والدك وحتى لو حاولت هو مش هايقبل منك بالذات
رابعا انت عندك ضغوط فى الشغل وضغوط فى البيت وفى كل حته حواليك فحاول تكون كويس معاه ومتستناش يكون كويس معاك لان ده هايزود ضغطك
خامسا عيش حياه جمييله وهاديه وربى اولادك صح بعد ما شوفت الغلط وقلل الضغوط اللى حواليك على قد ما تقدر
سادسا ما تعلقش فشلك مع باقى اهلك على شماعه والدك وحاول تكون انت عوضهم
سابعا ربنا قادر على كل شيء

الله يخليك . حضرتك فسرت اللى انا حسس بيه فى اول خمس نقط

المشاركة الأصلية كتبت بواسطة ibrahim sallam

ليه مصمم تسودها قلتلك اقلب الصفحه هتلاقيها بيضه من الناحيه التانيه

المشكله دلوقتي مش مشكلة الوالد المشكله مشكلتك انت.

انت شايفها سواد في حين ممكن تشوفها بيضا بس من الناحيه التانيه

وقلتلك ازاي تشوفها بيضا وازاي تتعامل معاها

انت مصمم مش تشوفها غير من السواد اللي مش شايف غيره.

أخشى عليك بهذه الردود أن تتشرب من الوالد ما ليس تحب

حاول ترقق قلبك قليلا .

ومع ذلك انا مقدر الظرف الذي تمر به ومقدر هذا الشعور

لكن هذا لايمنع من ابداء النصح حتى وإن كان عنيفا نوعا ما

المشكلة ان الصفحة من كتر سوادها نقعت اسود على الناحية التانيه

لا حول ولا قوة الا بالله
اعتقد ان اللى عمله ابوك ده نابع من نفس المعامله اللى كان ابوة بيعاملهالو ومع الاسف بيعتقد ان هوا ده التربيه الصح مع ملاحظه ان ظروفه ممكن تكون مش مضبطه بس انت قولت انه ورث بس برضه ضيق الفلوس خلاه بخيل شويه او حريص على الفلوس
ملخص الكلام سيظل ابوك وتحمل اسمه وليك عليه بره وحسن معاملته علشان ربنا يكرمك
انا عايز منك طلب ورجاء اوعى تعامل ولادك بنفس المعامله حاول تعطيهم الحنان اللى افتقدته مع والدك
واعتقد ان ربنا يباركلك فى ام طيبه وحنينه عليك
ربنا يوفقك فى حياتك وعامل والدك بما يرضى الله معلش حتى لو هتمثل عليه الحب والود
تحياتى

المشاركة الأصلية كتبت بواسطة m7amd_7amdy

معلش متزعلش منى انت لو فضلت بطريقتك دى لا هتشوف خير ولا حاجة حلوة فى حياتك ابداا
انا حزين جداا على كلامك على ابوك وحتى لو معاك حق من اللى انت شوفته بس ميصحش تقول كده على ابوك

أبويا قالى قبل كده أتمنى ابويا ( جدى) يرجع تانى ويضربى علق كل يوم ويهزقنى ويمرمطنى بس يبقى موجود واعيش بحسه !
أنت أبوك ده بالنسبة لناس تانية (حلم) ويتمنوا يبقى حقيقة وحتى لو كانت صفاته أوحش من اللى انت ذكرتها
عارف مين الناس دى؟ اللى عايش من غير أب وده حقيقى وأسأل أى واحد ابوه ميت وشوف هيقولك ايه
او جرب واشتكيله من ابوك وشوف رد فعله ايه إن مقالكش ياريت يكون أبويا عايش ويعاملنى اسوء من كده أبقى انا معرفش حاجة

معلش فى الكلمة انت ولا تسوى حاجة من غير أبوك ولولاه مكنتش انت موجود من الاساس ولا كتبت الموضوع ده هنا
أخلص نيتك لله مش لحد تانى وعامل أبوك بما يرضى الله واللى ربنا أمر بيه
وخد بالك دى عجلة ودوارة وداين تدان يعنى هتلف تلف وهتلاقى ابنك يكرهك ويتمنالك الشر والمذلة زيك بالظبط
ومش شرط تكون انت حنين بقه أو ماشابه عشان تقولى هيبقى كويس معايا عشان هعامله كويس ( انسى )

إلحق نفسك واشترى أخرتك وراحة لدنيتك بعد ماتتجوز وتخلف وتشوف الذل وانت فى سن ابوك
ده يا أخى ربنا بيرزقك عشانه واما يموت الباب بيتقفل

أنسى معاملة أبوك ليك وانت صغير وابدأ من جديد وهاوده ووده ومينفعش تتجنبه لآ صاحبه هزر معاه
ومتشدش معاه فى اى كلام سيبه براحته وخد بأيده من غير ماتحسسه بحاجة وأكسب ثواب
انك تنتشله من عقاب ربنا وفى نفس الوقت يكون هو راضى عنك وربنا اللى بيحاسب مش احنا

وفى الاخر متزعلش من كلامى لو جارح شوية بس انت لو تعرف رضا الأب والام ازاى مكنتش كتبت الكلام ده كله

وربنا يهديك للصواب ويهدى ابوك ويصلح الاحوال ان شاء الله

اللى ابوه متوفى بيتمنى اب زى ابويا او أسوء لانه مشافش ابويا لو شافه حيكره نفسه مستحيل تحكم على حد بدون التعامل معاه . مثلا العطشان اللى تايه فى الصحراء ممكن يشرب بول بس ممكن كوبايه واحدة كفاية انما تخيل بعد الكوباية الخمسين حيبقى شعوره ايه .

اما انها عجلة ودوارة فمعتقدش ان الموضوع كده مع انى بعامله باحترام .
وحضرتك لو عشت اسبوع مع ابويا صدفنى حتغير رأيك تماما .
عموما ا
متشكر جدا على مشاركة واهتمام حضرتك