يا باشا شكرا على اهتمامك ورايك القيم ، الفكره اني شايف ان C4 احسن من ميجان بمراحل خاصة ان ستروين بعد ما انضمت مع بيجو اصبحو شركة عملاقه ، واي عربية بيجو او ستروين هتاخد فيها خبرة الشركتين ، اضف اليهم خبرة BMW في الموتور الجديد واللي واخد تقييمات اكثر من رائعة واصلا كفاية انو تعاون مشترك بين ثلاث شركات عملاقة وعريقة ، وكمان شكلا ال C4 اجمل بكتير ، وعز العرب كتوكيل انا شايفه انو كويس جدا ، خاصة اني ليه هناك علاقات طيبه مع اكثر من مسئول وطبعا ده هيكون له تأثير ايجابي ، وحتى لو مده مش موجود انا شايف انهم كل يوم بيبقو احسن من اللي قبله ومهتمين جدا خاصة بالماركات العاليه زي سيتروين وجيب وبي ام ، وزي ما قلت فوق ان الجديد كل قطعه غاليه لما تكون اصلي والأصلي بيكون معمر اكتر بكتير من التقليد فهتلاقيه ارخص في الأخر ، وبالنسبه لاعادة البيع اعتقد كله بيقل بنسب متقاربه لما تبيع بعد 5 سنوات او اكتر واصلا ايه اللي يخلي الواحد يشتري عربيه ب 150000 ويبيعها قبل كده خاصة لو محافظ عليها والبديل انك تحصر نفسك في ماركتين ثلاثة مليين الدنيا وأسعارهم غاليه اعلى من قيمتهم بكتير زي الهيونداي واللانسر والحجات اللي ماليه الشوارع لمجرد انك خسارتك هتكون اقل لو بعت بعد سنتين ثلاثة وانت اصلا خسران من الأول لأنك دفعت فيهم اكتر من قيمتهم بكتير وبتبيعهم بعد فتره قليله لأن جودتهم مش عاليه زي الأوربي ولا كمالياتهم بنفس الجودة ولا يستحملو معاك فترة طويله ويفضلو محتفظين برونقهم ،
دي وجهة نظري ، ومستني تعليقك
المفضلات