سيتروين C4 FaceLift 2009 : قمة الروعة

**M.Mokhtar** · 27-10-2008 04:49 PM

المشاركة الأصلية كتبت بواسطة fahd_628

لو بالنسبة لك قطع الغيار و التوكيل يبقى ابعد عن الستروين :( للأسف دة لو يفرق معاك لكن لو زيى بتركب العربية الى تعجبك يبقى توكل على الله

+1000000000

ما انصحش اى واحد خارج القاهره والجيزة يجيب العربيه دى
عشان مش هيلاقى اى حد بيفهم فيها غير تةكيلها اللى سمعته برده مش قد كده وملوش مراكز صيانه كتير
يعنى ملزم بمكان معين للصيانه

**Eng.Sameh** · 27-10-2008 05:02 PM

المشاركة الأصلية كتبت بواسطة fahd_628

بصراحة انا مبفكرش لما بشترى العربية فى اعادة البيع و قطع الغيار و كدة :)

انا بفكر انى اركب عربية حلوة و اهم حاجة تكون عجبانى و مناسبة ليا

و بصراحة الى بيشترى ال C4 بحسة راجل مزاج عالى و بيفهم :) لأن العربية روعة جدا و مفيهاش غلطة بصراحة و انا بحبها جدا جدا بس المشكلة لو بالنسبة لك قطع الغيار و التوكيل يبقى ابعد عن الستروين :( للأسف دة لو يفرق معاك لكن لو زيى بتركب العربية الى تعجبك يبقى توكل على الله

انا على فكره بفكر زيك بالظبط ، وغير كده انا عاوز اشتري عربيه عاليه عشان اخليها معايا 10 سنين او اكتر واحافظ عليها ، ومتهيالي بعد الفتره دي كله بيتساوى في الخساره ، وبالنسبه لموضوع الصيانه وقطع الغيار ، انا اصلا اي عربيه زيرو هجيبها في الرينج ده ، مش هعمل فيها حاجه غير في توكيلها عشان تفضل زي ما هيه ، وغير كده بالنسبه عز العرب عامل خدمة اعطال للستروين وبي ام والحجات العاليه اللي عندو بحيث لو حصل معاك حاجه في منطقه بعيده بيبعتلك ونش ياخد العربيه من اي مكان ، ونا مش عاوز اكتر من كده ، وكمان اصلا معظم العربيات الجامدة هتلاقي انتشارها قليل نسبيا زي الجولف والليون وما شابه ، ولو فكرت في النقطه دي ، هتركب هيونداي او لانسر او ما شابه ، وشكرا على كده ،

ولا انتو ايه رأيكم في الكلام ده ؟

**sa3dawy** · 27-10-2008 05:08 PM

خلاص بقى ... توكل على الله وخلاص .. الف مبروووك

**Eng.Sameh** · 27-10-2008 05:11 PM

المشاركة الأصلية كتبت بواسطة sa3dawy

خلاص بقى ... توكل على الله وخلاص .. الف مبروووك

شكلك زهقت مني يا حج سعداوي :) اعزرني اصل ال 150000 مش مبلغ سهل تدفعه في عربيه

**M.Mokhtar** · 27-10-2008 10:56 PM

المشاركة الأصلية كتبت بواسطة justs

بحيث لو حصل معاك حاجه في منطقه بعيده بيبعتلك ونش ياخد العربيه من اي مكان

متأكد من الكلام ده؟

المشاركة الأصلية كتبت بواسطة justs

شكلك زهقت مني يا حج سعداوي :) اعزرني اصل ال 150000 مش مبلغ سهل تدفعه في عربيه

واضح انك مقتنع جدا بالعربيه
ودى اهم حاجة فى العربيه اللى تشتريها
وبما ان العربيه عجباك ومقتنع بيها وعارف كل حاجة عنها يبقى توكل على الله
هو ده الاساس

**sa3dawy** · 28-10-2008 12:45 AM

المشاركة الأصلية كتبت بواسطة justs

شكلك زهقت مني يا حج سعداوي :) اعزرني اصل ال 150000 مش مبلغ سهل تدفعه في عربيه

ازهق من اية بس ياراجل دا احنا اخوات

بس على فكرة العربيات بتيجى مرة واحدة كدا لو قعدت تخططلها مش هتجيب حاجة
لو عاجباك روح اول معرض واحجزها والف مبروووك هيا مش بيجى الا كدا

**Eng.Sameh** · 28-10-2008 01:22 AM

المشاركة الأصلية كتبت بواسطة sa3dawy

ازهق من اية بس ياراجل دا احنا اخوات

بس على فكرة العربيات بتيجى مرة واحدة كدا لو قعدت تخططلها مش هتجيب حاجة
لو عاجباك روح اول معرض واحجزها والف مبروووك هيا مش بيجى الا كدا

يا باشا ربنا يخليك ، وطبعا انا عارف اننا اخوات انا بس بهزر معاك ، وهيه فعلا العربية عجباني جدا لدرجة اني كنت اجلت قرار الشراء ، بس لما اهتميت بيها وقريت عنها عشان صاحبي اللي ناوي يشتريها ، عجبتني جدا وبدأت افكر جديا اني اشتريها ، بس تقدر تقول من كتر ماهي عجباني بطمن منكم من اختياري ، احسن تكون فيه حاجه غايبه عني او مش واخد بالي منها وانت عارف مراية الحب عاميه :) وانا فعلا بقيت منبهر بيها

**Eng.Sameh** · 28-10-2008 01:26 AM

المشاركة الأصلية كتبت بواسطة M.Mokhtar

متأكد من الكلام ده؟

واضح انك مقتنع جدا بالعربيه
ودى اهم حاجة فى العربيه اللى تشتريها
وبما ان العربيه عجباك ومقتنع بيها وعارف كل حاجة عنها يبقى توكل على الله
هو ده الاساس

متأكد 100% وسائل في التوكيل وهما اللي قالولي ان الخدمة دي لكل عربيات سيتروين وكمان الضمان سنتين مفتوح بدون حد اقصى للكيلومترات ، ومن ناحية انها عجباني ، فهي عجباني برجة تخوف ، ويمكن ده اللي مخليني محتاج انكم تأكدولي رأيي أحسن اكون مسحور :)

**Scent7104** · 28-10-2008 01:07 PM

المشاركة الأصلية كتبت بواسطة justs

متأكد 100% وسائل في التوكيل وهما اللي قالولي ان الخدمة دي لكل عربيات سيتروين وكمان الضمان سنتين مفتوح بدون حد اقصى للكيلومترات ، ومن ناحية انها عجباني ، فهي عجباني برجة تخوف ، ويمكن ده اللي مخليني محتاج انكم تأكدولي رأيي أحسن اكون مسحور :)

أولا ألف شكر على الصور و المعلومات
بس ايه أخبار المازدا ... على فكرة حضرتك تنفع بياع جدا Sales Man يعني... لأن بصراحة أول ما حضرتك بتتكلم عن عربية بتدخل دماغي و اقعد اجيب عيوبها و مميزاتها و اقارنها باللي قبلها و ده نادر لما بيحصل... حضرتك بتتحمس للحاجة زيادة بس أحب أضيف لحضرتك حاجة:
1- السيتروين أسعار قطع غيارها غالية نار يمكن أغلى من البيجو كمان
2- سنتين ضمان مش فترة كبيرة و الله يجازيه عز العرب
3- الصيانة عند عز العرب حدث و لا حرج

يعني ده على السريع كده و مش هادخل في سعر اعادة البيع و خلافه على اعتبار ان حضرتك مش هتزهق من العربية خالص و مش هتحن New technologies اللي هتنزل في خلال الكام سنة اللي جايين

**Eng.Sameh** · 28-10-2008 03:33 PM

المشاركة الأصلية كتبت بواسطة Scent7104

أولا ألف شكر على الصور و المعلومات
بس ايه أخبار المازدا ... على فكرة حضرتك تنفع بياع جدا Sales Man يعني... لأن بصراحة أول ما حضرتك بتتكلم عن عربية بتدخل دماغي و اقعد اجيب عيوبها و مميزاتها و اقارنها باللي قبلها و ده نادر لما بيحصل... حضرتك بتتحمس للحاجة زيادة بس أحب أضيف لحضرتك حاجة:
1- السيتروين أسعار قطع غيارها غالية نار يمكن أغلى من البيجو كمان
2- سنتين ضمان مش فترة كبيرة و الله يجازيه عز العرب
3- الصيانة عند عز العرب حدث و لا حرج

يعني ده على السريع كده و مش هادخل في سعر اعادة البيع و خلافه على اعتبار ان حضرتك مش هتزهق من العربية خالص و مش هتحن New technologies اللي هتنزل في خلال الكام سنة اللي جايين

أولا : يا باشا ألف شكر على الكلام الجميل ده ،

ثانيا : بالنسبه لقطع الغيار هيه طبعا غاليه بس مش اغلى من البيجو زي ما انت فاكر ، وكمان هتلاقي معظم الجديد غالي ، يمكن بس البدائل التقليد اللي هيه بأسعار رخيصة مش متوفره ، بس ده في وجهة نظري مش عيب ، وده لأني عن نفسي افضل اجيب الأصلي الغالي لأنه هيحافظ على العربيه وكمان هيعيش اكتر بكتير فهتلاقيه في الأخر ارخص وده على الأخص في الأساسيات والميكانيك اكتر منه في الأكسسوار واللي هوه لو حاجه حصلت فيه هيتغير ببلاش تبع التأمين وحتى لو مش مامن بتبقى حجات قليلة.

ثالثا : سنتين ضمان بالنسبه لناس كتير ومنهم انا لما تكون مفتوحة احسن بكتير لأني ال 100000 اللي في العربيات التانيه هيخلصو معايه في سنه بالكتير

رابعا : اسعار الصيانه في عز العرب مش غاليه للدرجه دي ، وممكن تتأكد من الناس اللي معاهم جين2

واحب اوضحلك حاجه ، اني مش بتحمس لعربيه غير لما تكون تستاهل ، يعني مثلا لما كنت متحمس للجين2 كان بالنسبه للهاي لاين واللي مش هتنزل وكان بالمقارنه بسعرها ، والمازدا3 بردو ممتازه يعيبها فقط التوكيل الغير موجودج وانها واطيه وكمان شكلها هيتغير السنه الجايه ،
لكن ال C4 Facelift كنت اصلا بشوف تفاصيلها عشان واحد صاحبي ، ولما جمعت عنها معلومات كتير وعرفت مزاياها خاصة بعد التعديلات في الشكل والموتور ومدى جودة الخامات الخاصه بها وكمية الكماليات عالية التقنية ، خلتني فعلا مقتنع بيها جدا واعتقد انها احسن عربيه في فئتها السعريه واعلى شويه كمان ، وبجد مش لاقيلها عيب ، وعلى فكره العربيه دي شعبيتها بره رهيبه وباعت 1000000 عربيه في الأربع سنين اللي فاتو ، شوف بقه بعد التعديلات دي هتعمل ايه؟

بالنسبه لتغيير العربيه وسعر اعادة البيع ، كله بعد خمس سنين بيقل تقريبا نفس النسبه ، وانا اصلا هدفي اني اخلي العربيه معايا 10000 سنين مثلا ، وعشان كده بدور على حاجه عاليه في الكفائه والتكنولوجيا ،

عموما ارجو اني اكون بافيدك انت والأخرين ، والله ولي التوفيق

الموضوع: سيتروين C4 FaceLift 2009 : قمة الروعة

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

seat leon 2009 facelift

The New Skoda Octavia Facelift for 2009

4 ساعات فى منتهى الروعة مع حفل افتتاح اوليمبياد بكين 2009

Elantra 2009 Facelift

Hydunai Elantra 2009 Facelift - شكل جديد لانترا 2009

الكلمات الدلالية لهذا الموضوع

المفضلات

المفضلات

ضوابط المشاركة