الموضوع: سيتروين C4 FaceLift 2009 : قمة الروعة

المشاركة الأصلية كتبت بواسطة mandooo

العربيه دى انا بعشقها موووت وكان نفسى اجيبها بس محصلش نصيب بسبب موضوع الخساره الكبيره فى اعادة البيع

اسمحولى اعمل تقييم سريع للعربيه دى على هيئه نقاط
المميزات
1- العربيه دى احسن حاجه فيها شكلها الشكل بيبقى وجهات نظر بس انا شايف انها احلى من الاسترا الجديده ومن الليون والبيجو 307 يعنى احلى عربيه فى السوق دى غير من الداخل بالعدادت الديجيتال والتكييف التاتش وشاشة المعلومات والدريكسيون وشكلة المختلف الجميل جدا
2- العزل .....العربيه دى عزلها مش ممكن يا جماعه حاجه تمشى بيها على 130 كم ولا تسمع صوت ولا هواء ولا موتور ولا اى حاجه طبعا عزلها افضل من ابنة عمها البيجو307 وممكن اقول ان عزلها تقريبا نفس عزل الباسات
3-العفشه بتاعاتها جامده قوى مش ناعمه قوى ولا خشنه ولكنها بصراحه انشف من البيجو 307 وفى المقابل ثبات اعلى من البيجو 307
4- التصميم الايروديناميكى وده اكتر حاجه بعشقها فى شركة ستروين استاذه رائده فى التصميم الايروديناميكى اللى يعنى مقاومه الهواء ممتازه وصعب جدا تحس ان الهواء بيلعب فى العربيه اضافة الى الوزن وهو 1275كجم وده وزن عالى بالنسبة لفئتها ويقترب بشده نحو الاوكتافيا a5 اللى وزنها 1290كجم
5- الثبات جامد جامد على اى سرعات واشد من البيجو 307 وده مش كلام لوحدى ده كلان المواقع الاجنبيه والتقيمات العالميه بتقول كدا
العيوب
1- العربيه شدها مش جامد قوى وخصوصا الطلعه يمكن ده يعود لثقل وزنها وكويس ان الموتور الجديد اصبح 120 حصان للتغلب على النقطه دى
2- استهلاك للبنزين مش مثالى يعنى وسط بين الكورولا واللانسر
3- اعادة البيع مش كويسه موديل 2006 حالة الفابريكه حوالى 87 الف
4- التوكيل غالى نسبيا فى قطع الغيار اللى هو عز العرب

يا باشا كلامك زي الفل وفعلا تقييم رائع لعربية اكثر من رائعة ، انا بس كان ليه تعقيب على النقطة الخاصة بإعادة البيع وهو ان صعب جدا ان لم يكن مستحيل انك تلاقي عربية 2006 فابريكة ب 87000 ولو لقيتها يبقى اكيد فيها حاجه ، اذا كانو هما في التوكيل بيشترو العربية بعد خمس سنين ب 90000 جنيه لو محافظ عليها وده من مدير خدمة ما بعد البيع نفسه وطبعا انا سالت على النقطه دي تحديدا واكدت عليها ، واعتقد ان الواحد ممكن يبيعها بره بأحسن من كده بس يصبر في بيعها ويبيعها لحد فاهم ، ولو اعتبرنا ان سعرها بعد خمس سنين زي ما قالو في التوكيل ومش اكتر ، وجينا نبص على مثيلاتها سواء 308 او استرا او ليون ، هتلاقي نفس نسبة الخساره تقريبا ، وطبعا هي مش خساره لأنك ركبت بيهم حاجه عالية وممتازه ، وعموما السوق مبيثبتش على حال ومستحيل تقدر تتوقع سعر اعادة بيع اي عربية بعد خمس سنين يعني مثلا الانسر الجديدة بتخسر كتير في اعادة البيع مش زي القديمة وكذلك الكرولا ، يبقى الواحد يركب الحاجه اللي مقتنع بيها ووقت البيع السوق ساعتها اللي هيحكم ، ومتهيألي عربية بالجمال ده لو الواحد حافظ عليها وعلى صيانتها وخلاها معاه عشر سنين او اكتر هيبقى هوه الكسبان لما يبيعها وكمان بصراحة هي عربية صعب جدا الواحد يزهق منها ولا بعد عشر سنين وخصوصا انها معمره وقطع غيارها حتى لو غاليه بس بردو معمره وجودتها عالية جدا فهتلاقيها في الآخر ارخص من غيرها لما تحسب القيمة مقابل معدل الأستهلاك.

عموما يا باشا انا بشكرك مره تانيه على التقييم الرائع ، وادعيلنا نستلمها على خير

المشاركة الأصلية كتبت بواسطة mandooo

انا واحد صاحبى تانى باع واحده من شهرين تقريبا بس كانت موديل 2007 كانت تبترونيك بس تكييف بكر مش تاتش ان شاء الله هساله واقولكم وعلى فكره هو طلع على البى ام دبليو 116i علشان محدش يقول ان اللى بيبعيها زهق منها
عموما ربنا يوفقك وعقبال استلام العربيه الشبابيه طحن دى واحييك على جرئتك فى سبيل العربيه اللى بتحبها
وتقبل تحياتى

واضح فعلا ان صاحبك ده ركيب ، لأن اختياراته تدل على انه واحد بيفهم وبيستطعم ركوب العربيات ،

والف شكر يا باشا على التحيه رغم اني شايف ان الموضوع مفيهوش جرئه ولا حاجه يمكن بس فيه شيئ من الأختيار الصائب المبني على التحليل العقلي المنزه عن السير خلف الآخرين بدون تفكير ، والا لو الواحد هيشتري العربية عشان ميخسرش فيها كتير لما يبيعها ، يبقى مفيش غير اللانسر القديمة وبعض الهيونداي ، وحتى دول متضمنش بعد خمس سنين او اكتر هيكون حالة السوق في صالحهم ولا لأ وزي ما قلت قبل كده ان مينفعش تفكر في البيع بعد خمس سنين بناءاً على حالة السوق في الوقت الراهن لأن تفكير الناس بيتغير والأقتصاد بيتغير وعوامل كتير عمرها ما بتفضل مشتقره السنين دي كلها ، يعني اللي مبيخسرش كتير دلوقتي ممكن جدا يقع خالص بعد كده واللي بيخسر كتير دلوقتي ممكن يكسب كمان بعد كده ، فالصح ان الواحد يشتري عربية تستاهل تمنها وجودتها عاليه وتعيش معاه ويكون مقتنع بيها ، ويسيب موضوع البيع لوقته لأن ساعتها السوق هيكون مختلف تماما حسب حالته ،

وكمان على فكره البيع بردو شتاره والعربية دي فعلا مفيهاش غلطه ولو حافظت عليها ولما تيجي تبيعها اتقل في بيعها لأنك معاك عربيه فعلا تستاهل ولو بعتها لواحد بيفهم هتعرف تبيعها بالسعر اللي تستاهله ومتخسرش فيها كتير ولا حاجه ، وكفايه اصلا ان العربية جودتها عالية جدا وده يخليك تحافظ عليها وتعيش معاك سنين طويله وتفضل ماسكه نفسها وتتباع ، غير العربيات الكوري وما شابه اللي اخرها خمس سنين وساعتها حالتها هتخسرك كتير يا اما تبيعها بعد سنتين عشان تكون حلتها ماسكه نفسها ،

فكر كده في كلامي وقولي رأيك ، ويا ريت كل اللي يقرأ وجهة نظري دي يقولي رأيه فيها.

http://www.youtube.com/watch?v=7hQf3...eature=related

Eng. Sameh

Kindly check the above link, It's Amazing as u :)

المشاركة الأصلية كتبت بواسطة Moustafa_Farouk

http://www.youtube.com/watch?v=7hQf3...eature=related

Eng. Sameh

Kindly check the above link, It's Amazing as u :)

إيه الجمال ده ، يا باشا الف شكر على الفيديو الأكثر من رائع من عضو اكثر من رائع :) ، وكمان لو شوفت اللون الفضي مع الفرش الأسود اللي بينزل مصر أجمل كمان من الهاتشباك اللي في الفيديو ، بجد الحمد لله أنا سعيد جدا بإختياري وإن شاء الله ربنا يسهل واستلم على خير وأعملكم تقرير بالصور والفيديو كمان ،

سيتروين C4 و بي ام 320

http://www.youtube.com/watch?v=fbNpl...eature=related

المشاركة الأصلية كتبت بواسطة justs

، بجد الحمد لله أنا سعيد جدا بإختياري وإن شاء الله ربنا يسهل واستلم على خير وأعملكم تقرير بالصور والفيديو كمان ،

هو حضرتك حتستلم امتى ؟؟ ١٠٠٠ مبروك مقدماً