الموضوع: شراء سيارة معاقين من بور سعيد أو إستيرادها من الخارج خطوة خطوة (للسادة المعاقين)

السلام عليكم و رحمة الله
انا متابع الموضوع ده تقريبا من شهرين علشان اشترى سيارة مجهزة ليا و بفضل الله تعالى اشتريت العربية من يومين بس يا جماعة انا اشترتها من هنا من القاهرة مش من بورسعيد
لان نسبة الغش و عدم وجود الضمير و اعتبارية ان المعاق ده نديله اى حاجة اهو احسن من قلته و عتبارات اخرى حزنتنى نفسيا و انا هناك بتفرج على العربيات ده غير الجشع المركب فى ارتفاع اسعار عربيات اصلا موديلاتها قديمة او عربيات حوادث جاية من دبى و تم تظبيطها بحيث تبان انها عربيات استعمال نظيف
بصراحة حاجة محزنة
بعد هذه الزيارة قررت انى استورد السيارة من المانيا و اخترت واحدة فعلا اوبل استرا 2001 بس سئلت على الجمارك قبل ماشتريها و اشحنها تخيلوا طلعت الجمارك بس 40.000 جنيه
يعنى لو اشتريت العربية ب 4000 يورو و شحنتها ب 1000 يورو و دفعت جماركها يبقى تقريبا تمنهااااااااااااااااااااا اااا 80.000 جنيه تقريبا
يعنى اشترى واحدة ع الزيرو افضل
بس للاسف هذا الحق غير مكفول للمعاقين ع الاطلاق لان علشان اشترى عربية و ارخصها لازم العربية تكون فاتورتها من الجمارك اجبارى عاشان اخد الخصم الاونطة اللى بيقولوا عليه
المهم
واحد ربنا يكرمه قالى اروح المنطقة الحرة فى مدينة نصر
روحت و ملقتش غير شركة وحيدة هناك اسمها شركة فوجى للصناعة هى شراكة مصرية يابانية و لا تتعامل الا فى موديلات اليابان فقط
بصراحة عجبنى اكتر من حاجة هناك
1- الصدق فى التعامل و الوضوح التام فى عرض مميزات و عيوب الموديلات
2- العرض الجيد لكل سيارة و كذلك استعماها النظيف جداااااااا
3- السيارة بحالتها قبل تعديلها من الدريكسيون يمين الى تحويله يسار و لا ينم التحويل الا بعد التعاقد
4 - التزام فى المواعيد و تاكيدهم انهم مسئولين عن السيارة عند اجراء اى صيانة بواسطتهم
5- السعر المناسب
الحمد لله حجزت تويوتا كرولا من هناك موديل 1998 ب 35 الف و ان شاء الله نستنى الجمارك باذن الله
ادعوا المولى عز و جل ان يرزق كل انسان خير معاق او سليم بسيارة جيدة تكون خير عليه و ليست شر له

الله يبارك فيكم و ان شاء الله اول ما استلمها و ارخصها هارفع صورة فى المنتدى

المشاركة الأصلية كتبت بواسطة ashrafakl

السلام عليكم و رحمة الله
انا متابع الموضوع ده تقريبا من شهرين علشان اشترى سيارة مجهزة ليا و بفضل الله تعالى اشتريت العربية من يومين بس يا جماعة انا اشترتها من هنا من القاهرة مش من بورسعيد
لان نسبة الغش و عدم وجود الضمير و اعتبارية ان المعاق ده نديله اى حاجة اهو احسن من قلته و عتبارات اخرى حزنتنى نفسيا و انا هناك بتفرج على العربيات ده غير الجشع المركب فى ارتفاع اسعار عربيات اصلا موديلاتها قديمة او عربيات حوادث جاية من دبى و تم تظبيطها بحيث تبان انها عربيات استعمال نظيف
بصراحة حاجة محزنة
بعد هذه الزيارة قررت انى استورد السيارة من المانيا و اخترت واحدة فعلا اوبل استرا 2001 بس سئلت على الجمارك قبل ماشتريها و اشحنها تخيلوا طلعت الجمارك بس 40.000 جنيه
يعنى لو اشتريت العربية ب 4000 يورو و شحنتها ب 1000 يورو و دفعت جماركها يبقى تقريبا تمنهااااااااااااااااااااا اااا 80.000 جنيه تقريبا
يعنى اشترى واحدة ع الزيرو افضل
بس للاسف هذا الحق غير مكفول للمعاقين ع الاطلاق لان علشان اشترى عربية و ارخصها لازم العربية تكون فاتورتها من الجمارك اجبارى عاشان اخد الخصم الاونطة اللى بيقولوا عليه
المهم
واحد ربنا يكرمه قالى اروح المنطقة الحرة فى مدينة نصر
روحت و ملقتش غير شركة وحيدة هناك اسمها شركة فوجى للصناعة هى شراكة مصرية يابانية و لا تتعامل الا فى موديلات اليابان فقط
بصراحة عجبنى اكتر من حاجة هناك
1- الصدق فى التعامل و الوضوح التام فى عرض مميزات و عيوب الموديلات
2- العرض الجيد لكل سيارة و كذلك استعماها النظيف جداااااااا
3- السيارة بحالتها قبل تعديلها من الدريكسيون يمين الى تحويله يسار و لا ينم التحويل الا بعد التعاقد
4 - التزام فى المواعيد و تاكيدهم انهم مسئولين عن السيارة عند اجراء اى صيانة بواسطتهم
5- السعر المناسب
الحمد لله حجزت تويوتا كرولا من هناك موديل 1998 ب 35 الف و ان شاء الله نستنى الجمارك باذن الله
ادعوا المولى عز و جل ان يرزق كل انسان خير معاق او سليم بسيارة جيدة تكون خير عليه و ليست شر له :ta_clap[1]:

خي الكريم
اولا: الف مبروك على السيارة وربنا يباركلك فيها
ثانيا: انا كنت عارف موضوع شركة فوجي بس المشكلة في موضع تعديل الدركسيون في ناس خوفوني منه
هل حضرتك سئلت كويس على الموضوع ده وهل مفهوش مشاكل وخصوصا في العفشة وشكل التبلوه
ارجوا افادتي ؟
وشكرا

السلام عليكم ورحمة الله وبركاته
الله يبارك فيكم جميعا و اسف للاخ khhip انى اتاخرت عليه فى الرد
بالنسبة لتغيير فى الدركسيون فلابد منه لان استعمال اليابان يمين و لكن هناك عدة اسباب لاختيارى لهذه الشركة
اولا : انا حاولت انى استورد عربية اوبل استرا 2001 من المانيا لاقيت انى هادفع جمارك بس 40 الف غير تمهنا و حنها يعنى هادخل تقريبا فى 80 الف لان الالمانى سعر و قظع غيار مولع نار ده اذا لاقيته اصلا
فكرت انى اسافر الامارات و اجيبها من دبى فبالصدفة و انا بادور ع النت لاقيت ان العربيات الاستعمال اليابانى اللى بتنزل دبى بتنزل دركسيون يمين و بتتعدل هناك و يرحوا تجار بورسعيد يشتروها من هناك على انها دركسيون شمال و هى متعدلة و الله اعلم ان كانوا عارفين حكاية الدركسيون و لا لأ و يجيوا يسبيعوها على انها وارد الخليج
فى بقى من تجار بورسعيد بيستوردها يمين و يعدلها بنفسه هنا بقى الفرق بينهم و بين فوجى و المشكلة اللى بتخوف الناس من الموضوع ده
1- العمالة فى شركة فوجى مدربة تدريب بمهارة و فيه يايانين بيشرفوا على التغيير ده غير كمان ان التابلوه اللى بيتركب هو تابلوه اصلى من شركة تويوتا نفسها اى تابلوه غير مستعمل و احنا دخلنا الورشة نفسها و شفنا التغيير على عربيات مباعة بالفعل و تم تعديل الدركسيون و شفنا الموتور و فتحة الدركسيون الجديدة و التعديل ازاى بيتم و كمان هما بعد ما بيخلصوا ده كله بيظبطوا العربية كانك شاريها ع الزيرو
2- العمالة فى بورسعيد سريعة التجهيز لتسريع البيع لتسريع المكسب بدون اى تدريب او اى صدق فى المعلومات باى حال يعنى يقولك كلام و العربية ده استعمال معرفش ميتن و عاملة كام كيلو و كمان معملتش حوادث و كلام حلو كتير و لما يبقى معاك واحد خبير ذى والدى يتهربوا منك و يقولوا انه انت مش ناوى تشترى و تتطلع المشكلة فيا مش فى العربية
3- الشركة تعاون يابانى مصرى و ده اللى مطمنى و كمان مدير الشركة اتعهد بعمل اى صيانة لاى مشكلة لا قدر الله و كمان قال ان فيه ناس هيدينا كارت ليهم بتوع التكييف علشان يضبطوا التكييف و ده على حساب الشركة
4- لا يتم عمل اى تعديل فى العربية الا بعد سدادك نصف قيمة السيارة ع الاقل
5 - المعاملة المحترمة الادمية للمعاق و الاهتمام بشخصتيه و تحمل مسئولية تجهيز سيارة بدقة من اجل المعاق باذن الله تعالى
ادعوا الله انى اكون عرضت الموضوع عليك بحيادية و انا اسف للمرة التانية ع تاخيري فى الرد و ربنا يوفقك