الموضوع: عاوزين نهاجر

بص ياخالد باشا فى حل ممكن تعمله
انك تشوف اى حاجة لها علاقة بمجالك ومدة دراستها سنة انشالله دبلومة (طبعا الدراسة فى كندا)
وبعد ماتخلص الحكومة فى كندا هتديك فرصة تدور على شغل بحسب المدة اللى قعدتها يعنى لو قعدت سنتين هيدوك سنتين زيهم تدور على شغل سنة هيدوك سنة
وبما انك عندك الخبرة وكله اعتقد انك ممكن بعد ماتخلص تلاقى شغل بسهولة وتاخد الاقامة وتجيب عيلتك تقريبا عيب الطريقة انك الفترة الاولانية دى مش هتعرف تجيب عيلتك
معرفش اذا كانت الطريقة دى لسة موجودة ولا القوانين اتغيرت بس اعتقد انه لسة
وكمان كان فى ولاية فى كندا كانت من فترة فتحت ابوابها وقالت انه ممكن التقديم للهجرة فيها بدون ان يكون عندك عقد عمل
وانصحك ياخالد باشا تحاول تشوف محامى هجرة لكندا بس يكون فى كندا وكندى سيبك من اللى فى مصر عشان تنجز ويقولك تعمل ايه تحديدا
ونقطة اخيرة حاول تشوف منتديات كندية متخصصة فى مجال عملك تدخل تتكلم معاهم وتشوف الدنيا ماشية ازاى

المشاركة الأصلية كتبت بواسطة zorg

معاك حق بابو باسم استونيا حلوة وبصراحة محدش من اللى انا كلمتهم جابلى سيرتها بالوحش زى لاتفيا مثلا بالرغم من تعليق واحد سلبى من شخص بوسنى هناك بس مش مشكلة
هو من الواضح كمان ان البلد هناك امنة ورعاية صحية كويسة وهادية
بس برضه مفيش معلومات كافية و المشروع اللى عندك خبرة فيه هنا ممكن ميصلحش هناك فالواحد محتار فى النقطة دى - ده غير التفاصيل اللى انا كلمتك فيها زى الضرايب ومصاريف المعيشة واذا كان مشروعك هيغطى النفقات دى او لا الخ
في حاجات كتير والله مخوفانى بس لو فى ايدى كنت طرت صاروخ بس للاسف معنديش فكرة عن ايه المشاريع اللى ممكن تنجح هناك
انا والله كنت ناوى اطلع على ماليزيا شهر 1 بس للاسف اللى قريته وشفته عنها هبطنى فقولت اصبر شوية لشهر 7 او 8 الجايين لعل وعسى الاقى حاجة نظيفة
انا دلوقتى قدامى ليتوانيا بس المشكلة زى ماقلت نفس مشكلة استونيا مش لاقى معلومات دقيقة
لو حد يعرف بقى منتدى للبزنس ممكن الواحد يلاقى فيه ناس من المناطق دى ياخد ويدى معاهم جايز يقدروا يساعدوه بالمعلومات
بس ياابو باسم انتا طلعت لئيم اوى انا كنت فاكر انا لوحدى اللى بدور فى المنطقة المجهولة دى بتاعت استونيا وليتوانيا :)

ده موقع السفاره الاستونيه في القاهره

Estonian Embassy in Cairo

في كل البيانات المطلوبه و ممكن تبعتلهم رساله علي الايميل و تستفسر عن اللي انت عايزه

الموقع ده بيوضح المصروفات العاديه في اوبلاست تالين العاصمه الاستونيه

Cost of Living in Tallinn, Estonia. Prices in Tallinn. Updated Sep 2014

العيشه غاليه بس مش زي غرب اوروبا طبعا

انا كنت بفكر في ارمينيا و جورجيا

صغيرين و هاديين زي استونيا كده بس المشكله المقرفه هي اللغه

جورجيا العيشه فيها رخيصه الي حد كبير و الاستثمارات هناك ممتازه علي حسب كلام مستثمر مصري هناك (عم صديق ليا) بس البلد مليانه عرب و المسلمين هناك قليليين جدا

http://en.wikipedia.org/wiki/Georgia_%28country%29

ارمينيا بلد مجهوله و فيها شويه اكراد و مفيهاش اي تواجد عربي تقريبا بس العيشه رخيصه برضه زي جورجيا و بلد نضيفه و اعتقد ان الاستثمارات هتبقي عنب هناك

http://en.wikipedia.org/wiki/Armenia

برضه ارمينيا فيها فرع للجامعه الامريكيه في اوبلاست يريفان (العاصمه) و علي حسب كلام ويكيبيديا ان 40% من السكان عندهم فكره عن الانجليزي

طبعا ارمينيا و جورجيا بره الاتحاد الاوروبي فموضوع السفر سهل جدا

تأشيره ارمينيا ب 100 دولار باين :)))))) يا بلاش

ممكن تتصفح المواقع دي و تستفيد

Embassy of Armenia to Egypt (موقع السفاره الارمينيه في مصر)

Cost of Living in Tbilisi, Georgia. Prices in Tbilisi. Updated Oct 2014 (تكلفه المعيشه في اوبلاست تيبليسي عاصمه جورجيا)

Cost of Living in Yerevan, Armenia. Prices in Yerevan. Updated Oct 2014 (تكلفه المعيشه في اوبلاست يريفيان عاصمه ارمينيا)

بعد كل ده قولت خلينا في امريكا اللاتينيه عشان موضوع اللغه بس البلاد هناك مجهوله تماما و بعيد هجغرافيا عننا فقولت خلينا في تنزانيا و ربنا يساهل

المشاركة الأصلية كتبت بواسطة zorg

لقيت صفحة على الفيس بتقول الاقامة فى المجر ب10000 يورو مش عارف ده نصب ولا حقيقة ولا ايه
بس الواحد واقع للاخر لدرجة انه فى قوتين جواه بيتصارعوا قوة العقل وقوة عايزة تسمع كلام كويس حتى لو كان من نصاب
دى الصفحة:
https://www.facebook.com/pages/Sahar...28919793925248

لا اعتقد ان هذا الكلام صحيح و بعدين احنا منعرفش المجر فين علي الخريطه اساسا :)))

ده موقع السفاره الاستونيه في القاهره

Estonian Embassy in Cairo

في كل البيانات المطلوبه و ممكن تبعتلهم رساله علي الايميل و تستفسر عن اللي انت عايزه

الموقع ده بيوضح المصروفات العاديه في اوبلاست تالين العاصمه الاستونيه

انا كنت كلمتهم من حوالى شهرين هما وسفارة النرويج و الاتنين ردوا عليا اتنين رخمين قالولى شوف على النت
-
انتا عارف موقع numbeo ده بحس انه اسعار الدول كلها شبه بعض بس هو اللى بيعجبنى فيه معدلات الجريمة و الرعاية الصحية و جودة المعيشة
و الغريب فى الامر ان جودة المعيشة فى مصر -4 :)
لو على اللغة الواحد مستعد يتعلم تايوانى اصلا طالما هيعرف يخلع :)

بناء على مقارنة سريعة فى الموقع جورجيا افضل من ارمينيا من ناحية انخفاض معدلات الجريمة و الرعاية الصحية الممتازة و جودة المعيشة
-
انا برضه فكرت فى امريكا اللاتينية بس فعلا مجهولة وبعيدة وفيه سبب تانى انى حسيت انهم قريبين شوية من العرب :) + الجريمة عندهم عالية ولو انى من يومين قريت ان الاورغواى افضلهم وجودة المعيشة فيها عالية و الرعاية الصحية ممتازة بس مكسل اجمع معلومات
--
تنزانيا دى بقى كنت بجيب لسة فى سيرتها مع واحد امبارح كان راجع من ماليزيا وده نص الحوار اما سئلته عن تنزانيا وازاى يسيب ماليزيا:

هو :
تنزانيا بالنسبه لي احسن بلد فى الدنيا
اتمنى يوم من الايام اعيش فيها
بس عيشتها غالية
انا:
انتا بتتكلم جد؟
بس ايه اخبار التقدم -الرعاية الصحية- مش فاهم ازاى احسن بلد

هو: هههه
لا الكلام دا مش موجود
Simple life

بس هو بطوله لوحده زيك كده فاعتقد ممكن تنزانيا هيبقى شايفها كويسة اما اللى هيمشى بعيلته صعب شوية
عموما لازم ناخد وقتنا ونفكر كويس الطلعة هتكون لفين :)

ربنا يسامحكم الواحد من كتر مابيسمع كلام عن الهجرة زهق من عيشته !!!
لو كل الناس هاجرت البلد دى اللي عاوزين تسيبوها .. مين اللي هايصلح حالها المايل .. البلد دى علمت الدنيا وبهرته بحضارتها ..
وأجدادنا سابوها درة من درر الدنيا .. وجار عليها الزمن وبقت أحوالها كده .. طب مين السبب مش إحنا ؟؟
يبقى المفروض نصلح خطأنا .. هوة حضرتكم فاهمين إنكم هاتلاقو الجنة بره ببلاش مانته هاتطلع عينك وعين .... على ماتحقق حلمك وهاتشوف المر ألوان ..
طب فكرت انته وهوة تتعب نص التعب ده هنا ؟؟ فكرت المجهود اللي ممكن تعمله بره تعمل نصه هنا ..
طب بالله عليكم حد عمل مجهود بجد مرة واثنين وتلاته وملقاش .. طب ليه مستعد تعمل ده بره ؟؟

المشاركة الأصلية كتبت بواسطة zorg

انا كنت كلمتهم من حوالى شهرين هما وسفارة النرويج و الاتنين ردوا عليا اتنين رخمين قالولى شوف على النت

روح بنفسك بدل التليفونات و ممكن تبعت ايميلات كمان

انتا عارف موقع numbeo ده بحس انه اسعار الدول كلها شبه بعض لا خالص في اختلاف و الاسعار شبه حقيقيه بس هو اللى بيعجبنى فيه معدلات الجريمة و الرعاية الصحية و جودة المعيشة
و الغريب فى الامر ان جودة المعيشة فى مصر -4 :)
لو على اللغة الواحد مستعد يتعلم تايوانى اصلا طالما هيعرف يخلع :) صدقني صعب جدا و خصوصا لو اللغه مش شبيهه بالانجليزي والواحد لما بيكبر في السن بيبقي صعب تعلم شئ جديد

بناء على مقارنة سريعة فى الموقع جورجيا افضل من ارمينيا من ناحية انخفاض معدلات الجريمة و الرعاية الصحية الممتازة و جودة المعيشة

ارمينيا مش بطاله برضه

انا برضه فكرت فى امريكا اللاتينية بس فعلا مجهولة وبعيدة وفيه سبب تانى انى حسيت انهم قريبين شوية من العرب :) هما مش ملونين زي العرب بس مش شبه العرب ... الاختلاف كبير في الشكل + الجريمة عندهم عالية ولو انى من يومين قريت ان الاورغواى افضلهم وجودة المعيشة فيها عالية و الرعاية الصحية ممتازة بس مكسل اجمع معلومات

ارورجواي مين يا راجل ؟ ده الرئيس بتاعهم مش بيقبض مرتب اساسا :))))

تنزانيا دى بقى كنت بجيب لسة فى سيرتها مع واحد امبارح كان راجع من ماليزيا وده نص الحوار اما سئلته عن تنزانيا وازاى يسيب ماليزيا:

بس هو بطوله لوحده زيك كده فاعتقد ممكن تنزانيا هيبقى شايفها كويسة اما اللى هيمشى بعيلته صعب شوية
عموما لازم ناخد وقتنا ونفكر كويس الطلعة هتكون لفين :)

طبعا ماليزيا انضف من تنزانيا ب 100 مره بس تنزانيا ارخص و الضرايب اقل بكتير جدا و الشعب التنزاني نفسه بيحب العرب و هتتعامل زي الخواجات هناك

الاتنين فيهم اجانب كتير من كل شكل و لون يعني زي الفل :))))

الاستثمار في تنزانيا اسهل من ماليزيا بكتير

المشاركة الأصلية كتبت بواسطة بحار

ربنا يسامحكم الواحد من كتر مابيسمع كلام عن الهجرة زهق من عيشته !!!
لو كل الناس هاجرت البلد دى اللي عاوزين تسيبوها .. مين اللي هايصلح حالها المايل .. البلد دى علمت الدنيا وبهرته بحضارتها ..
وأجدادنا سابوها درة من درر الدنيا .. وجار عليها الزمن وبقت أحوالها كده .. طب مين السبب مش إحنا ؟؟
يبقى المفروض نصلح خطأنا .. هوة حضرتكم فاهمين إنكم هاتلاقو الجنة بره ببلاش مانته هاتطلع عينك وعين .... على ماتحقق حلمك وهاتشوف المر ألوان ..
طب فكرت انته وهوة تتعب نص التعب ده هنا ؟؟ فكرت المجهود اللي ممكن تعمله بره تعمل نصه هنا ..
طب بالله عليكم حد عمل مجهود بجد مرة واثنين وتلاته وملقاش .. طب ليه مستعد تعمل ده بره ؟؟

سيبهم يا باشا سيبهم و ادعيلهم بالتوفيق. . . مصر بلد ولود و اكتر من نصف سكانها شباب بعكس بلاد تانية بتشيخ
خليهم يسافروا بلاد الله لخلق الله و كن متأكد ان ده لصالح البلد برضه فى النهاية لانه هيتم ترجمته لجاليات كبرى فى دول العالم كله لها مصالح و تأثير و بتضغط لتحقيق مصالحها و مصالح بلدها و نتعلم بقى حاجة من اليهود اللى على قلة عددهم الا ان تأثيرهم كبير على كل دول العالم
عشان كده انا بقول مطلوب ان مصر تبقى اكبر بلد مصدر للبشر لكل دول العالم و التمانية مليون اللى مهاجرين حاليا مطلوب يبقوا تلاتين اربعين مليون
و حتى لو حد مش قادر يستحمل فترة الغربلة اللى البلد فيها حاليا بسبب التقلبات السياسية الحادة فى اخر تلات سنين
الا انه برضه القادم افضل لمصر و شعبها ان شاء الله