بص الشعب متحضر
بالنسبة مقارنة جورجيا بمصر
انا الصراحة شايف جورجيا احسن من مصر كتطور ومعيشة
انا عشت هناك سنة تعب وعدم استقرار بس شفت كمية احترام ومعاملة ادمية ما شفتاش فى خلال 25 سنة ليا فى مصر
الظابط ما يقربش منك الا لو عملت جريمة
الجريمة هناك مخالف يعنى
غير كدة ما يكلمكش ولو كلمك بتفضل فى عربيتك زى الباشا هو يجيلك من عربيتة ياخد رخصك ويرجع عربيته يعمل المخالفة يجبهالك تدفعها فى البنك
الى عايز يروح يستثمر ويعيش لازم يدرس السوق صح ولو حاجة مش فاهم منها يبقى بلاش
شغل الزراعة والاستيراد والمواشى هناك شغل كويس للى يعرف يدوس فيه
الاسعار الشقق غالية فى المناطق الحيوية
لكن انا مثلا كنت قاعد فى منطقة اسمها فركتلى جوة تبليسى بس من نحية طريق سفر انا كنت ماجر فى اخرها من نحية البحر منطقة تحفة والايجار كان بحوالى 1300 مصرى وكانت شقة 4 اوض وصالة وحمامين ومطبخ
فى شقق ممكن تجبها ارخص كمان لو دورت
ونفس المنطق فى التمليك زى ما قلت قبل كدة ممكن تجيب شقة ب10000 دولار وممكن تجبها ب 100000 دولار حسب المساحة والمكان والمنطقة
اكل وشرب فى بيتك يكلفك حوالى من 200 ل 300 لاري يعنى حوالى من 900 ل 1300 مصرى
الاحسن لو حد هيروح يشترى عربية حتى لو صغيرة ب 1500 دولار وتكون غاز
لان البنزين ب 2 لاري اقل حاجة ودا غالى
المفضلات