الموضوع: ملاك الجيتا الكرام ، انا مقبل على شراء السيارة وارجو المساعدة

المشاركة الأصلية كتبت بواسطة joooooo

هههههههههه تصدق قفلتني من العربيه ،، بقى من بعد ماكان معايا سيفيك وكنت بشد مع اي عربيه اقوم لما اجي اجدد اجيب عربيه كل العربيات بتطلع منها ، يعني هو الواحد عشان يجيب عربيه تريحه من مطبات البلد دي العربيه تبقى زي البطه مبتجريش ،، طب وبعدين طيب انا دماغي وجعتني من الحوار ده وشكلي هخش على الكوري بقى وانا كنت طول عمري بتريق عليه وهيبقى شكلي وحش اوي لو جبته بصراحه

فكك بقي من كلمه كوري والله حاجه تحفه و الياباني برضو كويس جدا .. عيب الاتنين دول الثبات بس انا ولله بجيب 200 بالالنترا و انا شايف ثباتها معقول و علي فكره انا سفرت بيها بري من سلطنه عمان لحد مصر 3400 كيلو و وكنت باخد منحنيات بسرعه 150-120 ولما الطريق يفتح بجيب 200
عشان تحس انك راكب عربيه موتور قوي اركب كورولا او سيفك تاني او النترا او سيراتو
ونصيحه مني لو هتجيب كوري جيبه خليجي لان اللي بينزل مصر فرز تالت
الماني كله مشااااكل ودي اقتنعت بيها
لو عاوز تجيب الماني جيبه مانويل او تجيب الماني لحد موديلات 2005

المشاركة الأصلية كتبت بواسطة Joooooo

عندك حق الالماني دلوقتي بقى كله مشاكل ،، والكوري بغض النظر عن الثبات والخامات ضعيفه شويه ، بس برده ليه مميزاته مواتير حلوه وانتشار لقطع الغيار بأسعار رخيصه وسعر اعادة البيع ، لكن كأمان وفرامل مش زي الالماني بصراحه

منا بقولك عشان تحس بامان الكوري جيبه خليجي يكون اتنين ايرباج و abs و ebd
فرامل عندي في الالنترا مفهاش abs بس شغاله بس لو فيه abs +ebd هتبقي زي الفولكس
ده العكس الخامات الكوريه روعه وكله يشهد بخامات السيراتو 2014 و الالنترا برضو نفس الشئ ... الموديلات الجديده من كوريا لا تقل عن الياباني
انا لو مكانك هبص علي السيراتو او الريو او الالنترا او الكورولا بس جبها فيها abs +ebd مع ايموبلايزر وفكك من الالماني ولله ملهوش امان .... فعلا احسن موديلات فولكس كانت الجولف 4 و الباسات b5 و البورا و اوكتافيا a4
اخويا كان عنده الجولف 4 و الان عنده اوكتافيا a4 ولله احسن من العربيات الجديده بتاعت فولكس و بيغير حاجات استهلاكيه فقط و كمان مكنش منتظم في تغير الحاجات الاستهلاكيه و الاتنين ماشاء الله مقصروش ابدا
شوف معاك كام و ظبط امورك و اسمع مني الزيرو زيرو جبلك كوري او ياباني زيرو احسن من الماني مستعمل الف مره

او جيب جيتا الشكل القديم فتيس ست سرعات بس تشوف كل فواتير صيانتها عشان تضمن انه مغير الزيت

المشاركة الأصلية كتبت بواسطة yasser100

اللى معاه 2009 ترخيص 2010 . الفتيس ال 6 سرعات مش dsg و راح برضه للتوكيل على ال 17000 كم علشان رعشه فى الفتيس لما العربيه بتسخن . الجنط 17 فى الجيتا و كنا بننزل من العربيه برضه لما بنكون 2 و هو و حتى فيه مطبات كان بيحك فيها بعد ما ننزل . صعبه قوى فى موضوع الانخفاض ده

باشا وحدة الميكاترونكس و رعشة لما تسخن دي اعراض ال dsg مش ال 6 سرعات

بص يا باشا مبدائيا الجيتا واطية و دي سبب بيعك للسيفك فمش هقدر انصحك بالجيتا
بس انا ادي ليك معلومات برضو
هو انا عندي عربيات الماني منهم الجيتا 2009 فتيس قديم هاي لاين
و كوري النترا 2008 اوتو و مع اصحابي عربيات كوري و ياباني
هم مدرستين مختلفين لكل مدرسة مميزات و عيوب و انت تختار الي عايزه
الاسيوي عربيات بسيطة اعتمادية ناعمة و تكيف قوي بس خامات و تقفيل وثبات و فرامل و تكنولوجي اقل
الاوروبي و الالماني خامات و تقفيل و ثبات و امان و تكنولوجي اعلي مقابل اقل نعومة و تكيف و تحمل مش مناسب قوي للحر و الظروف بتعتنا
المثال علي عربيتن عندي الجيتا خامات و تقفيل ممتاز و احساس مقارب للفئة premium عن ال compact العادية خصوصا عربيتي هاي لاين بطارة ابانوس يعني ركبت كورولا و بعد ما وصلت ل تقريبا 220 الف محستش اي احساس premium فيها خالص فرش باب و قفلة باب مش بشوفها في اي اسيوي خالص جرب تركب كورلا هاي لاين و بعديها جولف 7 هتحس بال انا بقوله دهان و اكصدامات محترمة جدا جدا جدا عندي جروح في الانترا مكنها صدا عندي تجريح في الجيتا تحتيه طبقة رمادي كده بقلها 3 سنين و لسه زي مهي لاصدا و لا هوا اكصدامات مدرعة في الكوري و اليابي
كرتون مقوي ثبات و فرامل و احساس تقل علي طريق فرق حجم و تعقيد فرامل الجيتا عن الالينترا ملحوظ
مرة كنت مسافر ب ريو الشكل الجديد و كنت عايز اتعامل معها زي سواقة الجيتا كنا هنلبس و مع اللاستخدام العنيف للفرامل كفائتها بتقل قوي من السخونة عكس الجيتا
عوامل امان بس ده عندنا في مصر قليلة اوي في الاسيوي عكس الالماني
التكنولجي متفوق جدا جدا في الالماني عن الكوري الجيتا عندي اخر 2009 فيها cornering و drl و بلوتوث ب تحكم كامل ب تقرا المسج و البريد الصوتي و تحديث ال phonebook وتقدر تقفل ال mob و اوامر صوتية و ultrasonic alarm
و شاشة بايانات بتجبلك كل حاجة بدات تنزل في الكوري و الياباني بدرجة اقل من الي عندي الي هي اصلا اتطورت عن الموجوده عندي في الموديلات الجديدة و 4 ازاز تاتش مش موجود غير في الالماني ركبت grand cheroke 2015
الازاز الي وارا مش تاتش !!!
العيوب اعتمادية اقل بس بياثر فيها استخدام قطع الغيار ال مش اصلية لان فرق السعر ما بين الاصلي و التقليد رهيب
فالناس بتسترخص و ده بياثر بس عماتا مش بتاعت بهدلة زي الاسيوي
و التكيف مش بيسحمل الجو بتعنا معطم الالماني من بي ام و اوبل و فولكس جروب جايب كومبريسور مش عارف مريسيدس ايه نظمها
الاسيوي نعومة و عربية سهلة السواقة اعتمادية قوية الالنترا عمالة كيلو متر عالي اوي اوي و بسم الله مشاء الله
بدون اي مشاكل التكيف بسم الله مشاء الله تلج و بدون اي مشاكل
ده كلام عام
اما بخصوص تفاصيل الجيتا بعد استخدام 100 الف كيلو بس الكلام ده علي الفتيس القديم اما ال dsg فده سبب ابعد عن
اي vw
اكبر عيب كومبروسير التكيف بيتعب مع الوقت
الفتيس لو مغيرتش الزيت بالاصلي علي 70 الف اقصي حاجة البودي فالف بيبوظ
طبعا في عيوب فردية و دي في اي عربية بس دول اشهر حاجتين فيها
الموتور مش اد كده بس مش معني كده ان الكل هيطلع منك في عربيات تقيلة كتير بس مش طالع عليها سمعة البطء زي الجيتا و الاوكتافيا بس لو مفتح العربية و مجريها و صينتها و كويسة هتبقي مقبولة و انت معاك ميزة الفرامل و الثبات
الي هتخليك لو بتشد مع حد هتبقي اجرء ممكن تعوض الفرق الي هيحصل لو شد مواتير بس عمتا الشد ده مش كل يوم
استهلاك البنزين في الطرق المفتوحة كويس و بتاكل بنزين في الزحمة شوية و استهلاكها في ال 95 اقل بس شغال ال 92
قطع الغيار عندك من الصيني الرخيص للاصلي الغالي و في ناس كتير فهمين فيها و بقت معروفة
غير كده ركوبة محترمة و احساس اقرب لل premium في الهاي لاين
لو عايز جيتا دور علي اخر 2009 عداد قليل بس الناس بتبالغ في سعرها ساعات بتوصل 170 الف للاقل من 30 الف كيلو
بس لو تعلي ل 140 ممكن تلاقي حاجة نضيفة و كماليات كويسة و عداد مش كبير