الموضوع: ملاك الجيتا الكرام ، انا مقبل على شراء السيارة وارجو المساعدة

المشاركة الأصلية كتبت بواسطة bob12345

بص يا باشا مبدائيا الجيتا واطية و دي سبب بيعك للسيفك فمش هقدر انصحك بالجيتا
بس انا ادي ليك معلومات برضو
هو انا عندي عربيات الماني منهم الجيتا 2009 فتيس قديم هاي لاين
و كوري النترا 2008 اوتو و مع اصحابي عربيات كوري و ياباني
هم مدرستين مختلفين لكل مدرسة مميزات و عيوب و انت تختار الي عايزه
الاسيوي عربيات بسيطة اعتمادية ناعمة و تكيف قوي بس خامات و تقفيل وثبات و فرامل و تكنولوجي اقل
الاوروبي و الالماني خامات و تقفيل و ثبات و امان و تكنولوجي اعلي مقابل اقل نعومة و تكيف و تحمل مش مناسب قوي للحر و الظروف بتعتنا
المثال علي عربيتن عندي الجيتا خامات و تقفيل ممتاز و احساس مقارب للفئة premium عن ال compact العادية خصوصا عربيتي هاي لاين بطارة ابانوس يعني ركبت كورولا و بعد ما وصلت ل تقريبا 220 الف محستش اي احساس premium فيها خالص فرش باب و قفلة باب مش بشوفها في اي اسيوي خالص جرب تركب كورلا هاي لاين و بعديها جولف 7 هتحس بال انا بقوله دهان و اكصدامات محترمة جدا جدا جدا عندي جروح في الانترا مكنها صدا عندي تجريح في الجيتا تحتيه طبقة رمادي كده بقلها 3 سنين و لسه زي مهي لاصدا و لا هوا اكصدامات مدرعة في الكوري و اليابي
كرتون مقوي ثبات و فرامل و احساس تقل علي طريق فرق حجم و تعقيد فرامل الجيتا عن الالينترا ملحوظ
مرة كنت مسافر ب ريو الشكل الجديد و كنت عايز اتعامل معها زي سواقة الجيتا كنا هنلبس و مع اللاستخدام العنيف للفرامل كفائتها بتقل قوي من السخونة عكس الجيتا
عوامل امان بس ده عندنا في مصر قليلة اوي في الاسيوي عكس الالماني
التكنولجي متفوق جدا جدا في الالماني عن الكوري الجيتا عندي اخر 2009 فيها cornering و drl و بلوتوث ب تحكم كامل ب تقرا المسج و البريد الصوتي و تحديث ال phonebook وتقدر تقفل ال mob و اوامر صوتية و ultrasonic alarm
و شاشة بايانات بتجبلك كل حاجة بدات تنزل في الكوري و الياباني بدرجة اقل من الي عندي الي هي اصلا اتطورت عن الموجوده عندي في الموديلات الجديدة و 4 ازاز تاتش مش موجود غير في الالماني ركبت grand cheroke 2015
الازاز الي وارا مش تاتش !!!
العيوب اعتمادية اقل بس بياثر فيها استخدام قطع الغيار ال مش اصلية لان فرق السعر ما بين الاصلي و التقليد رهيب
فالناس بتسترخص و ده بياثر بس عماتا مش بتاعت بهدلة زي الاسيوي
و التكيف مش بيسحمل الجو بتعنا معطم الالماني من بي ام و اوبل و فولكس جروب جايب كومبريسور مش عارف مريسيدس ايه نظمها
الاسيوي نعومة و عربية سهلة السواقة اعتمادية قوية الالنترا عمالة كيلو متر عالي اوي اوي و بسم الله مشاء الله
بدون اي مشاكل التكيف بسم الله مشاء الله تلج و بدون اي مشاكل
ده كلام عام
اما بخصوص تفاصيل الجيتا بعد استخدام 100 الف كيلو بس الكلام ده علي الفتيس القديم اما ال dsg فده سبب ابعد عن
اي vw
اكبر عيب كومبروسير التكيف بيتعب مع الوقت
الفتيس لو مغيرتش الزيت بالاصلي علي 70 الف اقصي حاجة البودي فالف بيبوظ
طبعا في عيوب فردية و دي في اي عربية بس دول اشهر حاجتين فيها
الموتور مش اد كده بس مش معني كده ان الكل هيطلع منك في عربيات تقيلة كتير بس مش طالع عليها سمعة البطء زي الجيتا و الاوكتافيا بس لو مفتح العربية و مجريها و صينتها و كويسة هتبقي مقبولة و انت معاك ميزة الفرامل و الثبات
الي هتخليك لو بتشد مع حد هتبقي اجرء ممكن تعوض الفرق الي هيحصل لو شد مواتير بس عمتا الشد ده مش كل يوم
استهلاك البنزين في الطرق المفتوحة كويس و بتاكل بنزين في الزحمة شوية و استهلاكها في ال 95 اقل بس شغال ال 92
قطع الغيار عندك من الصيني الرخيص للاصلي الغالي و في ناس كتير فهمين فيها و بقت معروفة
غير كده ركوبة محترمة و احساس اقرب لل premium في الهاي لاين
لو عايز جيتا دور علي اخر 2009 عداد قليل بس الناس بتبالغ في سعرها ساعات بتوصل 170 الف للاقل من 30 الف كيلو
بس لو تعلي ل 140 ممكن تلاقي حاجة نضيفة و كماليات كويسة و عداد مش كبير

متشكر اوي ياباشا على الشرح الجميل ده ،وعلى اهتمامك بالرد :)
بس انا رأيي ان الفولكس بالذات هي اللي اعتماديه اقل من الكوري والياباني وسواقه اقل نعومه منهم ، لكن لو حضرتك جربت المرسيدس ولا الاوبل استرا الجديده مثلا هتحس بنعومه اكتر من الكوري والياباني ، والمرسيدس بالذات اعتماديه فوق الخيال ، والاوبل استرا الجديده سواقتها وعفشتها تحفه انا مجربها مع واحد صاحبي ، مع العلم ان والدي معاه النترا ٢٠١١ والاوبل استرا انعم من الالنترا ،، لكن شركه فولكس بالذات والشركات التابعه ليها مع انها عربيات فيها مميزات حلوه زي الفرامل والثبات وجوده الخامات لكن مشاكلها كتير ومشاكلها دي تكرهك في العربيه ،،
وزي ما حضرتك قولت في الاول ان الجيتا واطيه زي السيفك ، وكمان مشاكلها الكتير ونشوفية العفشه وضعف الاداء مقارنه مع عربيات في سعرها وارخص منها ،، فشكلي كده هصرف نظر عنها عشان اريح دماغي ،، وخصوصا لأنها واطيه ، لو هفكر في الالماني تاني يبقى هدور على الاوكتافيا بقى ، عشان مطبات شوارعنا دي كرهتني في العربيات الواطيه

المشاركة الأصلية كتبت بواسطة mohamedjetta

العفو حضرتك
لو عاوز حاجه اعتماديه زي ما قالو الاعضاء يبقي كوري او ياباني ولو عاوز تكنولجي يبقي الماني
السيراتو عربيه محترمه وجميله وخامات تقفيل ممتازه و ثباتها كويس لحد 170-180 ... يكفي انها زيرو و ومفهاش اي عيوب

هو طبعا لو الواحد جاب سيراتو هيريح دماغه من المشاكل كلها بتاعت الفولكس ، وكمان قطع غيار منتشره ومش غاليه،، بس الواحد كان نفسه في حاجه ليها برستيجها برده كده :)