الموضوع: هو لية ناس كتير بتشتم فى النسيان الشكل الجديد؟ رغم إنتشار العربية

انا مش عارف هيا دي اي واحدة من البريلينسات موديل 2007 بس شكلها افخم فئة مثلا عندهم .. التعليقات جبارة


https://www.youtube.com/watch?v=Mbe5ILICT4M

المشاركة الأصلية كتبت بواسطة Hmatchy

برده مصمم تبعد عن الموضوع ماشى رغم ان احنا اتفقنا ان هنعتبر البريلليانس اسواء عربيه فى السوق
بس هرد عليك علشان كل اللى يهمنى ان الناس مترميش فلوسها فى الارض وتشترى عربيه شاسيه بتاعها بيتعوج فى اى خبطه على سرعه 15 كيلو
دى كانت من اوائل العربيات الصينيه وفعلا فشلت فى الاختبار الاوربى للتصادم فشل زريع لدرجه انها خلت معظم الدول الاوربيه لحد دلوقتى قافله استيراد الصينى
بس اللى حصل ان العربيه دى اتعدلت بالكامل وخدت بعد كده 3 نجوم والتعديلات دى تمت فى شهرين او تلاته تقريبا وفى موضوع فى قسم بريلليانس فيه فيديوهات قبل وبعد التعديل

بس هقولك بردو انك لو دورت مش هتلاقى النيسان الصنى دخلت الاختبارات الاوربيه اصلا
يا ريت بلاش نبعد عن الموضوع وزى ما رديت عليك ووثقت كلامى
اتمنى ترد على الفيديو الاول اللى انت محسسنى انو مش موجود وبتهاجم فى عربيه تانيه خالص
[youtube]https://www.youtube.com/watch?v=bPw26Nfze_Q[/youtube]

انت حضرتك عارف اختبارات الامان الامريكية ؟ عارف كمان اشتراطاتهم في الامان حتى للعربيات الاوروبي .. طيب اهو نيسان فيرسا نازلة هناك - اللي هيا الصني بموتور 1.6 وفتيس cvt ..
فين بقى بريليانس بتاعة حضرتك من اوروبا او امريكا او اي دولة بتحترم نفسها ؟
وياسيدي متخفش على الناس هما شافوا الفيديو بتاعك ومش حيشتروا الصني خلاص .. الغشاوة اللي على عنيهم راحت
على فكرة وجديا الصني الصاج بتاعها ضعيف فعلا بس اعتقد كل الجديد ضعيف بدرجات ..
انا لمااشتريتها كنت عارف بضعف الصاج ومع ذلك جبتها لمزايا كتيرة بفلوس قليلية مقارنة بأسعار خزعبلية للمنافسين وليهم برضو مشاكلهم .. يعني جروب متسوبيشي شارك على الفيسبوك - واللي متقفلة بالكامل في اليابان - وتقريبا هيا الوحيدة في فئتها .. بيتكلموا عن شكوى في العزل والتقفيل والفرامل السيئة بدون abs اللي في الفئة التانية والاعلى .. وعفشة ناشفة وخلافه .. لايوجد سيارة كاملة وخالية من العيوب ياصديقي

طيب وايه رأيكم في صاج الاوبترا؟؟ عموماً سمك الصاج الضعيف حالياً من مميزات العربية واللي مش عارف يتعب نفسه شوية ويعمل search وهو يعرف

نفس النقاش اللى مش هينتهى

من ناحيه سمك الصاج فعلا النيو صنى صاجها الخارجى ضعيف صاج البريليانس الصينى افضل منها ودى كلمه حق لازم اقولها

كمان النيو صنى مفيش بار حمايه ورا علشان كده اى خبطه ورا بتكون مؤثره

لكن بصراحه من قدام كويسه انا كنت ماشى ورا عربيه فيات اللى صاجها حديد بالنسبه لها وسرحت فدخلت فيه من ورا ولحقت نفسى بالفرامل بس دخلت فيه بصراحه ركبى سابت وقلت العربيه باظت من قدام لكن كانت المفاجئه مفيش اى اثر فحمدت ربنا

سمك الصاج مش مقياس على قوه العربيه والا بقى امبارح عربيه باسات كان ماشى بسرعه طلع فوق الرصيف وخبط دكتوره وقتلها واتقلبت بيه العربيه فوق الجزيره الوسطى والعربيه اتدمرت تماما ماعادتش تنفع لكن اللى فيها طلع سليم

العربيات النهارده بتهتم بامان المقصوره على حساب اى شئ تانى ودا الاهم

خلينا برده نكون منصفين صاج النيو صنى زيه زى صاج الفيرنا والاوبترا والافيو مايفرقش عنه حاجه نفس السمك ضعيف وحش

لكن بقى نيجى للاهم

لو انت سواقتك هاديه زى حالاتى وعايز عربيه عائليه واسعه ومريحه ومش بتاع شد وغرز وكلام فاضى من اللى بيودى القبر ده جيب الصنى ممتازه

لكن لو هتجرى وتعمل غرز ابعد عنها مش هتنفعك

هى عربيه كويسه للمدينه واقتصاديه فى البنزين وطول ماانت ماشى حسب قواعد المرور وبتحافظ عليها هتديك اللى انت عايزه

انا شخصيا بروح بيها البلد وبحمل فيها شوالين رز وبعدى على المطبات بكل سلاسه ولا اى حكه وزى ماقلت لك شوف انت عايز ايه من العربيه هتقرر تجيب ايه