الموضوع: هو لية ناس كتير بتشتم فى النسيان الشكل الجديد؟ رغم إنتشار العربية

المشاركة الأصلية كتبت بواسطة ibrahimsaad

نفس النقاش اللى مش هينتهى

من ناحيه سمك الصاج فعلا النيو صنى صاجها الخارجى ضعيف صاج البريليانس الصينى افضل منها ودى كلمه حق لازم اقولها

كمان النيو صنى مفيش بار حمايه ورا علشان كده اى خبطه ورا بتكون مؤثره

لكن بصراحه من قدام كويسه انا كنت ماشى ورا عربيه فيات اللى صاجها حديد بالنسبه لها وسرحت فدخلت فيه من ورا ولحقت نفسى بالفرامل بس دخلت فيه بصراحه ركبى سابت وقلت العربيه باظت من قدام لكن كانت المفاجئه مفيش اى اثر فحمدت ربنا

سمك الصاج مش مقياس على قوه العربيه والا بقى امبارح عربيه باسات كان ماشى بسرعه طلع فوق الرصيف وخبط دكتوره وقتلها واتقلبت بيه العربيه فوق الجزيره الوسطى والعربيه اتدمرت تماما ماعادتش تنفع لكن اللى فيها طلع سليم

العربيات النهارده بتهتم بامان المقصوره على حساب اى شئ تانى ودا الاهم

خلينا برده نكون منصفين صاج النيو صنى زيه زى صاج الفيرنا والاوبترا والافيو مايفرقش عنه حاجه نفس السمك ضعيف وحش

لكن بقى نيجى للاهم

لو انت سواقتك هاديه زى حالاتى وعايز عربيه عائليه واسعه ومريحه ومش بتاع شد وغرز وكلام فاضى من اللى بيودى القبر ده جيب الصنى ممتازه

لكن لو هتجرى وتعمل غرز ابعد عنها مش هتنفعك

هى عربيه كويسه للمدينه واقتصاديه فى البنزين وطول ماانت ماشى حسب قواعد المرور وبتحافظ عليها هتديك اللى انت عايزه

انا شخصيا بروح بيها البلد وبحمل فيها شوالين رز وبعدى على المطبات بكل سلاسه ولا اى حكه وزى ماقلت لك شوف انت عايز ايه من العربيه هتقرر تجيب ايه

الدكتور أبراهيم قفل الكلام و جاب من الأخر كلام ممتاز و تمام التمام و تسلم أيدك و في الأخر دى نصيب

المشاركة الأصلية كتبت بواسطة medo-312

يعنى حضرتك لما انت ذات نفسك تشترى اسوأ عربية فى السوق داخل تنصح الناس بأيه بالظبط ..!! ولما انت بترمى فلوسك على الارض زعلان ليه ..!! .. باشا لو فرضنا ان واحد واللا عشرة او حتى عشرين مابيفهموش فى العربيات واشتروا العربية كنا قلنا ماشى لكن العربية منتشرة جدا وده معناه ان الناس ليها حسبتها فى شراء العربية سواء الصنى او البريليانس او غيرها محدش عبيط .. كل واحد بيسأل ويفصص ويمكن ياخد شهرين تلاتة فى مقارنات لغاية مايوصل للعربية اللى تلبى احتياجاته هو مش حضرتك ولاأنا ولا اى حد تانى .. احتياجه هو بس

انت قصيت كلامى لانى رديت على كل النقط اللى هو زكرها
وانا قلت الكلام ده لما هو فضل مصمم انه يبعد عن الموضوع
وعموما اهو تفكيرنا ده هو اللى بيخلى عربيات ملهاش اى تلاته لازمه ليها سعر فى السوق كا جديد ومستعمل لاننا بنحسبها بانتشار العربيه مش جودتها
يا ريت يا جماعه الرد و النقاش يكون فى جميع النقط مش كل واحد ياخد حته من كلامى ويرد عنها علشان يدافع عن العربيه
انا قلت رائيى ان عربيه ممكن فرده الشاسيه تتنى على سرعه 15 كيلو متبقاش عربيه
ووثقت الكلام ده بفديو
انتو بقى مصممين انها حلوه ده رايكم ويحترم احنا بنتناقش والنقاش عن العربيات مش عن الاشخاص ويجى حد يقولى بنصح الناس بايه ومنصحهمش بايه وياخد اجزاء من كلامى علشان يبين انى بهاجم العربيه وخلاص
يا ريت اللى بيعارضنى فى كلامى يوثقه لانى معنديش استعداد ادخل فى نقاش الناس تسيب نقط متردش عليها وتمسك فى نقط تانيه ويبعد النقاش من نقاش عن مميزات وعيوب السيارات الى نقاشات تانيه ملهاش لازمه
عموما هو سعد باشا قالها مفيش فايده
والكومنت ده اخر كومنت ليا فى الموضوع ده وعن العربيه دى