نصيحة لا تؤجر شقتك الا بوصل امانة بقيمة الشقة+عقد موثق+ضمان مع بوليس الاداب

**gade2** · 18-10-2014 07:54 PM

القوه هى الحل

**sha2e** · 18-10-2014 09:47 PM

المشاركة الأصلية كتبت بواسطة الفجر

استصعب المشوار !!!!!!!!!!!!!!!!!!!!!!

ياراجل دة انا مستعد اعمل قرداتى بس اقطع على الاقل الكهربا على ولاد الج..........

انت مش عارف انا حياتى جحيم ازاى مع النجاسة اللى عندى فى العمارة

أنهي نجاسة بالظبط ؟
بتاعت الناس اللي مأجرين الشقة وبقالهم سنه ونص مش بيدفعوا ايجار ولا ميه ولا نور ؟
ولا بتاعت الناس اللي مأجرين المحل قهوة وبقالهم سنه ونص برضو مش بيدفعوا ايجار ولا ميه ولا نور الي بتقول عنهم (مسكونى وكتفونى وقالولى هتودى نفسك فى داهية وانت عندك عيال)
عموما لو عايز الحل ارجع للموضوع اللي انت كنت عامله قبل عن بتوع القهوة
ولو العداد اتشال ميقدرش يدخل عداد بأسمه لأن "على كلامك" العقد اللى معاه منتهي ولو قدم عقد مضروب ودخل عداد جديد فى الحاله دي تبقى جناية تزوير
بس قبل ما تشيل العداد اطلب صورة رسمية من ملف العداد (ملف العداد يعني الدوسية اللى اتقدم لتركيب العداد وفيه كل الاوراق)
واول ما تشيل العداد تاني يوم تبعت لشركة الكهرباء انذار رسمي على يد محضر تقولهم فيه ان العقار ملكك وتشرح الوضع باختصار عشان يعرفوا انهم لو فكروا يدخلوله عداد هيتسجنوا معاه

**mhamdsamy** · 18-10-2014 11:01 PM

المشاركة الأصلية كتبت بواسطة الفجر

استصعب المشوار !!!!!!!!!!!!!!!!!!!!!!

ياراجل دة انا مستعد اعمل قرداتى بس اقطع على الاقل الكهربا على ولاد الج..........

انت مش عارف انا حياتى جحيم ازاى مع النجاسة اللى عندى فى العمارة

بما ان دة اول مشاركة ليا احب اسلم عليكم

بص بقي انت لو كل السبل و قفت و انت مش عارف تطلعة مش قدامك غير انك تزهق ام#
علي سبيل المثال و ليس الحصر
تعمل بوابة حديد علي مدخل العمارة و ميخدش مفتاح
لو انت معاك مفتاح الشقة مثلا او تقدر تدخل حاجة فيها من الباب او شباك او البلكونة ال جمبية او ال فوقية يبقي صراصير افاعي و فئران و نوع في الفئران ولو سئلك قول دة سحر احنا معندناش حاجة
لو معاك المفتاح او تقدر تجيب نجار يفتحلك الباب و يظبطة
يبقي تشتري بضاعة و ماكنة تغليف و تحطها في الشقة و تطلع علي القسم و تجيب قوة معاك
تظبطة
واحد هتطردة عشان مستغل الشقة في خاحة غير السكن
اتنين هيتسجن عشان محول الشقة لنساط تجاري من غير تصاريح
ويفضل ان البضاعة تكون عصير حلاوة جبنة و تحطها في الحمام :]
ويكون في مواد خام زي جراكن او ازاير مليانة عصير او حلاوة سايبة كام كيلو من عند البقال
او اي حاجة تانية ممكن دواجن ارانب اي حاجة
لو تقدر تشوف هو شغال فين و تروح تزعق فية هناك و تقول علي ال بيعملة يمكن يطرد
و يروح في داهية
ممكن لو تتبلا علية مراتك مثلا
كل السبل مسموحة انت و ارادتك بقي

**NineVision** · 19-10-2014 12:20 AM

ياأخى ما اخذ بالقوة لا يسترد الا بالقوة
البلطجى عمره ماهيبلطج عليك طالما معاك فلوس خدها منى حكمة
البلطجى بيبلطج على الغلبان

**Hany Adel** · 19-10-2014 01:34 AM

لو عفاريت كنا طلعناهم اسرع بصراحة

@@شوف يا سيدي الفاضل
من الاول كده
الغلطة من البداية من اول ما كتبت العقد
عادة الناس بسترخص وتروح تجيب عقد منسوخ من مكتبه ام حسن
وتخلص ب اتنين جنيه

بدل ما المحامي ييجي ويحافظ على حقك بس حياخد 400 او 500 جنية

اهو توفير

@العقد عادة بنكتبه لعملائنا بيكون خالي نهائيا من اي اشاره .. للتجديد
هيه مدة محدده 2 سنة او 3 سنين غير قابله للتجديد نهائيا

ولا يحق للمستأجر تغيير العدادات باسمه .
لو حبينا نبقى نكتب عقد جديد

بالاضافة لشروط اخرى واخرى لحفظ حق المؤجر ....

@@بالنسبة لحالتك المحامين اللي معاك من اول لحظة كان لازم يحطوا خطة صح
ويقدروا بيتعاملوا مع مين الاول .. بلطجيه .. صيع .. اصحاب نفوذ .. اصحاب سلطة ..

وبتحدد على اساس ده خطة التعامل .

فيه شقة ب 6 مليون في الزمالك ايجار شهري 150 جنيه
ضاعت من ورثة المستأجر ف ثانيه بسبب خطأ المحامين
اللي احتج بورقة عرفية فاصبحت حجة عليه!!!!!
وعلى المستأجرين

يالا حظ المؤجر .

@@في حالة عدم دفع الكهرباء او الماء
عليك ارسال انذار للجهتين بان هناك نزاع .. وانك غير مسئول عن المبالغ المالية المتراكمه
وعليهم قطع الكهرباء او الخدمة .

@@بالنسبة للوضع الحالي عليك اللجووء للواسطة .. في احدى الجهات القوية في مصر
لتحريك المسالة ضدهم .
للاسف حقك حتضر تاخده بواسطة

@نظرا لاجراءات كتيره وطول المدة مسألة اصبحت معقده
ومسألة البلطجيه او دخول الشقة عنوه . متأخرة وممكن تجيب نتيجه عكسية

احترامي

**حسام الغرباوي** · 19-10-2014 02:01 AM

خلاصة الموضوع حاليا في مصر (( ما اخذ بالقوة لا يسترد إلا بالقوة )) ويبقي الوضع كما هو عليه

الحلول :-

1 - تركيب كالون جديد للبوابة الحديدية
2 - انتا بتقول انكوا ورثة (( تجمعوا منكوا 4 شباب ولا 5 )) وتدخلو تكسروا الباب بليل + الحاجات اللي في الشقة كلها تطلع على عربيات وتتخبى في حته تانية
3 - يتعمل عقد ايجار بداية تاريخة هو نهاية تاريخ المستأجر الحالي .
4 - تكسر كالون الشقة الجديد ...وتروح فورا القسم وتعمل بلاغ بإسمهم وتغمز امين الشرطة اللي هناك بورقة ب200 جنية ..هيقوم رايح عامل معاينة معاك وتظبط الكلام معاه يعملك بلاغ محترم
5 - تروح بعدها بيومين تعمل بلاغ تهديد انهم بيهددوك بالقتل وخطف اولادك
6 - هات 2 بلطجية سلطهم على المستأجر دا ياكل علقة محترمة (( بس يكون بعيدا عن منطقتك خالص ))

مش هتمشي غير بالقوة

**amr011111** · 19-10-2014 09:04 AM

المشاركة الأصلية كتبت بواسطة amr011111

انا مستغرب ازاى المياه مقطعتش عنهم المياه
ابسط شىء متدفعش فواتير المياه للعماره ورح هناك ادى بتوع التحصيل فلوس وهما هيشيلوا العداد وقتى
خاصة ان المياه مشتركه للعماره كلها
بخلاق الكهربا اللى بتبقى تبع كل شقه
وعندك كمان انك متدفعش ايصالات كهرباء للعماره اللى شغال بيها الاسانسير وماتور المياه
وهتلاقى شركه الكهرباء رفعت العداد

المشاركة الأصلية كتبت بواسطة الفجر

كل شقة ليها عداد مياة خاص بيها

يبقى عليك وعلى عداد كهرباء العماره متدفعش خالص ولا إيصال
احنا عندنا فى العماره مفيش اتحاد ملاك وطبعاً فيه حوالى اربع سكان عايشين سلبطه ومش بيدفعوا الشهريه للصيانه وونتيجة ده العداد اتشال اكتر من اربع مرات

**Ahmed Eraqy** · 19-10-2014 10:45 AM

البلد ديه اللى زينا ملهمش عيش فيها ...... ربنا معاك

**wawamoha** · 19-10-2014 05:20 PM

باشا
بلطجه للاسف ........ز و يعملك قضيه اعمله اتنين
مره تانيه للاسف
و اعملوا كل يوم مشكلتين عل علقتين كده يعني

**Elawany13** · 19-10-2014 05:35 PM

المشاركة الأصلية كتبت بواسطة الفجر

اولا

انا المالك العين الاصلى مش باجر من الباطن

ثانيا

الغاز والكهربا طبعا على المستاجر ومكتوبة فى العقد بس البهوات بعد ما تطردهم بيكون عليك فواتير كهربا متراكمة لانة بيعمل طلب تقسيط المديونية الكهربا بالعقد الايجار اللى معاة وفى الاخر انت اللى هتلبس كل الفواتير المتاخرة وبشرايحهم كمان يعنى حتى لو جبت جقك من الايجار !!!!!!!كلة رايح فواتير كهربا وخلافة وحسبى الله ونعم الوكيل

ثالثا

العقد الايجار انتهى من سنتين وبعتلهم انذار بالطرد على يد محضر وطبعا عشان هو يهرب من الاستعلام بييدى عشرين جنية للبوسطجى من تحت عشان لا يستلم الاعلان ودى لوحدها شهر الى شهرين ثم يعلم غيابيا بعدها بشهرين ثم اخيرا تبدء القضية عشان تاخد رول فى جلسات بينها وبين بعض شهرين عل الاقل ثم حكم ابتدائى ثم طعن ثم استئناف ثم حكم نهائى ثم استشكال ثم اننك بعد كدة تروح تبوس ايد ورجل المامور القسم عشان يبعت معاك امين شرطة لتنفيذ الحكم بقوة القانون دة غير كمان 4 شهور وقف للمحاكم بسبب اجازة القضاء دة غير ان المحاكم احيانات بتقف لما يكون فى انتخابات رئاسية او انتخابات مجلس الشعب وخلافة

اخيرا

انا بحكيلك قصة من واقع الحياة ومعايا مستندات بكدة وممكن اثبتلك واجبلك ارقام القضايا كمان دة لو حضرتك مش مصدقنى

يانهار اسود على ديه ناس
وعلى دى قانون وعلى ديه بلد
ديه محصلتش طابونه والله
الغابه فيها أمن وفيها قوانين عن المسخره اللى احنا عايشينها
ربنا معاك
وينتتقم من الظلمة