رقم العضوية : 39787
تاريخ التسجيل : 07May2009
المشاركات : 3,598
النوع : ذكر
الاقامة : 6 أكتوبر
السيارة: Eclipse-Fluence -Corolla
السيارة[2]: Civic.felecia.megan.tigo
دراجة بخارية: no
الحالة :
للعلم بس .. التوكيل " المحترم " بتاع تويوتا .. قالب طوب رصيف خبط في الاكصدام كسره و الفوج و الردياتير و الكارتيره >>>> دفعنا 34 الف جنيه اصلاحات
الرادياتير يامؤمن ب 8800 جنيه !!!!!
قالك اصله بييجي من طوكيو و يعدي علي تركيا و بعدين ييجي مصر .. لا والله !!!!!!!!!!
To Get The Best In Life
You Have To Start With Yourself
And Do Your .. BEST
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 39787
تاريخ التسجيل : 07May2009
المشاركات : 3,598
النوع : ذكر
الاقامة : 6 أكتوبر
السيارة: Eclipse-Fluence -Corolla
السيارة[2]: Civic.felecia.megan.tigo
دراجة بخارية: no
الحالة :
مظبوط يا تامر .. و انا هنا ما باردش عشان عربيتي 2013 .. انا باحكي عن موقفي بينها و بين فلوينس 2011 كانت معايا قبلها .. كورولا 2014 اتغيرت .. و برضه فلوينس فيس2 اتغيرت
انا باتكلم عشان ركبت عربيتين كورولا 2014 .. واحدة يوم و واحدة اسبوع
و العربية كويسة .. لكن السؤال مش كويسة ولا وحشة .. السؤال : تستاهل التمن ده ؟؟
To Get The Best In Life
You Have To Start With Yourself
And Do Your .. BEST
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
أنا هحاول أكون حيادي بقدر الإمكان..
خلينا نشوف الأول إيه الأسباب اللي تخلي تويوتا ترفع سعرها بالطريقة دي؟؟
أولا... لا خلاف على إن تويوتا معروفة في كل أنحاء الدنيا بحاجتين أساسيين في عربياتها:
1- الجودة
2- الاعتمادية
بشكل عام .. الجودة كلمة عايمة وكبيرة.. بس كلمة جودة المقصودة هنا معناها قلة العيوب اللي بتحصل في العربية في أول سنة بعد الشراء..
يعني كل حاجة متركبة صح .. كل حاجة شغالة تمام..
حد جاب سيرة نوع الخامات والفخامة؟؟ لأ
حد جاب سيرة الشكل الجميل؟؟ لأ
حد جاب سيرة الأوبشنز؟؟؟ لأ بردو
حد جاب سيرة أداء العربية والثبات؟؟؟ لأ خالص
هي دي كده جودة؟؟؟
أيوه... لأن العميل اللي اشتراها رضي بيها كده .. والمنتج حقق المطلوب منه.
طيب...
إيه موضوع الاعتمادية؟؟؟
الاعتمادية دي موضوعها كبير في الحقيقة..
الاعتمادية دي معناها الهندسي هو : المدة الزمنية الفاصلة بين عطلين.
ومعناها التسويقي هو درجة ثقتك واعتمادك على المنتج إنه هيأدي المطلوب منه بدون ما أفقد وقت أو أشغل نفسي بصيانته
يعني.. لما تركب عربيتك الصبح.. ما تبقاش خايف إن العربية تعمل معاك دقة نقص في عز ما انت محتاجها.
مشكلتنا في مصر إن الاعتمادية أهميتها قليلة مقارنة بالخصائص التانية اللي بنقارن بيها العربيات..
ليه؟؟؟
علشان حاجتين أساسيين:
1- إننا متربيين على إن العربيات الـ128 واللادا بتروح كل شوية للميكانيكي.. يعني لما العربية تعطل مش مشكلة.. عادي يعني..
طبيعة المجتمع مش بتدي أهمية كبيرة للوقت.. فمش مشكلة لما أضيع وقتي وأروح مشواري متأخر بسبب العربية العطلانة.
2- أسعار الصيانة في مصر رخيصة جدا مقارنة بالدول المتقدمة أو حتى في الدول العربية المجاورة.
كفاية إني أقوللك إن علشان ألحم كاوتش مخروم هنا في السعودية بأدفع 50 ريال (100 جنيه).. وعلشان أعمل أي شغل عادي من أبو 100 جنيه في مصر .. هنا بعمله بـ200 ريال على الأقل..
ولو لقيت ميكانيكي فاهم وشغله نضيف.. أضرب المبلغ ده × 1.5 أو 2.
طبعا... الموضوع له علاقة كبيرة جدا بمستوى الدخل وطبيعة الاقتصاد في الدولة.
طيب.. نفهم من كده إن "مصنعية" صيانة العربية بره مصر غالية.. ده غير قطع الغيار..
يبقى لو أنا عايز أوفر... أجيب عربية ما تقرفنيش كل شوية بأعطالها ومشاكلها..
ده غير إنك بتبقى دافع فلوس في العربية وما بتستفيدش منها..
أكتر ناس يحسوا بالموضوع ده هما أصحاب العربيات الإيجار والتاكسي.. لأن العربية لما بتقف معناها مفيش فلوس بتدخل جيبك.. بالعكس.. إنت اللي عمال تصرف.
من هنا .. الناس بره مصر بتعمل حساب الاعتمادية في اختيار العربية... خصوصا لو كنت من الناس العادية اللي بتقبض مرتب يدوب بيعيشك كويس.. زي ما هما متعودين في أوروبا وأمريكا.
طيب.. محدش سأل نفسه.. هو ليه سعر إعادة البيع بتاع تويوتا عموما بيبقى عالي؟؟؟
أجاوبك وأقوللك.. سعر إعادة البيع هو ترجمة لمستوى اعتمادية السيارة!!!
إزاي؟؟
يعني حضرتك لما تيجي تشتري عربية مستعملة.. أغلب الناس هيقولولك اشتري عربية نضيفة؟؟ يعني استخدامها كويس ومفيهاش حاجة عطلانة.. علشان ما تصرفش عليها بعد ما تشتريها.
وده بالضبط الوضع اللي بتبقى عليه أغلب سيارات تويوتا... هتشتريها وتسوقها علطول... بدون ما تعدي على ميكانيكي يصلحلك العطل اللي ظهر فيها بعد أسبوع أو شهر من شراءها...
ده غير إن ممكن يكون فيها عيب.. بس العربية لسه ماشية وهتوصلك مطرح ما انت عايز.
إنما لو اشتريت عربية سعرها واقع.. أكيد فيها مشاكل.. ويمكن كمان تتعب على ما تلاقي قطع غيارها.
خلي بالك من حاجة مهمة..
موضوع الفخامة والأداء والأوبشنز موجود في عربيات تويوتا بردو... بس للأسف مش واضح في العربيات الصغيرة.. إنما في العربيات الكبيرة زي الكامري والأفالون واللاندكروزر .. ولكن بحدود.
عايز تويوتا فيها كل اللي نفسك فيه... اشتري "لكزس".. بس ادفع .. لإن مفيش حاجة ببلاش
عموما.. دي سياسة أنا بعتبرها فيها بعض النقص.. لإن تويوتا زمان قبل لكزس كان فيها كل حاجة.. بس أعتقد إن ممكن السياسة دي تتغير بعض الشيء لما مبيعات تويوتا تقل شوية.
مش هتكلم عن رينو.. لإني ممكن أكون متحامل شوية.
بس أنا بتكلم هنا عن خبرة من امتلاك إحدى سيارات تويوتا في الماضي (تويوتا كريسيدا 1982).. وأيضا إحدى سيارات رينو (كليو 1991).
في الآخر... التويوتا تستاهل سعرها؟؟؟
أيوه تستاهل.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
كلامك جميل طبعا و فنى زى ما عودتنا , بس برضه السؤال ايه سعرها بره و برضه بالنسبه لاقرب منافسيها ؟ هل الفرق بينهم بيوصل للارقام اللى هنا ؟
ببساطه و مش هاقول لك الرينو علشان نبعد عن ما نمتلكه .
الفرق بين سعرها هنا و سعر الاسترا او الفوكس او الامبريزا زى الفرق ما بينهم بره ؟ و كنسبه مئويه علشان نراعى فرق الجمارك و الضرايب مع مراعات الفئات .
اعتقد الاجابه هاتكون لا بنسبه كبيره .
ادينى مثال و قول لى انه الفرق بينها و بين الاسترا الفئه التانيه مثلا 10% زى الفرق بينهم فى مصر , او بينها و بين اى فئه زيها فى امريكا او فى اليابان , علشان نعرف بس مدى زيادة الوكيل هنا فى السعر .
اللهم بارك لنا فيما رزقتنا
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
أنا حقيقي معرفش الأسعار في مصر دلوقتي وصلت لفين بالتحديد.
بس أنا هحاول أجيبلك أسعار العربيات هنا بالريال السعودي وأعادلها بالجنيه المصري بعد زيادة الجمارك الأساسية.
بس ليا ملحوظتين
أولا.. الكورولا هنا في السعودية تفتقد لبعض المميزات اللي موجودة في كورولا مصر
أولها.. فتيس الCVT... الفتيس في السعودية 6-سرعات مانيوال أو 4-سرعات أوتوماتك... ده غير إن ما بينزلش فيها ESP.. ده حسب موقع عبداللطيف جميل.
http://toyota.com.sa/modelsprices.asp?model_id=3
ثانيا.. الأوبل مالهاش وكيل في السعودية.. واللي بييجي غالبا بيبقى جاي استيراد من الإمارات.. زي الخليجي لما بينزل مصر.
خلينا نتكلم على أسعار فئة الفول أوبشن أو الهاي لاين .. الـ1600 طبعا.. لإن فيه منها 2000 سي سي.
الكورولا 2015 بـحوالي 70 ألف ريال ... تكافئ حوالي 220 ألف جنيه
رينو فلوانس حوالي 60 ألف ريال ... تكافئ حوالي 190 ألف جنيه
فورد فوكس حوالي 61 ألف ريال ... تكافئ حوالي 192 ألف جنيه
كيا سيراتو حوالي 67.5 ألف ريال ... تكافئ حوالي 213 ألف جنيه
شيفروليه كروز حوالي 62 ألف ريال ... تكافئ حوالي 195 ألف جنيه
الأسعار دي أنا جايبها من على النت.. واتأكدت من بعضها.
والعربيات اللي مش موجودة في القايمة دي ما لقيتش أسعارهم إلا لفئة الـ2000 سي سي (سوبارو إمبريزا - متسوبيشي لانسر - أوبل آسترا)
على فكرة... بالنسبة لفئة الـ2000 سي سي من نفس العربيات .. الأوروبي كله فوق الـ100 ألف ريال... إنما الياباني والكوري مفيش حاجة منهم معدية الـ80 ألف ريال.
قارن بقى الأسعار دي بالموجود في مصر... وقولنا.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
[quote=borio1704;3875833564][size="5"]
أنا حقيقي معرفش الأسعار في مصر دلوقتي وصلت لفين بالتحديد.
بس أنا هحاول أجيبلك أسعار العربيات هنا بالريال السعودي وأعادلها بالجنيه المصري بعد زيادة الجمارك الأساسية.
بس ليا ملحوظتين
أولا.. الكورولا هنا في السعودية تفتقد لبعض المميزات اللي موجودة في كورولا مصر
أولها.. فتيس الcvt... الفتيس في السعودية 6-سرعات مانيوال أو 4-سرعات أوتوماتك... ده غير إن ما بينزلش فيها esp.. ده حسب موقع عبداللطيف جميل.
[url=http://toyota.com.sa/modelsprices.asp?model_id=3]
اللهم بارك لنا فيما رزقتنا
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
مش هانقدر نقارن كورولا خليجى عموما باللى هنا لاختلاف المواصفات الاساسيه فى العربيه عن مصر .
ما عليش سؤال . هل الاعتماديه اللى ارجعت لها السعر صفه خاصه بالتيوتا و ﻻ صفه عامه لليابانى ؟ هل الميتسوبيشى مش اعتماديه او الهوندا او السوبارو ؟ فعلا الكورولا تعديهم سعريا بمبالغ ؟ و ﻻ استغلالا للاسم هنا فقط ؟
اللهم بارك لنا فيما رزقتنا
رقم العضوية : 50459
تاريخ التسجيل : 19Oct2009
المشاركات : 1,319
النوع : ذكر
الاقامة : مصرى-بالمملكه العربيه السعوديه
السيارة: سيراتو 2012
السيارة[2]: النترا
الحالة :
انا اشتريتها وبقولك لو اشتريتها مش ها تندم عربيه بجد . بس انا شريها من السعوديه هنا تقفيل تايوان وجايب اول فئه طاسات عربيه حلوة
رقم العضوية : 161735
تاريخ التسجيل : 20Jun2014
المشاركات : 178
النوع : ذكر
الاقامة : Giza
السيارة: نيسان سنترا
السيارة[2]: نيسان صنى
الحالة :
المفضلات